مجنونتي نيار

43

شعندي غيرك ؟!
اني كل همي انت تضحك 🌾❤️

______________________نيار

َ
َ

كاعدة بالكاع كدام بتها بعد ماتحسن وضعها وصارت تكدر تمشي وتتحرك
مرت ع ولادتها ٣٠ يوم

مدت أيدها ع خدها وحجت بلطف
...حبيبتي ياعمري شبيج ضايجة راسج يوجعج كولي شبيج اني دكتورة اعرف
هسة اطيج حباية الو إبرة

راحت طلعت علاكة ادويتها الابر والكبسول فركشتهن
...شتردين اختاري عادي عادي

نامت يمها وتباوع بوجها
... حبيبتي اني صحيح دكتورة بس اخاف عليج خاف توجعج الإبرة

وهاي الحباية خاف ماتعجبج الو موطيبة بكيفج تردينها الو لا

بقت تفتر ع راسها تالي رجعتهن لمكانهن وكعدت كدامها
... حبيبتي العصر نوديج للدكتورة ثانية دكتورات كل سديقاتي يعرفني

شالتها خلتها بحضنها تحجي بحنان
...عسوقة حبيبتي الو واحد عيب عليج
كال سودنة الو كال مخبلة كوليلي اروح ابسطة بسط

ماريد واحد يضوجج الو ضوجوج العالم بالكلام والبسطات بالحجارة ارجعج للبطن مالتي

دخلت رغد للغرفة تباوعلهن اخذت الطفلة كمطتها وتريد تنيمها تدك ع صدرها خفيف تلوليلها ونيار كاعدة يمها
...ماما ع كيف وياها خاف توجع

...كومي من يمي نيار مالي خلكج
...توجع البنية مالتي
...ماتوجعها لتدوخيني 

بقت تباوع لرغد بلوم بعدين حجت بحركة
...اشبيج ماما هاية بنتي تبسطين بيها ليييش مو خطية عنونة شبييج

...يا يا ماما شبيج ولج مابيها شي ع كيفي وياها علمود الغازات ماسويلها شي
...هاا ، يلا عادي بس بوسيها احسن 
دنكت باستها ونيار سوت اوكي وطلعت 

ام وسام كاعدة تسوي البانية حجت بصوت عالي
...يلا بيبي الفهاية سويها بسرعة بالساعات كاعدة تكمعين شويون شويون شبيج يحضييي

هزت أيدها ومشت وكفت يم مجد
...مجودي تعبتنيي من صوت موبايل نصي الو اكسرة والله

رفع راسة يباوعلها متفاجأ
...هييي شبيج انتي ؟؟
...انت شبيج انتي نصي صوووت بنتي نايمة دوختها دوووخ

عافتة ومشت قبل لا يجاوب دخلت للغرفة تطمن ع بتها من شافتها نايمة ورغد تهز الكاروك طلعت للصالة اخذت ايبادها وكعدت طلعت اغاني وتكلب بيهن
فتحت اغنية
...حبيبي بعيني الك دمعة
كلامي بكلبي متسمعة
اريد احجي الك وارتاح
تعال لخاطري بسرعة
زفرت انفاسها وحجت بحزن
...اي والله وسومي تعال بسرعة الن شتاقيتلك شوق

جابت موبايل رغد واجت نطتة لمجد
...خابر خابر
فتح الموبايل وخابر ع ابو ونطاهيا
اول مارد عليها حجت بلهفة ممزوجة بحزن
...حبيبي الوسام اسمع اسمع
فتحتلة الأغنية وتتحسر تغازلة ع الطريقة الكلاسيكية