بارت-14
الشيخ والهاربه
اساور-اني ضليت اتكلب اريد انام مااكدر
لحد ماصار الصبح كعدت شفت رافد ماكو بعدها دخلت للحمام غيرت ملابسي
لبست ملابسي بنطرون والقميس بس لبست جبه اسلاميه فوك البنطرون لايف شهري وحضرت الشال الي مشتريه الي اريد البس الملابس بدون مااتعارك ويه رافد اعرف اذ ماالبسهن راح يبقه يحجي
رافد-دخلت للغرفة وشفت اساور لبسه الملابس الي اشتريتهن الها عجبني تصرفها يلا خلي نتريك علمود نطلع لاربيل
اساور تريكنه وبعدها طلعنه طول الطريق ماحجه شي وياي بس يكلي اذ جعتي خلي ننزل نتغده وصلنه لاربيل وكتله خلي نتغده
رافد-طلبت مني نتغده نزلنه وتغدينه ورحنه لبيت خالتها
اساور-خلي انزل اني
رافد-كعدي بمكانج شنو تنزلين انتي اني اشوف خالتج موجوده يلا اكلج نزلي
اساور-حبيت اسلوبه وياي نزل ودك الباب
رافد-شويه واجت مره فتحت الباب
سلمت عليها ردت السلام هذا بيت ام محمد
ام حمد -اي تفضل
رافد-رحت لسياره نزلي اساور
اساور- نزلت وشفت خالتي بالباب رحت حضنتها وكمت ابجي
ام محمد-اساور بنتي شلون اهلج شلون ليش اجيتي وحدج
رافد-دخلو جوه بلبيت احسن من الوكفه بشارع
ام محمد-تعذرني ابني شفت اساور ونسيت اكللكم تفضلو
اساور -دخلنه للبيت وخالتي ضيفتنه وبدت تسالني
ام محمد-اهلج شلونهم وانتي شوكت تزوجتي ليش اني ماادري بيج متزوجه
اساور-من كالت هيج ماعرفت شارد عليها
رافد-اني بس ابتسم بس حقها شلون تجي ويه رجال ماتعرفه اكيد خالتها عبالها زوجها
اساور-خالتي رافد مو زوجي
ام محمد-شلون لعد اجيتي وياه فهميني اهلج وين
اساور-بديت احجي لخالتي على الي صار
ام محمد-هذا البوج مايبطل سوالفه تذكرين مره اجينه عليكم وطردنه من الباب بعدها قررت مااجي عليكم
اساور-اني اريد اعرف امي واختي شنو صار مصيرهم والي ضربته مات
ام محمد-اني راح اسال واشوف شصار
رافد-اني لزم ارجع للبصرة بس اي شي تحتاجين اتصلي عليه
ام محمد-والله متروح باجر من الصبح روح بس اليوم انت خطارنه ولزم نضيفك ونشكرك على الي سويته ويه بنتنه
رافد-مايحتاج تشكروني اني ماسويت غير واجبي بس لزم اروح
ام محمد-اني كلت متروح اليوم انت خطارنه باجر الله وياك
رافد-واني قبلت راح ابقه يمكم بس شنو ماعدكم احد بلبيت
ام محمد-بلي عدنه ابني محمد طالع ويه جماعته وبنت رغد بيت عمها
رافد-ربي يحفظهم الج
ام محمد-تسلم ويحفظك يلا اساور كومي ارتاحي وغير هاي الملابس الي لبستها
اساور-طلعت لغرفة رغد دخلت للحمام سبحت ولبست بنطرون وتيشرت نص ردن سرحت شعري ونزلت يم خالتي بلمطبخ اساعدج خاله بشي
ام محمد-لا بنتي اني وصيت على العشه هسه كله يجي من بره جاهز بس اسوي شغلات بصيطه مبين الولد خوش ولد
اساور-تقصدين شيخ رافد
ام محمد-ليش هو شيخ
اساور-اي شيخ وعاف كل شغله واجا وياي
ام محمد-صدك شيخ مبين عليه من تصرفه ربي يحفظه لهله
اساور-اروح يمه لحد مايجي محمد ميصير يكعد وحده رحت دخلت لصاله
رافد-اني سارح بخيالي واجت اساور كعدت يمي بس من شفت لبسها ضجت ماحبيت تلبس هيج......
يتبع....انتضروني للقصه احداث اجمل
