المهم قلت الكلام ورحت الخيمة قعدت شوي لما حسيت ان مافي احد قريب من خيمتي وعلى طول دقيت على العقيد يوسف بس اللي رد على مو العقيد رد واحد ثاني أسمة النقيب فهد رد وانا قلت وين العقيد قال مو موجود الحين شنو في قوليلي انا قلت لا هذا شي جداً مهم ومحد لازم يدري بهذا الشي الا هو ممكن تعطيني التلفون العقيد بسرعة ما عندي وقت قال قلت لج مو موجود انا ادري بكل شي ادري بالمهمة والعقيد قالي انت انضممت للمهمة واعرف كل شي عن المهمة المهم لما تأكد ان صج معانا قلتلة كل شي وهو انصدم من اللي سمعة لان صج صدمة شلون عسكري ويكون خاين المهم قال شنو أسمة قلت ما ادري حاولت اعرف بس ما قدرت قال خلاص اي شي يصير دقي قلت تمام بس في شي بعد قال شنو قلت في صور دزيتها لكم وصلت لكم قال اي اي شفتها قلت هذي اغراضهم واكيد في غيرهم وراح اعرف وين بس الحين وضعي شوي بخطر معاهم راح احاول قد ما اقدر أوصل لكم المعلومات وصكرت و بعدها بخمس دقايق جاء عمر قال تعالي آكلي ورحت معاه وانا اكل لفت نظري ان هم كانوا ساكتين بكل مرة احد يسولف ويصير هوشة بضحك بس هل مرة الكل ساكت وهم يأكلون قلت شنو في قال رشاش هلا قلت غريبة ساكتين اليوم قال وصلني خبر قلت شنو الخبر اللي يخليكم جذي ساكتين قال الشرطة حيل حيل قريبة مننا قلت انا قلت لكم الشرطي اللي تتعامل معاة راح يوديك وراء الشمس قال اي والله قاعد يوصل لهم معلومات عننا وراح يوصلون الشرطة لمكانة ف لازم بسرعة نروح من اهنية قلت انزين وين نروح الحين قال راح نروح اليمن قلت انت مو تقول الشرطي اللي تعامل معاة هذا مو قاعد يوصل المعلومات لشرطة وانت قلت له الخطة اكيد ان الشرطة تدري احنا وين راح نروح ومع منو راح نقعد يعني لا تصير غبي قعدوا يضحكون هو تنرفز وبعدها ضحك وانا قلت انزين صج الحين وين نروح قال راح نروح عمان قلت تمام وشلون راح نعيش اهناك قال عندي واحد اهناك وراح يعرفنا على ناس وراح يحمونا وقال اسم الناس وجذي وقلت تمام وانا قلت بروح اجهز أغراضي ورحت اجهز أغراضي وبعدها دقيت على المقر وقلت كل شي قال خلاص روحي معاهم بس لازم تقولين لنا كل شي خطوة بخطوة قلت تمام ورحت معاهم بطريق وقفوا عند بقالة وانا نازلة اجيب أغراض صادفت وحدة اعرفها زميلة معاي بشغل لما شافتني انصدمت حيل ان انا نقيب شوق قاعدة مع عصابة وقطاع طرق يدورون عليهم الشرطة ومن هذا الكلام فجاء صرخت وقالت شوق انا لفيت وانصدمت وسكت لان ما اقدر اتكلم والعصابة اهنية وانا قايلة لهم ان انا اسمي طيف لان انا بمهمة وما اقدر اقول شي عني المهم لفوا كلهم عليها لان صرخت وقربت مني قاعدة تسال عني ومن هل كلام انا قلت اختي انت مخربطه انا مو شوق انا طيف وعلى طول طلعت من البقالة وسرعت خطواتي لسيارة قال عمر شنو وين الأغراض اللي كنتي تبينهم قلت مالقيتهم كنت احاول ما ابين أني متوترة بس حسيت ان شك و لما طلعوا اللي بالبقالة قالوا شنو اللي صار قالت شنو قال منو هذي ومنو شوق قالت مدري انا طيف وهذي الله يستر عليها يمكن مضيعة انا شكو وركبنا وكملنا الطريق وانا كنت خايفة حيل ومتوترة ان يعرفون كل شي ويكشفوني وقعدت اسب بداخلي على حظي لان خلاص بدأوا يوثقون فيني وقربت امسكهم وتخلص مهمتي المتعبة بس صار لي هذا شي وراح تخرب المهمة وتصير مشاكل وجذي المهم وصلت ودزيت مسج حق المقر عن اللي صار وقلت يمكن راح تصير أشياء واجد ويمكن اموت ف سامحوني وراح احاول أوصل كل المعلومات وإذا ما سمعتو خبر عني ف انا شهيدة وانا الحين بهذا المكان وقلت لهم العنوان وشنو راح يصير وطبعاً الرسالة كانت مشفرة وعلى طول مسحتها من عندي وطلعت لهم كنا ساكنين بشقه شوي كبيرة رحت لصالة وكانوا يطالعوني بنظرات شك وخايسة المهم قلت شفيكم تطالعوني جذي قالوا انتي جاسوسة صح قلت لا ليش تسال قال رشاش ربطوها وانا احاول أوخرهم بس كانوا واجد المهم ربطوني وقعد يسال انتي شنو اسمج وليش قصيتي علينا ومنو دازج قلت انا طيف ما تفهم انتوا خاطفيني وتعرفون كل شي وانا مو جاسوسة افهم ( طبعاً ماراح أقولهم شي عني وعن المهمة حتى لو اموت ما راح اعترف ) كان رشاش معصب حيل ويحاول يأخذ مني اي معلومة بس انا ما قلت شي وقلت انا طيف وانا انتوا خطفتوني وخليتوني من العصابة و بعد فترة حيل حسيت بتعب لان رشاش ومهل كانوا يطقوني عشان اعترف بس ما تكلمت وبعدها طلعوا و بعد خمس دقايق جاء عمر معاة ماي واكل قال أخذي آكلي انتي ما أكلتي من امس وخذيت ماي وشربت وقال انتي صج جاسوسة قلت لا وطلع وانا كنت احاول أنحاش بس دخل سلطان قال ليش جذبتي سكت وانا طبعاً قاعدة احاول اقطع السلك اللي بايدي و صج قدرت افتحة وقام سلطان يصرخ وطلع وانا على طول قمت وفتحت هم السلك اللي برجلي وانا امشي سمعت صوت واحد يقول اي اي ....؟
اتمنى عجبكم البارت وحبيت ان يكون طويل ولا تنسون تقولون لي رايكم بالتعليقات ولا تنسون تحطون النجمة اللي تحت مهمة بالنسبة لي وبس والله .🤡💙
