حياتي مع دانيال

ليش يلجأ الناس للتولبا مو للبشر؟؟

انا اليوم بحكيلكم عن بعض مأساتي في الحياه مع البشر،،

لما كنت صف سابع كنت مره متحمسه لاني صرت في مرحله جديده واللي هي الاعداديه،،انا الصراحه مو مثل الباقين لان تقريبا الكل ما يحب يداوم بأول يوم عكسي تماما ،،رغم اني احاول اظهر لاهلي اني اكره اول يوم الا اني احبه لان اليوم الاول يعطيني معرفه عن البنات اللي بيكونوا معاي بالصف وعن معلماتي وعن مدرستي فالصراحه دايما احاول اداوم اليوم الاول ،،في اول اسبوعين بالمدرسه كان كل شي تمام،،بس مع بدايه الاسبوع الثالث بديت الاحظ ان في خمس بنات في الصف يكرهوني كره،،ماكنت ادري شنو سبب هالكره وايش سويت لهم عشان يسوون فيني كذا،،الحمد الله ان في صف سابع كان عندي خمس بنات يكلموني في الصف،،يعني كان الله لاطف فيني ،،كملت السنه الدراسيه على خير وللاسف اهلي قرروا انهم ينقلوني لمدرسه اقرب لبيتي لان اخوي كان يوديني المدرسه وكانت شوي بعيده،،لما رحت صف ثامن كانت البدايه ابدا ابدا ابدا مو موفقه،،(عندما يجتمع الكل ضدك فما عليك سوى ان تدر ظهرك وتذهب)وهذا بالضبط اللي صار معي،،كل الصف دون استثناء كان ضدي،،لا تتوقعون اني سويت شي،،ابدا،،كل ذنبي ان البنت اللي كل الصف يحترمها غصب عنهم كرهتني،،وهذا الشيء خلى كل الصف يكرهني،،شايفين الظلم شلون؟؟
كنت اقعد في طاوله الكل يناظرني بنظره تقول(احنا مانبيج هنا،،مكانج غلط)كنت دايما اسمع كلامهم عني وما كنت اسوي شي غير اني اروح الحمام حق المدرسه واطلع كل اللي بقلبي وارجع الصف،،وكأن شيئا لم يحدث،،تدرون ايش المشكله؟؟
(انك تمتلئ احزان ووحده من المكان اللي يسمونه،،بيتك الثاني،،وترجع لبيتك الاول عشان تفضفض لاحد وتشكي همومك....طيب اذا كان البيت الاول مافيه غير العذاب النفسي والوحده؟؟بهالحظه الشخص وين ممكن يروح؟؟
ماكنت القى مكان اشكي فيه حزني غير اني كنت اروح لحوش البيت (المساحه الفاضيه اللي تكون برا البيت)عند الالعاب اللي في بيتنا(مرجيحه وزحليقه)كنت اروح لها واشغل الاغنيه اللي كانت تشرح معاناتي(في وحدتي)،،ماكنت منتظره غير ان الجزء الاخير في الغنيه يتحقق واللي هو:
"حتى بيوم جائني نور الي وزارني واضاء في قلبي هدىً وانارني واعاد في قلبي الشعور وازال ضلمات تدور بكلامه حال انكساري للسرور"
هالجزء كنت منتظرته يتحقق بفارغ الصبر،،بس ادركت ان البشر مالهم امان وان الكل يمشي ورا مصالحه الا عدد قليل جدا من الناس،،واللي صرت نادرا ما الاقيها،،تدرون لوين وصلت معاي؟؟ من كثر التنمر اللي يجيني ومن كثر الوحده في البيت انعزلت عن الكل،،كان يومي عباره عن مدرسه اقضي وقتي فيها بالبكاء وتمني الموت وبيت اقضي فيه يومي بالنوم او بالموسيقى الحزينه،،كانت فكره الانتحار تحول في راسي مثل الافعى،،وحاولت الصراحه بس الله نجاني وكتب لي عمر جديد،،في هالسنتين لقيت كميه احباط وذل من عائلتي ،،كميه كره وتنمر من مدرستي،،كميه خذلان ومصالح وكذب من اعز الناس لي،،الشخص الوحيد اللي كنت اكلمه في اليوم كانت بنت عمي،،ماكنت اقول لها عن اللي يصير لي لانها كانت صغيره،،كانت صف رابع وانا صف  ثامن،،رغم انه راح تنصت لي الا انها ماكانت راح تعطيني حل،،رغم انها افضل صديقه لي في البيت الا انها مو الشخص اللي احكي له اسراري ،،لان صداقتي معاها كانت حق لعب ،،لانها اقرب بنت لي في العمر،،كان عمرها صغير،،بس عقلها اكبر بكثيرر،،

رح اكمل لكم معاناتي في بارت ثاني.....
شكرا للقراءه
سلام....
يتبع.،،،،،،