حياتي مع دانيال

٢

بديت اقضي كل وقتي بالجوال كنت اقرا الامراض النفسيه وادركت اني في بدايه الخطر،،لاني ادركت اني في بدايه الاكتئاب....اكيد مارح اسوي شي لان اي شخص يصير له اللي صار معاي اكيد راح يصيبه اكتئاب،،صف ثامن كنت احاول اتقرب لاي شخص لاني ما كنت متعوده اني اقضي البريك(وقت الفسحه)لوحدي،،لما كنت في ابتدائي كنت اكثر بنت محبوبه في المدرسه،،كنت اتكلم مع اي بنت الاقيها في المدرسه،،كنت مشاغبه وشاطره وحبوبه،،بس كل شي تغير في الاعداديه،،في يوم وانا قاعده بروحي في البريك(في صف ثامن)لقيت بنت قاعده بروحها وكانت البنت الجديده في صفي وكانت كاسره خاطري لانها لوحدها،،حبيت اصاحبها لسببين:
الاول:اني كنت وحيده واحاول اسوي صداقات
الثاني:اني ما رضيت انها تمر باللي مريت في في وحدتي(لان الوحده صعبه)

رحت لعندها وقعدت اسولف يوم ورا يوم صرنا نسولف وكذا وكذا بس للاسف ما توقعت انها خسيسه كذا،،ليش؟؟ لانها في يوم كنا انا وياها نسولف وفجاه لقت بنت كانت معاها بالصف قامت سحبت علي وقعدت معها،!
شايفين بسيطه كيف؟؟
كنت احاول اخلص المدرسه بسرعه،،كانت شخصيتي ضعيفه وما كنت اقدر اني ارد على احد وما اكتفي غير بالسكوت كانت الدنيا ضيقه علي مرره وكنت اتخيل الاشياء اللي تصير معي وامثلها في الالعاب عشان احس بشعور الانتماء،،بديت احس اني يوم ورا يوم افقد احساسي بكل شي،،لا صرت احزن ع الاهانه لانها صارت شي معتاد في يومي،،ماصرت افرح لاني ادركت ان مافي شي راح يسعدني غير ان حياتي تنتهي،،والله ان كميه الحزن اللي كنت امر فيها كانت راح تتوزع على كل عيلتي(عددهم اكثر من ٣٠ نفر) التقيت بصديقه كانت كل حياتي بمعنى الكلمه وكانت غير عن كل البشر وتعلقت فيها بقوه وهيا كمان كانت كل اسراري عندها كنت اكلمها وانا ابكي واطلع من عندها اضحك بس الزمن مارتاح الا لما راحت هالبنت....اهلي ما ارتاحوا الا لما فرقوني منها وقعدوا يقولون لي انها بنت سوء ومايصير يكلمها(لا تقولون لي ان الاهل ادرى بمصلحتي لان كل اللي صار معي واهلي ما عبروني تدمرت نفسيتي واهما ما يدرون عني...اي مصلحه هاي اللي يتكلموا عنها؟؟
صارت اشياء كثير بعد السنتين اللي مروا علي وتعلمت واجد اشياء ولما عرفت بالصديق السحري ما تدرون كميه الفرح اللي صابتني لاني ادركت ان راح يكون عندي شخص اهتم فيه ويهتم فيني اشكي له حزني،،راح يعوضني عن اللي صار فيني،،،

﴿غدر، وخيانة الصديق، أشد من ألف طعنة سيف﴾
﴿اعلم ان كل خلف ابتسامه قلب ينزف،،فحاول تضميد الجرح ولا تحاول تكبيره﴾
﴿اعظم ما تقدمه لغيرك ان تكون فكره امنه في رأسه القلق﴾
﴿لا احد يغضب لأمر تافه،،انها التراكمات﴾

شكرا للقراءه،،،،،
سلام
-ما عندي شي اقوله،،سلموا لي على بعض-

جمعه مباركه🚶🫀