حرب المافيا

انا انقذتك من الموت وفيني رجعلك ياه..

حرب المافيا
《2》
سلمى(متفاجأة):بابا مو قلتلي مارح تقتل حدا بعيد ميلادي
سيف:سلمى هاد خاين ولازم يموت
سلمى:بابا انت شو قلت لا خاين ولا غيرو
سيف:اووف ماشي ماشي مارح اقتلو سامي شيلو وزتو برا الفيلا
سلمى(عم تحكي مع جود ومدت ايدها  لتسلم عليه):مرحبا انا سلمى سيف عمري عشرين سنة وانت
جود:احمم انا لازم روح باي
سيف:بس تمد بنتي ايدها بتسلم وبس تسأل بتجاوب هي سلمى بنت سيف فهمان
جود:اناا جود (مد ايدو وسلم عليها)
سلمى:اديش عمرك
جود:٢٣
سلمى(بطريقة مرحة):شو دارس
جود:موو دارس يعني قصدي للبكلوريا وبس
سلمى:ناجح بالبكالوريا ولا راسب
جود:ناجح
سلمى:ليش ما كملت لكان
جود:لانو بابا توفى ومعد فيني ادرس
سلمى:ليش
جود(بنفاذ صبر):لانو لازم اصرف عالبيت فهمتي وهلأ فيني رووح
سلمى:لأ
جود:شوو
سلمى(بأبتسامة):بدك تحضر عيد ميلادي
(اطلع جود عسيف وسيف هز براسو بمعنى أي)
جود:انا رح روح جهز حالي باي
سلمى(بمرح):لأ هلأ بقول لسامي يجهزك احلى تجهيز
جود:ماشي ماشي
*بعد مرور ساعتين*
جود:بعني ليش هلبس
سامي:الانسة سلمى نقتن
جود:عندها اخوات؟
سامي:ما دخلك مفهوم انا عليي جهزك وهي جهزتك تفضل طلاع عالصالون لانو بلش الاحتفال
جود:ماشي ماشي
(طلع عالاحتفال وشاف بنات شبه عاريات عم يرقصو ويميلو وحفلة ولا بالخيال ورد احمر موسيقا صاخبة وناس كتير وكلن من الطبقة الراقية)
جود:العمى انا وين هدول مو من توبي ولا انا من توبن الله لا يوفقك يا زين
لميس:عم تحكي مع حالك يا حلو
جود:اا لا ولا شي عم قول حفلة حلوة وو بس
لميس:انا لميس وانت
جود:ضروري جاوب
لميس:ليش ما عجبتك
(لميس عمرها 22سنة شقرا وبيضا وعيونها زرق ولابسة فستان ازرق لعند فخدها وفي فتحة كبيرة عند الصدر)
جود:لا يعني انو انا جود
لميس:مين جود يعني قصدي شو عرفك بسلمى صديق يعني بالجامعة ولا شو بسطلك السؤال اكتر بيبي
جود:ليكي يا لميس حلى عني الله يوفقك اوكي
لميس:ليش شو حكيت
جود:قلك شغلة انا رايح سلاام
لميس:يي شو حكينا حتى يزعل
سلمى:جود جود
جود:اي سلمى
سلمى:شو رأيك بالفستان
( لابسة فستان احمر طويل وكندرة كعب حمرة وعاملة تسريحة شعر)
جود:اووه اي شو هالجمال طالعة بتجنني
سلمى:وانت كمان...امم جود بابا ليش كان بدو يقتلك
جود:قصة طويلة
سلمى:بلش يلا
جود:سرقت اسلحة منو انتهت القصة
سلمى:امم بس
جود:بس
سلمى:يي هالغنية بحبها كتير تعا نرقص عليها
جود:ما بحب الرقص شكرا
سلمى:هاد امر يلا تعال
جود(بقلبو):الله يخلص هالحفل عخير
(رقصو كتير وسلمى ما خلت جود يقعد لرقصو عنص الاغاني)
سلمى:تفضل شراب ورح تنسى كلشي
جود:شو هاد بيرا لا شكرا انا ما بشرب
سلمى:بتشتغل بعصابة مافيا وبتسرق اسلحة وما بتشرب اي شراب وسكوت
جود:ليكي سلمى انا تأخرت ولازم روح
(مسكتو من ايدو وقعدتو وحطت بأيدو كاس)
سلمى:انا انقذتك من الموت وفيني رجعلك ياه اوكي
جود:ماشي رح اشرب كاس واحد بس ها
سلمى:هههه بس تشرب كاس بيجو بعدو كتير هههههه
*الساعة اثنين منتصف الليل*
(فات جود عالبيت وعم يروح يمين ويروح شمال ويغني)
جود:ويلا يا ديجا.....عليي الموسيقا.....خلي جو السهرة ....يشعل حريقااا..اااااا
زينا:بسم الله الرحمن الرحيم شبك ابني
جود:هههههه امي امي هههههه سلمى وحدة هبلة ههههههه ويلا يا ديجاا ولميس احلا ...عليي الموسيقا...وزين عصبي....وخلي جو السهرة...احمد دبلوماسي....هههههه لك اااه يا امي مأبشع الضعف ومأحلى السلطة بتخلي أيا شخص يعمل يلي بدك ياه هه انا ضعيف ههههه انا ضعيف بنت لك يا امي بنت اقوى مني (بلش يبكي ويضحك)انا ضعيف الكل بيلعب فيني ههههه
زينا:سكران يا ابني سكران
جود:انا وسخ امي انا وسخ غامس بالوسخ
(زينا حضنتو وقعدت تخفف عنو لحتى نام)
-------------------------
*اليوم التالي*
*صباحا*
جود:اااخ يا راسي صباح الخير امي
زينا:صباح النور
جود:شبك امي ليش هيك عابسة
زينا:وين كنت مبارح
جود:وين كنت مبارح
زينا:انا عم أسأل وانت بدك تجاوب
جود:مبارح انا كنت بحفلة عيد ميلاد
زينا:ومين سلمى ولميس وزين واحمد
جود(بصدمة):انتي شو عرفك فيهن
زينا:بتشرب يا جود بتشرب
جود:اامي انا كنت بحفلة عيد ميلاد سلمى وشفتن كلن عم يشربو قلت بشرب وزين واحمد ولميس وحتى سلمى زملائي بالعمل لا غير
زينا:ومين الضعيف ومين القوي
جود:مين شو
زينا:انت كنت عم تقول انك ضعيف ليش
جود:وشو قلت كمان
زينا:حكيت كتير
جود:ماما انا ما بعرف عن شو عم تحكي ووعد معد اشرب وانا اتأخرت ولازم روح عالشغل سلام ادعيلي كون القوي وفي حلقة اضعف مني
----------
*المكتب زين*
زين:شو صار مع جود
احمد:علمي علمك مو مسترجي دقلو لأعلق براس الريس
زين:بدنا نعرف شو صار لنعرف كيف نتصرف
احمد:مبينة قتلو
زين:الله يرحمك يا جود
جود:ليش ايمتى متت
زين واحمد:بسم لله الرحمن الرحيم
جود:شو عفريت
زين:لك شو صار معك وكيف انت هون
جود:الله يسامحكن انا وثقت فيكن ورحت سلمت حالي وانتو هون عم تترحمو عليي
احمد:جود شراح بعدين نحنا منشرحلك
جود:انا رح اشرح عني وعنكن عني الريس شغلني عندو لانو حب صراحتي هي اولا اما عنكن فأنتو خنتوني وتركتوني وتركتو امي ليكو كلمتين ورد غطاهن يا اما هلأ بدي الفيلا والخدم والممرضة يا أما رح افضحكن
زين:وله حيوان عم تهددني
جود:اي لا تشد على حالك زينو انا بشتغل عند الريس مو عندك وانا عندي تسجيل كلشي
احمد:كيف يعني
جود:يعني من اول ما فتت لهون بلشت تسجيل صوتكن وهلأ التسجيل مع سلمى مين سلمى سلمى سيف بنت الريس حبيبتي انا بكون فارس احلامها.....
يتبع..
اترك رأيك بالتعليقات

الراوية بقلمي وايا سرقة من النص سيعامل معاملة قانونية