Unicode:
Wen Qing နိုးလာတော့ Yan Han က ကုတင်အစွန်းမှာထိုင်ပြီး သူ့ကိုငေးကြည့်နေသည်။ Yan Han မျက်လုံးတို့က နီရဲနေပြီး မေးစေ့တွင်လည်း အမွှေးငုတ်တိုများ ထွက်နေသည်။
Wen Qing ကမေးလိုက်သည်။
"မင်းတစ်ညလုံး မအိပ်ထားဘူးလား"
Yan Han က ခေါင်းညိတ်ပြလိုက်သည်။
"ဒါဆို မင်းဆုံးဖြတ်ပြီးသွားပြီလား"
Wen Qing က ထလိုက်ပြီး ခေါင်းအုံးကို မှီထားသည်။
"ဆုံးဖြတ်ပြီးပြီ"
Yan Han က ခဏလောက်ရပ်လိုက်ပြီး
"မင်းထွက်သွားလို့မရဘူး။ ငါမင်းကို မင်းလိုချင်တာတွေ အကုန်ပေးနိုင်ပါတယ်"
"ညှိနှိုင်းလို့ရော မရနိုင်တော့ဘူးလား"
"မရဘူး"
Yan Han က Wen Qing ကိုသာ ငေးကြည့်နေသည်။
"ဒါဆိုလည်း မင်းအရင်ထွက်သွား။ ငါတစ်ယောက်ထဲ နေမယ်"
Wen Qing က ခေါင်းကိုစောင်းလိုက်ပြီး ပြတင်းပေါက်အပြင်ဖက်ကိုသာ ငေးကြည့်နေသည်။
Yan Han က လှုပ်တောင်မလှုပ်ပေ။
"မင်းငါ့ကို လက်လွတ်ပေးဖို့ ငါမင်းရှေ့မှာ သေပေးရမှာလား!"
Wen Qing မျက်လုံးများကတော့ တိမ်ထူလျက်။
Yan Han က တံတွေးမြိုချလိုက်ပြီး မတ်တပ်ရပ်ကာ တံခါးပေါက်ကို ငေးကြည့်နေသည်။
.......
လက်ထောက် Xiao Zhang က ဝင်လာပြီး Wen Qing ကို အလေးပြုကာ
"ဟိုင်း Wen Ge"
Yan Han က Xiao Zhang ကို တစ်ချက်ကြည့်လိုက်ပြီး Wen Qing ကို ပြောလိုက်သည်။
"ငါဒီနေ့မင်းကို အစည်းအဝေးပြီးတာနဲ့ ချက်ချင်းပြန်ခဲ့မယ်။ ငါမရှိတုန်း သူမင်းကို စောင့်ရှောက်ပေးလိမ့်မယ်"
Wen Qing က နှုတ်ခမ်းကို တင်းတင်းစေ့ထားသည်။ သူ့နဖူးတွင် သွေးကြောများတောင် ထောင်လာသည်။ Yan Han ထွက်သွားဖို့ လှည့်လိုက်တယ်ဆိုရင်ပဲ အနောက်ဖက်ဆီမှ ကျကွဲသံများ ထွက်ပေါ်လာသည်။
DU LIEST GERADE
ငေးကြည့်နေမယ် /ေငးၾကည့္ေနမယ္(ဘာသာပြန်)(Complete)
Aktuelle LiteraturUnicode: သူတို့အတူတူနေလာခဲ့တာ ၁၂ နှစ်ရှိသွားပြီ။ သူ့ရဲ့ လုပ်ရပ်တွေက အမြဲအမူအကျင့်တစ်ခုလို ဖြစ်လာတဲ့ Gong။ စိတ်ဓာတ်ကျပြီး သူ့ကိုယ်သူ ညှင်းဆဲရတာကို သဘောကျတဲ့ Shou။ ကွဲကြေပြီးသားအရာကို ပြန်ဆက်ဖို့ရာ မဖြစ်နိုင်ဘူး။ အဲ့ဒါကို လျစ်လျူရှုလိုက်မလား၊ ရင်ဆိ...