رواية الامبراطورة

4

الامبراطورة

الحلقة الرابعة
************

نزل مروان من الغرفة واخذ يبحث عن أنجي وكان متعصب بشدة

محمود : في ايه مالك
مروان : هي الهانم فين
سليم : ليه هى عملت حاجة
مروان : انت هتستهبل ما انت اكيد عارف
محمود :  هي عملت ايه
مروان بسخرية : ولا حاجة ضربت شباب فى الجامعة
سليم : اكيد كانو بيرزلو عليها
انجي : والله العظيم كانو بيرخمو على ماهي
مروان : تعالى هنا
انجي : مليش مزاج
مروان : والله مانا سايبك
سليم : خلاص بقي اهدي وانتى اطلعي البسي
أنجي : وانا مالى بقي عوزة اكل جعانه
مروان بصراخ : باااااااااااارده انا ماشي
انجي : مش هتفطر
مروان : لا مش هتنيل
انجي : علشان خاطري ميرو
مروان بغضب : قولت مش هاكل انتى مش بتفهمي
وغادر

ولكن أنجي بصت عليه وانسحبت الى غرفتها وتوجهت الى الحمام وأخذت دش وخرجت بعد فترة تلف رداء الاستحمام على جسدها ووجدت مروان يجلس على السرير وعلى وجه علامات الندم وذهبت إلى غرفة الملابس بسرعة وارتدت ملابسها وخرجت وقعدت جامبة



مروان : بلاش تزعلي منى انا خايف عليكي
انجي : بس انت عارف اني مش بحب حد يزعلني
مروان : خلاص يا روحي وكمان انتى عملتي الصح لازم تحسبي حساب كل حاجة الأول بلاش تهور ماشي
انجي بابتسامة جميلة : طول ما انا اخت مروان محدش هيقدر يقف ادامى صح ميرو
مروان بضحكة : صح يعيون ميرو تعالى ناكل بقي اصلي جعان اوي
انجي بتقليد صوته : لا مش هتنيل 😛
مروان : اه يا جذمة تعالى هنا

حملها على كتفه ونزلو الى الأسفل وتوجهو الى السفرة وجلسو

مروان : صحيح يا بابا احنا خادنا المناقصة من شركات الملك
محمود : تمام الحمد لله
انجي : مين الملك ده
مروان : ده يا ستي عاصم الليثي المنافس الاول لينا بس دماغه دماغ سم
انجي بسخرية : وانت دماغك دماغ ايه
سليم وهو يأكل : دماغ عقارب وحياتك
محمود : ههههههههههه والله عندك حق
انجي : طيب ونسبتي كام من المناقصة ديه
سليم بصدمة : نسبة ليه
مروان : اااااااايه منشار طالع واكل نازل واكل
انجي : خلاص هسرب معلومات الشركة للأعداء وشوفو نهاية شركاتك
مروان : قدرة وتعمليها عوزة كام
انجي : انت نسبتك كام
مروان : 55 % طبعا
انجي : خلاص انا عاوزة 30 %
مروان : نعم يا روح امك ليه بفرق
انجي : انا ليه الربح وانت هتشيل الخسارة مفهوم
مروان : بصراحة انتى يوم مهتنزلى تشتغلي هتولعي الدنيا
انجي بتكبر : طبعا يا بني انا الامبراطورة
محمود : الله يرحمها امك نفس كلمها واوامرها
ا

نجي : الله يرحمها طبعا مش انا وهي نفس الاسم ولازم نبقي نفس الصفات
سليم : بس تفتكر عاصم هيسكت عادي كده
مروان بلا مبالاه : كبر دماغك هيعمل ايه يعني
سليم : هيعمل كتير
انجي بقوة : لو راجل يعمل واحنا موجودين وعزة وجلالة الله اخليه يخسر كل حاجة وميلقيش حتي تمن الرغيف الحاف لسه متخلقش ولا هيتخلق الى يقف ادام عيلة الكاشف مفهوم
محمود : صح إلى خلف مماتش
مروان بفخر : تربيتي
سليم : والله وعرفت تربي
انجي : انا هخلع
محمود : راحه فين
انجي : الجامعة يا حوده
سليم : انا مش عارف انتى ليه عوزة تروحي النهاردة
انجي : ملكش دعوة يا عسل سلام شباب
مروان : باي يا قلبي