سجينة الماضي

البارت الخامس والعشرون💜🌸

*الموضوع ملوش علاقة بالقسوة لكن بييجي علينا وقت وطاقتنا بتقل مفيش طاقة نبرر ولا نشرح ولا حتى نتحمل فلما نلاقي حد واخد كلامنا وتصرفاتنا بسوء نية هنعمله إيه يعني نفهمه إزاي إننا مش حمل أي ضغط من أي نوع ولما نقرر نسكت وما ندخلش معاهُم في جدال بيتقال إننا اتغيرنا لأ إحنا ما اتغيرناش إنتوا اللي مش عايزين تفهموا إن ما بقاش عندنا مجهود نضيعه على جدالات خايبة وبلاها أي مجهود هنبذله في سبيل تحسين صورتنا قدامكوا اللي عايز يشوفنا كويسين هيشوفنا واللي مش عايز اللّه الغني عنه💜.*

"سجينة الماضي"
البارت الخامس والعشرون

وقفنا البارت اللي فات لما عمو قاسم اغمي عليه
خالد بصراخ: بااااابااااا
نادي خالد علي دكتور وأخدوها للفحص وبعد فترة خرج الدكتور من الغرفة
خالد بخوف:دكتور كيف حال والدي
الدكتور: لقد تعرض لجلطه قلبيه ولكن تم السيطرة عليها يجب ان لا يتعرض لأي ضغط عصبي هذه الفترة لكي لا نفقده
وتركه الدكتور وغادر
دخل خالد وقعد مع قاسم
خالد: انت بتحبها اوي كدا عارف انك بتحبها بس مكنتش متخيل للدرجادي اوعدك هرجعكم لبعض عارف انه غريب اللي انا بقوله لانك لسه متجوز ماما بس بردو عارف انك مش بتحبها وانك بتحب طنط ليليان بصراحه تستاهل تحبها معرفش ايه اللي خلاكم تسيبو بعض السنين دي كلها بس اكيد حاجه كبيرة توصلكم لكدا
دخل محمود الاوضة
محمود: هوا ماله
خالد: جلطه
محمود بحزن بعض الشئ: ربنا يشفيه خليك جنبه ولو احتاجت حاجه كلمني
خالد بخفوت: شكرا
خرج محمود من الاوضة وراح لميريان
ميريان: هوا كويس!؟
محمود: بيقول جلطه
ميريان: معقول ودا ليه متقليش من زعله علي بنتنا مثلا
محمود: اهدي يا ميري الراجل تعبان نبقي نتكلم في الموضوع دا بعدين
ميريان بحزن: عايزة اشوف بنتي يامحمود
محمود: هيا دلوقتي في العناية المركزة غلط وجودنا لما تتنقل اوضة عادية نبقي نشوفها وادم هيطمنا عليها
ميريان بشرود: ادم
_______#___________
"في مصر" ام الدنيا وحشتيني😂
عند نهي كانت قاعدة في النادي هيا وصحابها
ملك: وانتي اللي سمعتيه موصلكيش لحاجه
نهي: حاجه ايه
اميرة: انه مسافر لواحدة مخصوص دا معناه انه اكيد بيحبها
ملك: ومش بعيد متجوزها كمان
اميرة: اصل شغل ايه اللي يخليه دايما برا وانتي بتقولي انه بيجي متأخر بالليل كمان
نهي: قصدكم انه ممكن يكون اتجوز عليا
ملك: بنسبة كبيرة كمان
نهي: دا انا فكرت حاجه تانية
اميرة: اللي هيا
نهي: انه لقاها
اميرة: هيا مين
نهي: ليليان مراته الاولي
ملك: كمان بس دي هيدور عليها ليه
نهي سرحت
Flash back
قاسم: انتي عارفة كويس اني لسه بحبها
نهي: بعد كل اللي عملته لسه بتحبها وبزعيق انتي اي دي كا
قاسم: صوتك ميعلاش عليا وبعدين هوا انتي مفكرة اني مصدق كل الهبل دا لا فوقي انا عارف الحقيقة كلها بس للاسف عرفتها متاخر بعد ما ضاعت مني انا اللي مصبرني عليكي لحد دلوقتي خالد واللي لولاه مكنتيش زمانك في حياتي اصلا السنين دي كلها وانا ساكت ومواجهتكيش لكن تسوفي فيها لا فحنا نفتح الدفاتر القديمه
نهي بصدمه: عرفت عرفت ايه
قاسم بسخرية: لا ولا حاجه
End flash back
نهي في نفسها: هوا معقول يكون عرف اني كدبت عليه في كل حاجه ودور عليها يعني دلوقتي ممكن يكون مسافر ليها هيا مينفعش كل دا يتكشف لا كل حاجه هتضيع مني انا لازم اتصرف بسرعه
ملك: نهي نهي نهي
نهي: ها نعم
اميرة: سرحتي في ايه يابنتي بقالنا كتير بننادي عليكي
نهي: ها ولا حاجه انا لازم امشي دلوقتي افتكرت حاجه مهمه اشوفكم بكرة باي
اميرة وملك: باي
خرجت نهي من النادي وهيا خارجه قابلت شاب ونادي عليها
الشاب واسمه سيف: لو سمحتي ياطنط مش حضرتك والدة خالد
نهي باستغراب: اه هوا في حاجه
سيف: طب هوا مختفي فين بقاله فترة وبكلمه فونه مغلق والشلة كلها بتسال عليه
نهي: هوا قال انه مسافر لواحد صاحبه عشان تعبان
سيف باستغراب: بس محدش مننا تعبان وكل صحاب خالد معروفين
نهي: قصدك ايه
سيف: لا ولا حاجه ياطنط عن اذنك بس لو خالد رجع قوليلو يكلمنا
نهي: تمم
وسابها ومشي نهي مهتمتش اوي بكلامه ورجعت البيت