تحمل العواقب!!
في يوم الخميس انتظرت صديقتي ساره عند باب الجامعه بعد انتهاء الدوام وجاءت بعد عشر دقائق من انتظاري..
-سوري حبي اتأخرت عليج.
-لاحياتي عادي مصار شيء.
-يللا لعد خلي نروح قبل منتأخر عليهم.
-اوك.
ذهبت ساره الى داخل الجامعه وتبعتها بتعجب فقلت لها مستفسره
-هاي ليش رجعنا شكو؟
-(فقالت بنبره خبث)هه بعدين تعرفين
بقيت متصنمه في مكاني ف التفتت الي وقالت وهي تضحك بصوت عالٍ
-هههههههههههههههههاي شبيج اصفريتي ولج تره ماكو شيء بس استأذنا من العميد واخذنا مختبر فارغ حتى نشتغل بي هههههه
-عااااابتلج محجيتي من البدايه
-هههه عبالج اخطفج؟
-متأثره بسلفستر ههههه
وصلنا الى المختبر الذي قالت عنه ساره ووجدنا الجميع بإنتظارنا
بقينا نعمل لساعات وكنا نأمل ان نجد مشروع جيد وسهل العمل بالنسبه لطلاب جامعيين لم يتخرجوا الى الآن ولكن دون جدوى.😩
رجعت الى المنزل وانا في قمه التعب والمشكله اننا لم نتفق ع مشروع الى الآن😫
في الليل جاءتني رساله ع الواتس اب ووجدت ساره قد ضافتني الى محادثه جماعيه مع مجموعتها وكنت اتابع كلامهم بصمت دون ان نتحدث معهم وكانوا يتناقشون ع نوع المشروع الذي سوف يُنشؤونه الى ان قال سامر:
-خوعدنا وحده بس تباوع حتى متشاركنا جايبيها تتفرج حضرتها😠
(عرفت انه يقصدني) -😌
-لااا كلفتني نفسج بهذا الايموشن والله تعبناج
-😎
-استغفر الله بابا اذا معندج شيء تحجيه اطلعي لاتبقين تباوعين اضوج من هيج بشر بلا شخصيه.
حاول استفزازي ولكني كنت اتجنب الاحتكاك به لاسباب مجهوله في داخلي 😓
اجابه محمد -سموررر شبيك ع البنيه يجوز تستحي وبعدها ممتعوده علينا ولهذا السبب مدا تشاركنا؟!
سيف-اي سامر كلام محمد صدك شبيك؟!
ساره-اي سامر صحيح تره جنو خجوله كولش
وتستحي
-☺️
سامر-اشُك😏!!
وكأنه متعمد استفزازي
-ليش تشُك؟شنو متجاوزه عليك؟ليش متوزن كلامك؟
-هااا مو كولتلكم ..بابا هذه النماذج اعرفها تبيع ثكل بالبدايه وبعدين استلموا 😳😳
-احترم نفسك واني ممتجاوز عليك حتى هيج تحجي وبعدين اني ماا احب اعلق ع كولشي الا اذا حسيت انو كلامي بي فائده اذا احجيه يللا ارد😡
-صلوا ع النبي شباب شبيكم
-يمعودين شكو جايبيكم تتعاركون
-والله متسألون صاحبكم الي اتجاوز وماعنده اخلاق
-اسكتي لج اخلاقي انطيج منها واعلمج عليها احجي عدل
-لاجنات لابالعكس سامر خوش ولد بس اليوم مندري شبي
-كاافي سامر لاتحجي هيج اسكت
-اخلاقك؟😂😂ضحكتني واضح اخلاق عاليه هذه من تتجاوز ع بنيه والمشكله ممسوستلك شيء.
-يللا جنات اني اخوج احسبيها عليه تره سامر ميقصد
-لااا اقصد ونص😠
-شكو ساامر كااافي
-اوك شباب اعتذر ح اطلع كرامتي متسمحلي ابقى هنا.
كل التعب الذي جاءني اليوم الا انه لايسوي شيء امام هذا الكلام الجارح الذي اتعب قلبي لماذا هكذا يعاملني مالذي اقترفته بحقه؟لما كل هذا الحقد والكراهيه؟ولما هذه النظره الجارحه التي وصفني بها؟😪😪
نمت تلك الليله ع وجع قلبي من كلامه الذي مازال في مخيلتي كلما اغمضت عينيّ جاء امامي😔
...
سامر ..
في تلك الليل كنت اتحدث ع الواتس مع اصدقائي ف اقترحت ساره ان تضيفها الى المحادثه لنتبادل آرائنا ع المشروع الذي نعمل عليه وبالفعل ضافتها الى محادثتنا لكنها لم تتحدث ولم تنطق بكلمه واحده فحاولت استفزازها بكلماتي وفعلاً نجحت في ذٰلك ولكنني تماديت اكثر عليها تعمدت هذا حتى ارى ردود فعلها ع كلامي وردت ع كلامي بكل عفويه وكدت انفجر من الضحك عند قرائتي لكلماتها احب استفزازها وياليتني استطيع ان ارى وجهها وهو بهذه الحاله..
عند خروج من المحادثه وددت لو ابعث اليها برساله اعتذار عما بدر مني ولكنني سيطرت ع نفسي اريد ان استمر بهذا الشيء معها علي احصل مااريد!!!!!!
...
جنات...
في الصباح استيقظت ع صوت رنين هاتفي وكانت ساره فـ اجبتها:
-ممممم
-ولج بعدج نايمه يللا كومي اتأخرنا
-ع شنو؟
-عززا بعينج متيهه روحج ولج مو اتفقنا يوميه تجين ع الجامعه علمود المشروع.!
-ااه لاا حبي اسفه بعد مااجي!!
-ليش؟بس لا بقى بخاطرج كلام سامر ؟يمعوده تره والله ميقصد وبعدين كلبه طيب وحباب والنبي
-لاا عادي بس اني بعد مااكدر اعذريني.
-شبيج جنات تخبلتي كومي يللا
-لا ساره صدوك دااحجي بعد مااجي وياكم.
-لعد شنو ح تسووين؟
-ماادري يجوز اصلاً انسحب ومااشارك!
-والله ماادري شأكولج بس لاتخلين هيج مواقف اتأثر عليج وتضيعين مستقبلج عليها.
-لا لانخافين مستقبلي ميضيع اني ح ادبر نفسي.
-اوك ع راحتج بس شوكت متهدأين وتفكرين زين وتحبين تجين اهلاً وسهلاً احنه ننتظرج.
-تسلمين حبي متقصرين اشكرج.
-اوك عمري اني اروح هسه ح اتأخر.
-اوك باي
-باي.
انهيت المكالمه وسالت دموعي الحارقه ع وجنتي لما يحصل معي كل هذا؟! يااارب سهل لي طريقي ف كل املي بهذا الاختبار واريد ان احصل ع منحه لهذه الجامعه 😢 ياليت استطيع ان اتنازل عن كبريائي للحظه واذهب اليهم لكن هذه انا من يحتقرني ويؤذيني لاا استطيع ان اقترب منه بعد لان لا اأُذيه !!!!!
...
ساره..
انهيت مكالمتي مع جنات وذهبت الى مكان تجمعنا ودخلت عليهم.
-صبااحو
-صباحو (جميعهم)
-هاا بلشتوا بعد؟
سامر-داننتظرج وننتظر حضره جناب صديقتج.
-اني واجيت صديقتي لاتنتظروها متجي بعد.
م-ليش؟ سي-ليش؟
وسامر نظر الي بصدمه
-خابرتها تكولي بعد مااجي إنسحبت منكم.
محمد-ووين تروح؟
-تكول ماادري يجوز ح تنسحب من هذا الاختبار.
سيف-كله منك سامر خطيه البنيه حبابه متستاهل
-اي والله..
سامر -انجبوا انجبوا هسه يوم يومين وتشوفوها تجي تتوسل حتى ترجع وبعدين احنه مواكفين عليها.
محمد-صح بس خطيه البنيه وحدها ومااكو احد تعرفه تدخل لمجموعته.!
-ااايي بس يجوز تروح لمجموعه همام.
سامر-بكيفها حتى اشيلهم من الجامعه😡
-هلو وانته شعليك يعني لا ترحم ولاتخلي رحمه الله تنزل
سامر -اي بكيفي!!ويللا كافي اشتغلوا
همست لمحمد-هذا شبي؟
-احم راح يوكع.
-😳😳جذاب!
-هيج مبين عدنا هههه
-ههههههههه
سامر-وانتوا بلا ضحك يللا اشتغلوا
...
سامر ..
عند دخول ساره للمختبر كانت نسبه احتماليه دخول جنات معها٣٠٪ وفعلاً لم تأتي معها عرفت ان هذه البنت صاحبه شخصيه صارمه ويستحيل ان تتنازل عن كبريائيها وتأتي..ولكن لم اتوقع الى هذا الحد ان تنسحب من مجموعتنا واحتمال انسحابها من هذا الاختبار كله !!! اصابني صُداع شديد لما سمعته وخصوصاً ان ساره قالت انها يمكن ان تدخل في مجموعه همام وهذا الشخص بالذات لا اريدها ان تحتك به فهي رغم قوة شخصيتها الا انها لا تفقه شيء عن مكر الشباب وتلاعبهم فـ هو انسان لعوب جداً ويستغل البنت بشكل غير متوقع بداعي الحب !!! جاءني تأتيب ضمير اتجاهها واردت الاعتذار لها اول مره انزل من نفسي واعتذر لفتاه فلم يسبق لي ان فعلت هذا!!
اتصلت بها وجاءني صوتها العذب الهادئ الذي يشعل بقلبي حراره لااعرف ماهي؟!
-ااالو
-السلام عليكم
-وعليكم السلام
-جنات؟!
-نعم!
-اني سامر
-خير؟!
-خير يصيبج بس ردت اعتذرلج عن كلامي البارحه بس جنت تعبان وراسي مصدع من التفكير و ...
قاطعتني
-تعبان وضايج لا تطلع هالشغلات ع ناس ماالها ذنب وبعدين مااريدك تبررلي لان ميهمني بس الشخص المهم عندي اكدر اسمع تبريراته اما غير هالشيء ف اعذرني مااريد اسمع منك واعتذارك مقبول لان الشخص الي ميعرفك مايثمنك.
(كلماتها لعثمتني ولم اعرف بما اجيبها)
-اترخص اخويه مع السلامه.
-انتظرررري لحظه
-شكو بعد؟
-تكدرين ترجعين بمجوعتنا من باجر.
-هههههههاي كول والله هههه وشنو استحي منك لو اريد جان رجعت بس اني البعد مااريد
-وشبيج تضحكين؟
-كلامك يضحك صراحه تكول جامعه اهلك وبكيفك تقرر
-مو صوجج صوج الاجه الاعتذر واني انبني ضميري عليج عبالي تستاهلين طلعتي متحترمين وتستاهلين الواحد يحجي عليج
-خلصت؟
-شنوو؟
-مره ثانيه من تسوي شيء ضميرك يكولك عليه انو هذا الشيء صحيح لاتتندم عليه لان هذا يدل ع عدم توازنك الفكري وجهلك بأهوايه اشياء مع احترامي ..باي
اقفل الهاتف وكلماتها مازالت بأذني لما هكذا تكلمت معها صوتها يدل ع انها كانت تبكي او مخنوقه من شيءً ما!! ايعقل ان كلامي هكذا جرحها!!وماقصدها انها لاتريد تبريرات مني وتريد فقط من الاشخاص المهمين عدها؟!هل لديها شخص شاغل حياتها وتفكيرها!! !اعتذرت وقبولها لاعتذاري استصغرني امام نفسي..
هي انثى اعترف لم ارى في حياتي مثلها تقابل من يُسيؤها بكلماتها الهادئه المحترمه الممزوجه بصوت المظلومه وهكذا تستطيع قتل الشخص المقابل دون تجريح مثل مافعلت بي!!!!
جنات..
جاءني اتصاله وفاجئني به ترددت قبل ان اُجيب ولكني قررت ان اجيبه حتى اشعرهُ بذنبه ..!
بعد انتهاء مكالمتنا وددت لو قطعت لساني قبل ان اتكلم هكذا معه وودت ان اقطع يدي قبل ان اجيبه اعرف انه يستحق ماجاء مني من كلام لكن قلبي ألمني😔 نعم انا اعترف يوجد شيء في قلبي اتجاهه لكني اجهلهُ الى الآن!! وبرغم من هذا الا انه خطأ ليست مشاعري وانما الشخص خطأ..!!
عندما يدخلون اُناس الي قلوبنا نعرفهم انهم خطأ تواجدهم فيه لكن لانستطيع ازاحتهم منه ولانستطيع قتل هذه المشاعر لو كانت بإيدينا لما كان للحب شيء اسمه عذاب الحب...😞😞😞
