المجلس الخارجي (بيت الجد)
مسح شعره بملل وهو يسمع غاده (واحده من زوجاته المسيار)تكلمه بالجوال: ياعمري فديتك والله وحشتني مرا.
سند بغزل كاذب: ياجعلني فداك كلها يومين وتلاقيني عندك وقفل منها بعد ماوعدها وعود كثيره.
رفع نظره: خير الاخو مضيع شي بوجهي!!
نايف: لا ابد طالع عمرك..هذي اللي كلمتها مين ؟؟
سند: اهل جده ياعليها دلع يشلع القلب.
نايف:متى ناوي تشهر بزواجك
سند ميل شفته بغرور: اذا حصلت من تستاهل سند الراشد بشهر زواجي بها.
نايف بضحكه: ومين ذي تعيسة الحظ اللي داعيه عليها أمها..
سند بغضب: اخس واعقب وبعدين تقصد سعيدة الحظ من دعت لها أمها تتزوجني
نايف بتسليك: ايه ايه .
..............................
راكان: خذي يابعد حيي.
صبا اخذت الكوفي منه وهي تقول: تسلم فديتك ..ماقالوا لك متى ادخل؟!
راكان : الحين بس اخلي الدكتور يوقع ع الاشعه ونروح نسويها.
صبا تنهدت:طيب اللي تشوفوه سووه ماعد لي حيل لشي
راكان: اوثقي بربك ترى مايصير تستسلمين كذا ..اجل وش تقولي للي حالاتهم اصعب بكثير منك احمدي ربك وان شاء الله تتشافي قريب
زفرت بطفش من الكلام اللي ينعاد عليها من بداية مرضها
خرج السكرتير ينادي:صبا فهد الراشد
قام راكان متوجه له بعد ما اعطى صبا نظره انها تلحقه
_________________
شهد بهمس: لا لا مقدر بليز حبيبي
.......: شهد والله مليت ابي اشوفك خلاص تعبت وانتي كل مرا تأجلي موعدنا
شهد: حبيبي خلاص وعد لين افضى واشوف وضع الاهل بلاقيك.
.......:يلا ع ذا الكلام من شهرين اسمعه
شهد:بليز عمري والله احبـ
صرخت بقوه وهي تفتح الباب:شهههههههد
