لكنني لم أعد الإنسان الذي كنت عليه، لأن كيانًا غريبًا قد نضج في داخلي
رقية : قررت اني الاروح فصلية لان خواتي ثنين صغار والجبيرة دتدرس وكلش متعلقة بدراستهة
رقية : خلص بابا اني اروح
بابا : شنو انتي شدتحجيننن مستحيل اخليج
ماما : مستحيل اخليج ترحين اريدج تكملين دراستج وافرح بيج وازفج بيدي ب بدلة بيضة مو ترحين فصلية
رقية : لازم اروح اذا مارحت ف مراح نخلص وبعدين هية فترة وارجع (ضليت اقنع بيهم واخر شي وافقو )
بابا : يله لعد هاج فلوس اطلعي انتي وامج وخواتج جهزي الج
رقيه : ميحتاج بابا عندي كلشي
بابا : شلون ميحتاج روحي جهزي واشتري ذهب هم ولو اكدر حته عرس اسويلج بس اكيد مراح يقبلون
رقية : لابابا كل هل شغلات مو مهمة اهم شي سلامتكم وكمت بوستة وبوسة ماما ورحت
اجن وراي خواتي
فاطمة : انتي من كل عقلج دتحجين تعرفين انتي راح تدمرين نفسج بنفسج
رقية : عادي وشنو يعني اعتبرهة مسافرة فترة وارجع بعدين انتي تدرين بيه اني مينخاف عليه (احجي هيج حته ميقلقون عليه بس ب الحقيقه اني اكثر انسانة خايفة من هل خطوة )
للعصر طلعنه اشترينة وجهزنة كلشي وراهة رحنة الابو الذهب شفت خلخال ذهبي ناعم كلشش عجبني اشتريتة وسوار هم ناعم وتراجي ومحبس ومدالية وراهة رحت اشتريت هاي الكبوس الابيض مدري بركع مدري شسمه 😂😂 الي ينحط ع الراس اثناء العقد كلش عجبني اشتري وراهة رحنة للصالون سريت تنضيف بشرة وحفيت وحواجبي اني اصلا مسويتهن ف ماخليتهة تلعب برسمتهن وشعري ماكصيته ولا صبغته حبيت اعوفه عله لونة
كملنة وطلعنه رجعنه للبيت كلتلهم اليوم العشه عليه وضليت اسولف واضحك وياهم حته يحسون انو اني ماخايفه وميضوجون....
ورة يومين ضبط انتهت المهلة الي انطوهة النة العصر خابرو بابا وبابا كلهم خلص راح ننطيكم فصلية
ف كمت جهزت ملابسي وحضرتهن وحضرت الجنط ضميت كلشي بقه بس تلفوني غلقته وضميتة بعلبة صغيرة وخليتة بنص الغراض حته ميبين ك العادة حاولت اغير جو اهلي حته ميضوجون لحدما صارت الساعه ب 2 اهلي كالو يله نامي كافي وراج طريق المهم مكدرت انام ضليت بس افكر فكرة تجيبني وفكرة توديني اخر شي نمت بدون مااحس كعدت عله صوت المنبه مالت اختي كلتلهة توقته وتخلي يم راسي لان مبايلي ضميتة
كمت فرجت ودخلت سبحت وطلعت لبست بنطرون وقميص اسود قصير نهايتة تصير وية حزام البنطرون وشسورت شعري ولبست شال اسود وحذاء سودة ولبست الخلخال الي اشتريتة وسواري ومحبس وتراجي ومدالية وخليت مكياج خفيف طبيعي وامي ماخلتني اطلع اله اتريك عاد تريكت شوية وقبل لااطلع بدة البجي 😭😭
وانوب جيب اليسكت امي وخواتي كوة سكتتهن وحضنتهن وبوستهن وكلتلهن لتخافن عليه اني وكحة واعيش 😂😂😂 المهم حضنتهن وطلعت بس الي يكلي شبيج ابجيي من القهر طلعنه اني وبابا ومحمد محمد الي يسوق الطريق طويل من النجف للبصرة ف نمت ب الطريق شوية ورة تقريبا ٤ او ٥ ساعات وصلنة خابرهم بابا كللهم احنه وصلنة لفلان مكان ورة شوية اجة ولد بسيارتة سلم عله اهلي وكللهم امشو وراي ضلينة نمشي وراه لحدما وصلنة وكفنه يم بيت كلشش جبير وكومة شباب وزلم جانو واكفين بحيث خفت كلت شنو هاي بسلا البيت بي بس زلم 🤓😂😂😂😂
سلمو بابا ومحمد عله رجال جبير ووصوه عليه
بابا : امانة الله ابو حسين هاي امانة بركبتك
احسبهة بنتك وهية ماالهة ذنب ترة بكل الي صار
والد حسين : لا بوية بنتي هاي واعز من بنتي هم احطهة بعيوني والله واحنا منا وغادي اهل
بابا : عله راسي ابو حسين اتشرف بيكم
سلمت عله بابا ومحمد وحضنتهم
محمد : دير بالج عله نفسج واي شي تحتاجين اتصلي عليه وبس احد ياذيج خابريني اجي اكسرهم تكسر
رقية : لايمعود اني اخوك لتخاف عليه 😂😂😂
محمد : والنعم اخوي العزيز 😂😂😂
رقية : يله مو جنت تكلي شوكت تزوجين واخلص منج ومن لغوتج ديله هاي تزوجت ارتاح بقة البيت الكم 😒😂😂😂
محمد : أفا عليك ضلعي هوة اكو احلى من دوختك 😂😂
رقية : 😂😂😂 ، محمد دير بالك عله اهلي وصدكني الناس مبينين كلش حبابين ومراح يأذوني لذلك ليضل بالكم يمي واني اصلا قوية محد يكدر يغثني او يمد ايدة عليه
محمد : ان شاء الله عمري يله دخلي كلهة تباوع علينه
رقية : اوك بوسته وحضنته وبوست بابا وكلتله
رقيه : بابا حبيبي دير بالك عله نفسك
بابا : حبيبتي انتي الدير بالج عله نفسج
بوستة وحضنتة وراحو صعدو ب السيارة اني هنا دمعت عيوني ونزلن دموعي بدون مااحس
والد حسين : تعالي بوية طبي البيت صار بيتج ولتخافين انتي مثل بنتي واعز هم
رقية : تسلم عمو متقصر 🥺🥺
