යකාගේ ප්‍රේමයවන්තයා

අඩව්ව

පලිඟුව කිස් කරපුඑක කොයිතරම් වැරදිදෙයක්ද කියලා ආලෝකට තේරුණේ නිදාගන්නයන වෙලාවෙදියි. 

කාමරේට ගිය වෙලාවේ ඉඳලා පලිඟුත්එක්ක කතාකලේ අයියාගැන මිසක්... පලිඟු ගැනවත් තමන් ගැනවත් නෙමෙයි. පලිඟුගේ හිතේ අයියාගැන තිබුණ කැමැත්ත අයුතුවිදිහට ප්‍රයෝජනයට අරගන්න හිතාගෙන ආලෝක එහෙම හැසිරුණා කියලා පලිඟු හිතපුබව වටහාගත්ත ආලෝක අතමිට මොලවලා කොට්ටෙට ගහගෙන ගහගෙනගියේ දත්මිටි කාගෙන. 

පලිඟු නොඑනබව යටිහිත කිව්වත්, සිකුරාදා උදේ පාන්දරම ඉස්කෝලෙටගියපු ආලෝක පලිඟුගේ පන්තියටයන බිල්ඩිමේ පහල කැරකිකැරකි බලන්ඉඳලා විවේක කාලෙදිත් පලිඟුගේ පන්තියට ඔලුවදාලා බලලා ආවේ එයාව හම්බවෙන්න හිතේතිබුණ බලාපොරොත්තුව කඩකරගෙන. 

ආලෝක ඉස්කෝලේ කට්කරලා ගෙදරගියේ සදීෂත් එක්කමයි. 

"උගන්නන්නේ නෑ... ස්පෝර්ට්ස් මීට්..."

අම්මට කතාකරලා විස්තරේ කියනවා කියලා දන්නනිසා සෝමා ඇන්ටිට ඇහෙන්න කියපු ආලෝක කාමරේට ගිහින් හවස්වෙනකල් සදීෂ ඩවුන්ලෝඩ්කරලා තිබුණ ' පට්ටම පට්ට' ෆිල්ම්ටිකක් යාලුවත්එක්ක බැලුවේ පලිඟුගැන හිතන එකෙන් ඔලුව නිදහස් කරගන්න. 

පලිඟුට මැසේජ්එකක් යවන්න අන්තිමේදී තීරණය කරපු ආලෝක පණිවිඩ කිහිපයක්ම ටයිප්කරලා ආයෙමත් මකලා දැම්මා. 

[සොරි...] 

[වරදියට ගන්න එපා, ප්ලීස්.] 

[මම ඔයාට කැමති නිසයි කිස් කලේ...]

ඒ එකක්වත් ආලෝකට හිතේතිබුණ දේ හරියටම වචනවලට පෙරලන්න සමත්වුණේ නැහැ. 

[ 10.52 p.m. - ඔයා හිතපු විදිහේ දෙයක් නෙමෙයි එතන උනේ.] 

ආයෙම්ත් හිත වෙනස් වෙන්න කලින් ටයිප් කරපු පණිවිඩේ 'සෙන්ඩ්' කරපු ආලෝක පලිඟුගෙන් රිප්ලයිඑකක් එයිද කියලා බලන් ටිකවෙලාවක් කාමරේ එහාටත්මෙහාටත් ඇවිදඇවිද හිටියේ නොයිවසිල්ලෙන්. පලිඟු තමන්ගේ දුරකථන අංකය දන්නවද නැද්ද කියල කල්පනා කරලා කෝකටත් කියලා තවත් මැසේජ්එකක් ඉක්මනට ටයිප් කරලා යැව්වේ ඊටපස්සේ.