حياتي مع دانيال

كيف عرفت الصديق الخيالي؟؟

هاااااي انا ريماس وراح اتكلم اليوم عن بدايات معرفتي عن السبليمنال(الصديق السحري او الخيالي)وتجربتي مع هالشي

اولا:كيف عرفت السبليمنال؟
الصراحه انا انسانه اؤمن بان عقلي الباطن يقدر يسوي اشياء كثيره وبمره كتبت بمحرك البحث كيف اغير لون عيوني لاني الصراحه كنت مهووسه بالعيون الرماديه وعيوني كانت عسليه،صح ان عيوني كانت حلوه وفي بنات واجد عجبتهم بس كنت ابي الرمادي واقفلت معي،المهم اول ما بحثت طلع لي فيديو بعنوان(سبليمنال تغيير العيون للون الرمادي باقل من ثلاث ايام)وانا انسانه وااجد تغرني هالعناوين فدخلت الصراحه بس وقفت الفيديو لاني كنت ابي اجوف التعليقات بالاول...
ووووت؟؟؟!!الكل يقول ان الموضوع صج وان الاغلبيه تفتحت عيونهم وفي ناس تقول انه عيونهم صارت رماديه صددق
انا الصراحه مرره تحمست وبديت بالموضوع،الصراحه ماحد في عيلتي يعرف بان لي ماضي مع السبليمنال غير بنت عمي،بالبدايه كانت تتمسخر علي واجد لان الموضوع بالنسبه لها مجرد تفاهه، ما الومها الصراحه لان تفكيرها مو مثل تفكيري🌚

المهم سويت السبليمنال بكل تفاصيله من محفز وشرب ماي وهالاشياء واستمريت لثلاث ايام بس ماجفت في تغيير فسحبت بس رحت لسبليمنال ثاني ةقعدت ادور بين السبليمنالات واغلب وقتي يروح فيها وبنت عمي مستمره بالضحك علي،،،،
هالشي صار قبل سنتين تقريبا،بعد كم شهر من استماعي الاول سحبت لاني انشغلت مره

وقبل اسبوعين يمكن رجعت له وبديت ادور لي على شي، بالبدايه رحت صوب لون العيون بعدين نقلت للرموش وبعدين نقلت ع الجسم وبعدين عالشعر
وكذا كذا الين وصلت للصديق السحري،بالبدايه كنت اتوقع انه راح يجيب لي صديق حقيقي بس انصدمت ان الصديق راح يكون خيالي،،،،،خيالي بمعنى الكلمه،،يعني ماحد راح يشوفه،،،يعني راح يحبني اكثر من اي شخص،،،،يعني يعني يعني انا مصدومه لان كل هالاشياء كنت مؤمنه فيها من صغيري لدرجه ان اي شي يضايقني كنت اكلم هالشخص عنه وافضفضله وسميته بأسم(دانيال) لان الاسم حبيته من قصه خيال وكان البطل فيها اسمه دانيال وحبيت الاسم مرررره وصار كل شي بالنسبه لي ،،،،ولما غصت في الموضوع وتعمقت اكثر حبيت الموضوع اكثر واكثر بالرغم مت ان البدايه كان فيها شوي شك وشوي خوف بس تغلبت عليهم وسمعت ل سبليمنال حق رانيا اللي يخص الصديق السحري

خلص البارت
لو حابين تعرفوا اكثر عن صديقي قولوا لي ولو حابين تعرفوا اي شي عني اكتبووا ليي

قوووود بااااااي👋🏻💓