فتحت عيونها شافت كل العايله عندها حاولت تنطق حست بجفاف بحلقها
//////////////////////////////////////////////////////////
Part 3
فتحت عيونها شافت كل العايله عندها حاولت تنطق حست بجفاف بحلقها
أبو محمد وبعيونه دموع/صبااااي ياعين ابوك الحمدلله على سلامتك.
غمضت وفتحت أكثر من مره تحاول تسوعب ايش فيه ليش ابوها يبكي اكيد هذي نهايتها اكيد تجمعت الدموع بعينها واخذت نفس طوييل والتفت شافت عماتها واعمامها واولادهم البنات في جهه والشباب يتقهووا كأنها مو في مصيبه..قالت بصوت حاولت يكون واضح:ايش فيه؟!
امها وهي تمسح شعرها:كل خير كل خير ..وجع وزال يايمه
عمتها نوره: الحمدلله الحين صرتي بخير لاعد تتدلعي علينا بعد اليوم
امها بتوضيح:صبا أنتي خلاص صرتي بخير تشافيتي من المرض بشكل تام
تحاول تصدق وش يهرجوا تحاول تستوعب انها خلاص صارت مثلها مثل الباقي تحاول تستوعب ان جلسات الكيماوي اللي كانت حتبدأ من الاسبوع الجاي انتهت قبل تبتدي تفاجأت بحدا يحضنها وكانت سماء قلبها وهي تبكي وتتمتم بكلام مو مفهوم منه الا انها صارت احسن
الكل بارك لها وتحمد لها بالسلامه اخوانها ماخلوا شي ماسووه عشانها جناحها في المستشفى تعبى باقات وعلب شوكلاتة ..
بعد مده
الجد راشد: هذا الأسبوع كلكم عندي صبا حتخرج لبيتي ومالها قعده بغيره لين نفرح بها كويس
ابو محمد:يبه ماله داعي يمكن صبا ودها ترتاح بغرفتها
الجد: بجهز لها جناح لعندها تامر وتتدلل بنت محمد
صبا بدون تعليق ابتسمت ..
الشباب طلعوا من فتره وكل واحد يفكر ايش يسوي ف الاسبوع اللي حيقعدوا ببيت جدهم
راكان: يله يبه يله يمه سجلت خروج لصبصب
صبا متنرفزه من طريقة نطقه لاسمها:صبصب بعينك
ضحك:اجل مافيك شي يالنصابه
ضحكت بقهقه : ألف مره اقول لك لا تقول لي صبصب
ابوهم:يلاااا لو نقعد لبكرا ماحتكملوا هرج
سالم بغباء: الحين أنتي خلاص تشافيتي
كلهم بنفس النظره :بدري توك استوعبت
انحرج وبعدين لفوا اغراضهم وطلعوا من المستشفى وبطلتنا على أمل بداية حياة جديدة تحس ان جسمها بجناحات من شدة فرحها
...........................
في مكان بعيييييييييد وبدوله ثانيه
قاعد يشرب سجاير ويناظر للثلج من شباك الفندق ويتكلم بالجوال
:ايه ان شاءالله ع خمسه رحلتي
:معاي المساعد طيار تامر
:لا ماله لزوم متعود انا ع كذا
كان يتكلم مع مسؤول الطيران وازعجه المكالمه الوارده وهو يتكلم
خلاص طال عمرك متواصلين الأهل يتصلوا علي
رد بنرفزه:خيييييييييير تشوفي جوالي مشغول وتتصلي اكثر من مره لييه
سهى برجه :اعترررف تكلم مين
مناف ومايعجبه رجة اخته : استغفرالله ايش تبي
سهى ونست هي ليش متصله: اصبر نسيت
مناف:اللهم طولك ياروح
سهى فجأه صرخت وفجعته:ايييييييوااااااااااااااا عندي لك خبر بمليون
مناف عصب: تبببن خرمتي اذني عجلي وش فيه
سهى تحب لما تعصبه: على فكره انا المتصله وبحسابي مهو أنت يالبخيل
مناف بملل: الزبده وش فيه
سهى بفرح:صبا صباااااا صارت بخير تشافت تماماً من المرض
مناف ببرود: ايوا؟!
سهى بصدمه:ايش ايوااا
مناف ببرود اكثر: ايوا وبعدين وش اسوي يعني؟!
سهى بعصبيه: اقولك صارت بخير وزال الورم ؟!
مناف بدون اي تعابير:طيب الحمدلله على سلامتها
سهى ونسيت انه عصبها من شوي وبدأت تهرج له وش صار ووش حيصير وانهم حيروا بيت جدهم وكذا
وهو يسمعها ويحاول يكون مهتم يحب سهى اخته رغم رجتها ورغم انها اكثر واحد تنرفزه إلا أنها اكثر واحده تهتم فيه ختم المكالمه معها بعد ماجابت نشرة اخبار العايله وهو بس يسلك لها مع ان نية سهى تقرب اخوها من العايله وتخليه عارف كل شي .
كما منها ولف اغراضه وشاف الوقت وباله راح لبعييييد وتنهد بصوت مسموع وطلع من الجناح ومعه اغراضه اللي بشنطه صغيره لأن عمر سفرته مادامت أكثر من يومين
..........................................
شركة الراشد
هتان:بيت ابوي حيصير مزعج مع البنات اعرف رجتهم
محمد: اهم شي تنبسط صبا
تنهد هتان : ااااه يا اني ارتحت انها صارت احسن الحمدلله الحمدلله
قطعهم ابو مناف وهو يدخل المكتب:قضوها سوالف وبعدين تأخروا على بيت ابوي وانتوا مكروفين هنا
محمد فز واقف وطلع
هتان بأبتسامه غبيه:ماوراي شي
ابو مناف بشده : روح راقب الحسابات فيه خلل واختلاس هذي الفتره نبي نطلع من هو المختلس
هتان بصدمه: وليه محد قالي
ابو مناف: هه الحين عرفت يله تحرك
خرج وخرج هتان وراه وهو ناوي يقضي فضاوته في التحقيق ومشى وهو يغمز لذي ويبتسم لذي عااادته مايقدر يوقفها شاف عدوته اللي روشته بالشاي قاعد على الكمبيوتر ومندمجه ماشاف منها شي واضح اسود بأسود مافي غير رموشها تتزاحم بفتحة النقاب
نبض حست بواحد يراقبها رفعت نظرها شافت البغيض هتان نزلت نظرها بنرفزه وكملت عملها ..هو انقهر من تطنيشها ومشى بجهتها
هتان : وش تسوي
رفعت نبض نظرها وبعدين ولا كأنه سألها كملت شغل
عصب : اتكلم مع نفسي أنا شكلك تبي تنطردي
رفعت نظرها بملل:خير وش تبي
وللللع واشر على الكمبيوتر
ردت ببرود: اشتغل
هتان:ايش بالضبط
نبض: مراجعة الحسابات
هتان بشيطنه: اهاااااا
نبض طنشته وكملت ترتب الخرج والدخل للشركه مثل ما وصاها ابو مناف
هتان واقف فوق راسها ماتحرك
نبض:مضيع شي
هتان صحى من تفكيره الوسخ ابتسم: لا يا...وش اسمك
نبض: مالك دخل
هتان انصدم من طول لسانها:تعرفي انا مين
نبض مع انها تعرف مين هو قالت:ولا ابي اعرف
هتان مشى وهو يتمتم:يصير خير
..........................................
في المدرسة الأستاذ قاعد يشرح بذمه وضمير وشياطين عايلة الراشد مره مو معاه اكيد عرفتوهم 😂😈
نواف:تعرف انه في مرض جديد اسمه كورونا
سالم بملل: وايش حستفيد لو عرفت
نواف:ياغبي تدري انه انتشر في الصين وصار الحين ضارب ترند ع السوشل ميديا بس مدري عنه تفاصيل التفاصيل
سالم: وش رأيك نقول انه فينا كورونا
نواف :غبي انت تدري وش اعراضه
:لا بس عادي نعرف ونسوي حالنا مريضين
نواف:اهجد بس ..ما اقول الا انه يارب اذا صار تحديث بذا المرض انه نعطل ونـ
قاطعه الاستاذ لما رماه بالقلم:مش ناوي تهجد انت وهو
سالم كاتم الضحكه ع شكل نواف المصدوم
وكالعادة تهزأوا وانطردوا مع انهم المفروض يكونوا شادين حيلهم لأنه ثالث ثانوي بس لاحياة لمن تنادي 😂
..................................................
الساعه ثلاثه العصر وكل العايلات تتجهز تروح بيت الجد ونمر على بيت بيت
..........................................
.. سبحان الله وبحمده سبحان الله العظيم
.. استغفرالله العظيم الذي لا اله الا هو واتوب اليه
..لا اله الا الله محمد رسول الله
..لا تلهيكم الرواية عن الصلاة
............................................
