قصة الشيخ والهاربة
يلا اساور تعالي نزلي اخذي الضيافه لبوج وصديقه
اساوره اني اخذه الهم تعرفين اضوج من اصدقاء بابا
بنتي تعرفين ابوج يكلب الدنيا على راسنه نزلي الله يرضه عليج
اساور- لا والله كولي الله ياخذني احسن من هاي العيشه
نزلت للمطبخ شنو هاي هم تردين اني اخذلهم المشروب والثلج يشربون زق.....
لا بنتي لا تكولين هيج على ابوج
اساور-ماما رحمه لهلج هم فرحانه من تزوجتي ابويه ليش هاي حاله يوميه جايب جماعته ويشربون هذا السم بلبيت واحنه وياهم
-بنتي تحملي لحد ماالله يفرجها عليجن وتجيجن القسمه الزينه وتزوجين انتي واختج
اساور-كرهت الزواج من وراكم ماريد اتزوج اخذت المشروب والثلج والكلاصات ودخلت للصاله كاعدين يشربون ويغنون مايدرون بنفسهم
بابا- اي عفيه بنتي جيبي الثلج وروحي
صديق بابا لا خليها تجي تشرب ويانه شويه
اساور-رميت المشروب والثلج وطلعت من الصاله لغرفتي هاي شلون حاله يارب
خلي اعرفكم على نفسي شويه اسمي اساور عمري 20سنه طالبه سادس عندي اختي نغم واخويه علي وبابا وماما قبل ابويه ماجان هيج وجان كلش يحبنه وحياتنه كلش حلوه وبيوم بابا يريد يروح لدوام واخويه علي صغيره عمره ست سنوات طالع بره طالع بابا السياره ودعمه بدون مايشوفه
ماما بلمطبخ شافت اخويه جوه السياره وكامت تعيط نزل بابا وشاف علي و السياره عبره فوك راسه ومن ذاك اليوم لحد هذا اليوم تغير وصار انسان يشرب ومايهتم بينه امي مسوي عيشتها زقنبوت يوميه يضربها ويشرب ويجيب أصدقائه للبيت الي تعرف عليهم من كام يشرب وهذا حالنه يوميه هيج
نغم-شبيج اساور تبجين
اساور ولج هاي حاله هيج يوميه والله الموت ارحم من هاي العيشه امي ماتكدر كلشي تسوي
نغم تحملي هذا قدرنه
اساور -صار ثاني يوم واجا بابا وكام يصيح اساور واجيت ها بابا
شوفي اليوم واحد خطبج مني اليوم راح يجي بليل حضري نفسج
اساور-بس اني ماريد اتزوج اريد اكمل دراستي
كافي ماريد اسمع كلام اني كلت تزوجين يعني تزوجين دراسه هاي شرح تصيرين اني اروح انام ماريد اسمع صوت بلبيت
اساور-راح نام وخلني ابجي وامي ونغم يمي
بنتي تحملي بلكت الي طلبج من ابوج ابن اوادم يخلص من هاي العيشه الي انتي بيها
اساور- ضليت ابجي بس بلا فايده من يسمع صوتي فكرت انتحر بس رجعت استغفرت ربي ماكافي بدنيا عذاب النوب بالاخره هم عذاب ربي ساعدني وخلصني من هاي المحنه
...........................
رافد-اليوم اروح لبغداد عندي فصل
احمد-يلا اني اروح والعصر اجيك
رافد-ابقه اتغده ويانه اريد اروح من وكت حتى نرجع من وكت
احمد-يلا بس اريد غده زين
رافد-دلال حضرو الغده من وكت نريد نروح لبغداد اني واحمد
دلال -احمد هم يتغده اهنا
رافد -اي
دلال-ابتسم ورحت للمطبخ
رافد-احمد اكعد ويه جدي اروح اسبح واغير ملابسي واجي
احمد -راح رافد لغرفته واني رحت للمطبخ شلونج دلال
دلال -هلا احمد شنو الي جابك للمطبخ هسه يجي رافد والله يذبحني
احمد-ليش تخافين اني اريد اخطبج بس اريد اخذ رائيج
دلال -بتسمت شوكت تخطبني
احمد-هسه جنتي تخافين من رافد من سمعتي بيها خطبه نسيتي رافد
دلال-روح مو صوجك صوجي
احمد-تقربت عليها ولج اموت عليج
دلال-روح يمعود لا يجي رافد
احمد-رايح بس يجي يوم مراح تخلصين مني
رافد-صعدت لغرفتي سميه حضري ملابسي لحد مااسبح
سميه- ادلل
رافد-طلعت من الحمام لاف نفسي بلمنشفه انطيني ملابسي
سميه شارده
رافد-الملابس هاي شبيج
سميه-تعذرني شيخ هاي الملابس
رافد اخذت الملابس لبست دشداشه بيضه ويشماغ وعكال وساعه ومحبس وخليت من عطري المميز خلي اعرفكم على نفسي اسمي رافد عمري30سنه متخرج،عندي ابويه بس متزوج نسوان اثنين امي خلفتني اني ودلال وتزوج ام ياسر صار عدها ياسر و رسل جدي عايش ماعنده بس ابويه لهذا زوج ابويه نسوان اثنين علمود يصير عنده ولد بس سبحان الله كل مره جابت ولد وبنت وبعد ماصارلها جدي شيخ بس لان تعبان وجبير وابويه بيه عجز كلاه صرت اني الشيخ اني متزوج وعندي ولد زوجني جدي وعمري 20سنه علمود اخلف ولد هوايه طبعن زواجي زواج تقليدي مو عن حب زوجتي سميه هي بنت اوادم بس دائما اتعاملني وتخلي حواجز المفروض ماتصير بين الزوج والزوجه
اساور-صار الليل وبابا كعد ونفس الحاله يكعد بالصاله هو وجماعته وشرب بس اليوم راحو جماعته من وكت واني تعجبت المهم اجت ماما لغرفتي نزلي ابوج يريدج ترحين لصاله علمود الي جاي يخطبخ يشوفج
نزلت لان اذ مانزلت راح يكلب البيت فوك روسنه دخلت للصاله وشفت واحد كاعده شايب اكبر من ابويه سلمت وتقربت منهم
تعالي بنتي كعدي اليوم ابو نزار اجا طلبج واني وافقت بس يريد يشوفج كعدو براحتكم اني هسه شويه واجي
اساور-عافني بابا وحدي ويايه هو شارب لان المشروب كدامه تقرب عليه شويه
انتي حلوه وشكد ابوج يريد انطيه اهم شي اخذج تعالي تقربي مني
اساور- جسمي كله يرجف مد ايده على وجهي وتقرب اكثر ويريد يبوسني دفعته انت صدك ماتستحي شايب البين الله ياخذك
لج تعالي اليوم اشوفج منو الشايب
