පලිඟුගේ අන්තිම වචන එහාටත්මෙහාටත් පෙරලපෙරලා කල්පනාකරපු ආලෝකගේ ඔලුවේ ලයිට් බල්බ්එක පත්තුවුනේ ගෙදර දොර ඇතුලෙන් ඇතුල්වෙනකොටම පඩිපෙළ පාමුල වෙන්නතිබුණ අයියගේ මහෝගනී පියානෝඑක දකිනකොට.
සෝමා ඇන්ටි "බත් බෙදන්නද...?" කියලා අහද්දිත් ආලෝක උඩතට්ටුවේ තිබුන අයියගේ කාමරේට ගිහින් ඉවරයි. ළමා නිවාසෙකට දෙන්න කියලා පැක්කරපු හාඩ්බෝඩ් පෙට්ටිවලින් ඉතුරුවුන තවත් පෙට්ටිදෙකක් ඇරෙන්න කාමරෙටම තිබුනේ ඇඳටදාපු ශීට්එකයි කොට්ටඋර දෙකයි විතරයි.
ආලෝක කෙලින්මගියේ අයියගේ පොත් මෙසේගාවට. ලාච්චු එකින්එක වේගෙන් එලියට ඇදලා බැලුවත් එයාට හෙව්වදේ හම්බවුණේ නැහැ.
බිත්ති කබඩ්එකේ පියන්දෙක හෝස්ගාලා ඇරලාදාපු ආලෝක එකටම දැක්කේ අයියා ගත්ත මෙඩල්... සහතික... කප්වගේ ඒවා එකපැත්තක ගොඩගහල තිබුන හැටියි. අනෙක් පැත්තේ රාමුකරපු ඩිග්රී සහතික යටකරගෙන ෆොටෝ ඇල්බම් දෙකතුනක් උඩින් බ්රවුන් පේපර් කවරයක්.
හොයනදේ ඒකෙ ඇතුලේ කියලා ආලෝකට ඉවෙන්වගේ තේරුණා.
අයියගේ 'ගලක්සි එස් - නයින්' ෆෝන්එකේ ස්ක්රීන්එක පටන්ගත්තේ නැතිකොට ආලෝකගේ හදවත මොහොතකට නතරවුණේ ෆෝන්එක කැඩිලද කියලා හිතුන නිසයි. 'බැටරි බැහැල ඇති...' ඔලුව පැත්තකින්ආපු උත්තරෙත්එක්ක බැග්එක ඇතුලේ තිබිච්ච චාජර්එකත් ගත්ත ආලෝක එයාගේ කාමරේට ගිහින් ෆෝන්එක චාර්ජ් වෙන්නදාලා බලාගෙන හිටියේ අතක නියපොත්තකුත් කනගමන්.
යන්තම් ඔන් කරගන්න චාර්ජ්වුන හැටියේම ෆෝන්එක අතට ගත්ත ආලෝක එකටම බැලුවේ 'කෝල් ලොග්' එක. ෆෝන් එකෙන් අන්තිම කෝල්එක අරගෙන තිබුණේ තාත්තගේ නම්බරේට. 5.40 වලදී.... 'හොස්පිටල් එකේ කවුරුහරි ගත්තඑකක් වෙන්න ඇති...' එයටම කියාගත්ත ආලෝක පහලට පහලටගියත් හොයපුදේ හම්බුණේ නැහැ.
හුස්මක් හෙලපු ආලෝක මැසේජ් ෆෝල්ඩරේට ඇඟිලිතුඩක් තිබ්බා.
- 17, අගෝස්තු -
[ 4.02 p.m. මම ගේට් එක ගාවට එනගමන් ඉන්නේ මල්ලා 😁 ]
සෝමා ඇන්ටි කාමරේට ඇවිත් උරහිසට අතක් තියලා කතාකරනකල්, හිස් හැඟීමකින් 'ඉස්කෝලේ පලිඟු මල්ලි'ට අයියා යවපු අන්තිම කෙටිපණිවිඩයේ 'කට පිරෙන්න හිනාවෙන මුණ' තියෙන ඉමොජිඑක දිහා ආලෝක කොයිතරම් වෙලාවක් බලාගෙන හිටියද කියලා එයාවත් දන්නේ නැහැ.
ESTÁS LEYENDO
යකාගේ ප්රේමයවන්තයා
Paranormalආලෝක රිදීගෙදරට හොල්මන් ගැන විශ්වාසයක් තිබුණේ නැහැ... ඒ මැරුණ වැඩිමහල් සහෝදරයාගේ අවතාරය තමන්ගේ ඇස් දෙකින්ම දකිනකල්. කෙනෙක් මැරුණම අවතාරයක් වෙලා එන්නේ, අවසන් කරගන්න බැරිවුණ යමක් මේ ලෝකේ ඉතුරු වෙලා තියෙන නිසාලු. එතකොට පහන් රිදීගෙදරට අවසන් කරගන්න බැරිවු...