#البارت ٢
تقرب عليه ولزم ايديه وبده يتقرب اكثر ويبوس بيه واني اصيح عوفني بس هو شايب وبيه كل الحيل دفعني على القنفه وتقرب مني ريحته تكتل وابجي واتوسل بيه اني مثل بنتك بس مايسمع ماكدرت اتحمله اخذت المزهريه الي فوك الميز القريب مني وضربته على راسه وكع بلكاع والدم ينزل من النهر طلعت من الصاله
ها بنتي شبيج ليش تبجين
اساور ماما ضربته على راسه يمكن مات
منو الي ضربتيه على راسه
اساور الي أجا خطبني تحرش بيه واني ضربته اجا بابا
ليش واكفات شعدجن وانتي ليش عفتي الرجال وحده
اساور-دخل بابا لصاله وشاف ابو نزار بلكاع والدم يجري كام يصيح هاي شسويتي
ماما -قبل مايطلع بابا من الصاله قفلت الباب على بابا وابو نزار
روحي بنتي لا تبقين راح يسجنونج لو ابوج يكتلج روحي
اساور-وين اروح ماعندي مكان وين
اروح
بنتي-طلعي وهربي باي مكاني والله ابوج يخلص عليج
اساور-طلعت من البيت اركض واحس احد يركض ورايه لحد ما.......
اساوره-لحد ماردت اعبر الشارع وتضربني سياره وبعدها ماحسيت على نفسي
رافد-اني واحمد بعد ماتغدينه طلعنه لبغداد جان عدنه فصل وخلص الفصل بعد طلعنه نريد نرجع للبصره ماحسينه غير تطلع بنت تركض كدامنه والسياره ضربتها
نزلنه اني واحمد البنات الدم ينزل من راسها وفاقده ماتدري بنفسها اخذنها للمستشفى علاجوها وسالو شنو الي صاير وياها كلنه حادث والي سوه الحادث انهزم طلعت ايدها مكسور جبروها وضمدو راسها هي لزم تبقه بلمستشفى بس احنه اخذنها ويانه وطلعنه هي مو هلكد يعني بعدها فاقده وطلعنه للبصره
احمد-شلون خاف تموت وين نعرف اهلها
رافد-لا ماعليها شي خلي تصير زينه واني ارجعها بيدي لهلها واعتذر منهم وانطيهم الي يطلبونه
وصلنه للبيت وصحت على سميه ودلال ورسل طلبت منهم ياخذون البنت الي جبنها ويانه للغرفه
الجد-ابني شنو هاي البنت
احمد-والله جدي مدري منين اجت طلعت على طريقنه وضربنها بسياره
ام ياسر-الشيخ رافد الله جايبله يجوز الله دربها الك
سميه-اباوع بوجه رافد مايحجي شي بس مبين عليه ضايج اخذنه البنت للغرفه خلينها على الجربايه وغطينها وطلعنه
رافد-دلال اريد تخلين بالج على هاي البنت لحد ماتصير زينه وناخذها لبيت اهلها
ابو رافد-ابني انت تعرف اهلها وين
رافد-لا والله يابويه مااعرف اهلها بس تصير زينه هي راح تخبرنه على اهلها واني بنفسي اخذها للبيت
رافد -رحت لغرفتي سبحت وغيرت ملابسي
سميه-شيخ محتاج شي
رافد-لاسميه مامحتاج شي اريد ارتاح مددت وافكر بسميه دائما تجيني شيخ محتاج شي جنت اتمنه تشيل هذا الحاجز بس مراح تغير طبعها
دلال-رافد البنت صحت بس تتوجع
رافد-يلا اني جاي اشوفها رحت للغرفه الي بيها البنت لكيتها صاحيه سلمت عليها وردت السلام
اساور-اني بسياره وسمعت كلامهم من اصير زينه ياخذوني لبيت اهلي واني ماريد ارجع للبيت بعدها ماحسيت على نفسي غير اني بغرفه كلش حلوه ومرتبه وبنت كاعده يمي من شافتني فتحت عيوني ابتسمت وراح وعافتني شويه واجا رجال دخل للغرفه سلم عليه وردت السلام
رافد-شلون صرتي احنه ضربناج بسياره واني ماجنت اريد اجيبج اهنا بس مانعرف اهلج
اساور-اني اسفه يمكن اني صرت كدامكم بدون قصد
رافد-لا عادي مصار شي بس انتي شعندج وحدج تمشين بشارع وليش تركضين وحدج
اساور-ادموعي نزلن ماعندي جواب شراح اكله
رافد-دلال سميه طلعو بره
اساوره-خفت منه من كال طلعو بره
رافد-طلعن من الغرفه سميه ودلال وسالتها كولي اذ محتاجه مساعده اساعدج ليش وحدج بشارع بهيج وقت
اساور-ماعندي مشكله اخذني لبيت اهلي
رافد-ارتاحي وصيري زينه واني اخذج لبيت اهلج يلا اني طالع اخذي راحتج
اساور-راد يطلع وصحت عليه رافد
رافد-سمعت اسمي اني زوجتي ماتصيحني بسمي اندريت عليها وكتلها اي خير محتاج شي
اساور-لا بس ردت اكلك شكرأ
رافد-لا على شنو ادللي المفروض احنه نعتذر منج لان صار الحادث وهسه اهلج مايعرفون انتي وين موبايلج وين علمود نتضل عليهم
اساور-ماعندي موبايل ومااعرف الارقم
رافد-صيري زينه والله كريم بس منين عرفتي اسمي
اساور-سمعت الي وياك بسياره يصيحك بسمك
رافد-انتي شنو اسمج
اساور-اسمي اساور
رافد-حلوه اسمج عاشت الاسامي
ام ياسر-وين شيخ رافد بغرفت البنت والله كلبي يكلي هذا مو حادث ورافد هو الي جابها
سميه- شتقصدين
ام ياسر-مااقصد شي
رافد-طلعت والكل واكف باب الغرفه هاا خير ليش الكل مجموعات اهنا يلا كلمن تروح لغرفته دلال انتي روحي يم اساور
دلال-صار خويه اني رايحه
سميه-ام ياسر غمزتلي وراحت اني هم رحت لغرفتي
نغم-ماما شراح تسوين
ام اساور-اني تحملت هواي كافي اني راح اسوي الي من زمان المفات
#يتبع
