بعد مرور اسبوع ...
رقية : ك العادة هم جنت ب الغرفة لااطلع ولااطب بس الحلو ب الموضوع انو خالة بدت تتغير وياي صارت احسن من قبل حته مرات اسمعهة تحجي ويه حسين وتكلة عله كيفك وياهة ولتأذيهة وتجي تحجي وياي وتسئلني اذا محتاجة شي او لا
حسين : عاقبتهة اسبوعين هية متطلع من الغرفة حبيت اسويلهة درس متنساه وبنفس الوقت ردتهة ترتاح من شغل البيت ، وطبعا تعليقات الوالد متخلص كلما يشوفني يتعارك وياي ويكلي حرام الي دتسوي ليش قافلهة وليش كذا وليش كذا ، رقية
رقية : نعم
حسين : كومي علكي التلفزيون
رقية : عفية تلفزيون ب اليوم 100 مرة اعلكة واطفي
حسين : تعالي لج تعالي ، (كمت وجريتهة من ايدهة) يعني وتاليتهة وياج هااا تعلمتي ع الكتل انتيي ، بهل اثناء دك مبايلي باوعت دكتور حسن ، رفعته واني بعدني لازم ايدهة وواكفة يمي بس مبايلي صوتة عالي ف الي يوكف يمي واني اخابر يسمع كلشي
حسين : الووو
الدكتور : مرحبا نقيب حسين
حسين : اهلا وسهلا دكتور
الدكتور : ابشرك حسن بدة اطراف ايدة تتحرك يعني عن قريب راح يكعد ان شاء الله
حسين (بفرح) : الف الف الحمدلله ، اشكرك دكتور الله يبشرك ب الخير ❤️
الدكتور : اني ب الخدمة عيوني يله اخذ راحتك
حسين : مع السلامة
رقية : كلشش فرحت لان اول شي حيكعد ويرجع الاهلة وثاني شي اني راح ارجع الاهلي والحياتي ف كلتله ، الف الحمدلله يعني مبقه شي ونخلص يله هانت
حسين : 😒😒😒 وانتي شكو تسمعين علينة
رقية : ترة انت الي لازم ايدي ومتخليني اروح مو اني الي دااتسمع
حسين : ضغطت عله ايدهة حيل وكلتلهة ، للمرة الاخيرة اكلج لسانج لطولي ترة كوة لازم اعصابي عليج
رقية : اوييي ايدي شبيك ، شوكت اخلص عاددد بس يله مابقه شي واخلص منك ومن عيشتك هاي
حسين : شنو قصدج لج ادبسز
رقية : قصدي انو بس يكعد حسن راح تطلكني وراح ارجع الحياتي الحلوة الي انت مابيهة
حسين : قربتهة الي اكثر وكلتلهة ، تحلميننن لو تركعين راسج بمليون حايط مااطلكج فهمتيي
رقية : مو بكيفك تطلكني يعني تطلكني خلص بعد اخذتو ثاركم وزيادة هم
حسين : دفعتهة ع الحايط بعصبيه وخليت ايديه ع الحايط ، اسمعيني زين وافتهمي الي راح احجي يااما تصيرين عاقلة وتسمعين كلامي وبعد متفتحين موضوع الطلاك يااما اسويلج سالفة صدك اخليج العمر كلة تعضين اصابيعج ندم لان عاندتيني
