على أحد الشواطئ .
.... : اي يا وحش الكون مالك.
.....: عاوز اي يا عمر
عمر بغمزه: الستر و الصحه و رضاك يا جميل .
.....: يا جدع ما تقولي كده من بدري يا اختي .
عمر : و اديني قولت ما تيجي نهرب يا عسل .
....: يا اخي غور بقى بأم رخامتك دي الإنسان ميعرفش يكتئب فى امان الله.
عمر بخضه مصتنعه: يالهوي اكتئاب و انا موجود طيب عيب عليكي والله ده انا الدلع كله و اكمل و هو يتمايل بكتفه مثل الإناث حتى شوفتي الروقان .
..... : يا اخى بلا قرف بقى قوم من قدامي .
عمر بهدوء و قد عاد مجدداً صامت : تاليا .
تاليا: نعم .
عمر و هو يمسك يدها: مالك يا قلبي.
تاليا : انا كويسه اهو مالي .
عمر : تفتكري قلبي هيصدق الكدب اللي باين فى عيونك ده .
تاليا: انا كويسه يا عمر انا همشي اصلا .
جذبها عمر لاحضانه: يا شيخه و الدموع اللى فى عينك دي قضاء و قدر و لا اي.
تاليا و هي تنظر له : مخنوقه اوي يا عمر .
عمر و قد أعادها من جديد فى أحضانه: من اي يا قلب عمر .
تاليا و هي تدفن رأسها بصدره: كل حاجه يا عمر حاسه اني مش عاوزه اعيش و مش قادره اكمل فى حاجة.
عمر : احكيلي يا روحي حاسه بأي .
( استوووووووب احم شباب عمر و تاليا مكتوب كتابهم وضحت ؟ حد الله ما بيني و بين الحرام احنا ناس تعرف ربنا اه . هييح كملوا )
تاليا : عمر .
عمر : نعم يا قلب عمر .
تاليا : مش عاوزه ارجع البيت مش عاوزه اشوف حد مره تانيه و ببكاء و هي تتشبث به بشده مش عاوزه ابقى معاهم عشان خاطري يا عمر و النبي .
عمر و هو ينظر لها بفزع و أبعدها عنه: عملو اي ليكي ليه زعلوكي كده قولي .
تاليا ببكاء أكثر : مش عارفه. اتعامل معاهم والله تعبت من و انا صغيره يا عمر و انا متعذبه معاهم و هما مش فاهمين أن أقل حاجه بقت تأثر على نفسيتي مش عارفين هما عملوا اي بمجرد كلام زي ما هما فاكرين عمر متجرحنيش شبههم و النبي .
عمر و هو يجذبها مره اخرى لاحضانه: انا اصلا مقدرش اسيبك انا مقدرش ابعد عنك و لا افكر اجرحك ابدا بس اهدي يا حبيبي انا هحلها .
تاليا : عمر سامحني على كل اللى بعمله و بيزعلك بس والله مش عارفه اتكلم مع مين او احكي لمين سامحني
عمر و هو يحاول أن يهدأها: حبيبي انتي معملتيش حاجه عشان اسامحك انتي كل حاجه حلوه في الدنيا ماتخافيش يا قلبي.
تاليا : شكرا على كل حاجه حلوه بتعملها عشاني .
عمر : شكرا ليكي انك فى حياتي يا تاليا.
تاليا : بس انت حياتك متدمره من يوم ما عرفتني يا عمر .
عمر : انا حياتي مبقاش ليها طعم غير لما عرفتك يا تاليا .
تاليا: بجد؟
عمر : جد الجد يا صاحبي يلا عشان ارجعك اتاخرتي .
تاليا و هي تمسح دموعها و تنظر له: انت اصلا عرفت مكاني منين .
عمر بلامبالاه : من قلبي .
تاليا: يا راجل ده الواد بيحس كمان .
عمر و هو يعدل من وضع شواربه الوهميه : ايوه طبعا و بعدين بت انتى احترمي اني زي جوزك على الأقل لا اله الا الله.
تاليا : محمد رسول الله يا عنيا و تركته و ذهبت و لكن امسك بثيابها من الخلف .
عمر و هو يحدثها بعصبيه مزيفه : بت انتي امتى كنتي شبح فى نفسك كده .
تاليا: اسد يلا فى اي .
عمر : اسد و يلا بت فين تاليا حبيبتي انتي بلعتيها صح افتحي بقك كده .
تاليا : والله ما بلعت حد بس انت اللى عينك تعباك يا روحي .
عمر : تع...اي يا اختي بت تصدقي بالله.
تاليا و هي تعدل من وضع ثيابها بعدما تركها: لا اله الا الله.
عمر : انا بدأت اشك انك واحد صاحبي متخفى .
تاليا : يا راجل احلف كده .
عمر : و رحمة خالي حسن.
تاليا برفعة حاجب: لا وطلع عندك خال اسمه حسن كمان .
عمر : تخيلي شوفتى الدنيا بقى .
تاليا بغمزه : اه بأمارة صافينار اللى كانت شغاله من شويه .
عمر و هو يقلد السيدات: متكسفنيش بقى يا عم .
تاليا بضحك شديد: يخربيت الجنان يا عمر مش عارفه ازاي وافقت عليك والله.
عمر : عشان قلبك هو اللى وافق يا اختى .
تاليا : طيب يلا عشان اتاخرت .
عمر : يلا يا باشا و اخذها و ذهب .
ـــــــــــــــــــــــــــــــــــــــــــــــــــــــــــ
فى منزل تاليا .
كان والداها يجلسون معا و معهم شقيقها و شقيقتها .
والدتها : ما لسه بدري يا اختي و بصراخ مش شايفه الساعه كام يا بني ادمه.
تاليا و هي تحاول الثبات و عدم البكاء : كنت برا و بعدين فين المتاخر لسه الساعه مجتش 8 و عيالك بيرجعوا متاخر اكتر مني و مش بتتكلمي فين المشكله.
والدتها : ما انتي ال....
قاطعها والد تاليا : ادخلي يا تاليا غيري لبسك و تعالي عشان تاكلي .
تاليا بدموع : مش جعانه و تركتهم و ذهبت .
كان عمر يصف السياره بالاسفل و صعد وراء تاليا و لكن توقف بعدما استمع الى حديثهم .
دخل عمر .
عمر : السلام عليكم ورحمة الله وبركاته.
والد و والدة تاليا : و عليكم السلام ورحمه الله وبركاته.
عمر : عمي لو سمحت ممكن اتكلم معاك شويه.
والد تاليا بهدوء : اتفضل يا ابني و تالين انتي و يونس ادخلوا جوا.
ذهب يونس إلى غرفته و تالين ذهبت إلى تاليا .
عند تاليا .
كانت تضع رأسها على الفراش و تبكي بشده مما يحدث معها و من تلك المعامله الجافه من والدتها .
تالين و هي تحاول أن تهدئها : تاليا اهدي يا تاليا محصلش حاجه انتي عارفه أن ماما بتحبك اهدي .
تاليا و هي تنظر له بعيون حمراء : تصدقي بتحبني اوي واضح صح من كل المعامله دي.
تالين : طيب اهدي الله يخليكي محصلش حاجه.
تاليا بفزع : عمر ..عمر كان تحت هو طلع اكيد سمع يا نهار ابيض و اجهشت فى بكاء مرير.
تالين : عمر برا مع بابا بيتكلموا .
تاليا: يارب ميكنش سمع حاجه هياخد فكره وحشه عن ماما يوووه يا رب بقى .
تالين بدهشه: ده كل اللى فارق معاكي انتي مش زعلانه عشان نفسك دلوقتى.
تاليا : عمر هيزعل يا ربي .
تالين و هي تكاد تجن: يا بنتي هتشل منك اقسم بالله.
لم تجيب تاليا حتى سمعوا صوت طرقات من الخارج .
عمر من الخارج: ممكن ادخل .
تاليا و هي تجفف دموعها: اتفضل يا عمر .
عمر و هو ينظر لها بحب : اي يا روحي بس ليه زعلانه كده .
تالين : انا كويسه يا عمر مش زعلانه و لا حاجه.
عمر : يا شيخه طيب.......
قاطعته تالين : فى ايييي اي جو العشق المفقوع ده نحن هنا احترم وجودي يا كابتن .
عمر ببرود : حد كان قالك اقعدي واحد و مراته قاعده انتي ليه .
تالين ببرود مماثل و هي تتكلم بهدوء : لو ملاحظ انك قاعد فى اوضتي يا استاذ نحنوح بيه .
عمر و هو ينظر لها بغضب : استاذ اي .
تالين و هي تقف و تسير بهدوء حتى وصلت إلى الباب : و لا حاجه حد اتكلم اصلا .
عمر بغضب : استني هنا قولي قولتي اي .
تالين بعدما ركضت خارجا: استاذ نحنوح اصلا لايق عليك اكتر من دكتور ..يا اخي دكتور اي بس ...ده انت دكتور رومانسيه.
عمر بضحك : يا مجنونه تعالي عيله جبانه و لكن قد ركضت للخارج فنظر مجددا إلى تاليا وجدها تضع رأسها على ركبتيها و كأنها لا ترغب فى الحديث مع أحد .
عمر و قد أغلق الباب و هدىء قليلا و جلس بجوارها : تاليا قلبي .
تاليا بصوت متحشرج من البكاء : نعم.
عمر بفزع و هو يجذبها نحوه : انتي بتعيطي يا تاليا كفايه عياط كده يا قلبي.
تاليا و هي تحتضنه بشده: عمر تعبت والله تعبت مش ذنبي نفسي اموت و اخلص .
عمر : بعد الشر عنك يا روحي متقوليش كده عشان خاطري انا من غيرك و لا حاجه يا تاليا .
تاليا : عمر خدني معاك و النبي يا عمر والله مش هزهقك .
عمر : طيب اي رايك فى حاجة تخلينا مع بعض.
تاليا و هي تنظر له بأمل : بجد يا عمر .
عمر و هو يقبل يدها: بجد يا قلب عمر و مفيش دموع و لا زعل تانى بس مش عاوزه تعرفي اي الطريقه.
تاليا : اي هي.
عمر : قدمت معاد الفرح انا اصلا كنت بتلكك عشان عاوزك معايا .
تاليا : بس في حاجات كتير لسه مجهزتش يا عمر محتاجه وقت .
عمر : مبقيش حاجه غيرك يا ست البنات و اي حاجه ناقصه هنجبها الاسبوعين الجايين بس انتى جهزى نفسك .
تاليا : عمر انا مش عارفه اقولك ايه بجد مش عارفه اشكرك ازاي.
عمر : تاليا احنا قبل ما نكون متجوزين ف إحنا اصحاب يا توته ( الاسم المفضل لها) و انتى عارفه انى مش بستحمل زعلك و دموعك بتقتلني كفايه وجع لغيت كده .
تاليا بابتسامه: ربنا يديمك ليا يا عمر .
عمر : و يديمك ليا يا حياة قلب عمر .
ـــــــــــــــــــــــــــــــــــــــــــــــــــــــــــ
عند والد و والدة تاليا.
والد تاليا: ممكن افهم اي اللي حصل برا ده .
والدة تاليا بعدم فهم: حصل اي .
احمد ( والد تاليا) : يا شيخه و بنتك اللى بتعيط بسببك دى محصلش حاجه صح .
رندا ( والدة تاليا ): اي المشكله ما بنتك هي اللي بتدلع نازله تلف فى الشوارع و مترجعش.
احمد : و انا مش كنت قاعد قدامك و معملتيش احترام ليا و لا تقدير لبنتك اللى كل يوم حارقه دمها بكلامك و كل يوم نايمه معيطه بسببك .
رندا : بقيت انا اللى مش كويسه دلوقتى فين مشكلتك معلش.
احمد : مشكلتي الوحيده اني أمنت على بناتي مع انسانه مستهتره مقدرتش تفهم بناتها و لا تكون سر ليهم و لا قدرت تكسب ثقتهم اقدر افهم دلوقتى انتي عملتي اي ممكن بنتك تفتكرك بيه بعدين أقل حاجه ممكن تعملها أنها متخليش ولادها يعيشوا الحاله النفسيه اللى مرت بيها من و هي فى اعدادي سواء تفضيل اخواتها عليها أو إهمالها و انك تسيبيها و تدمري مشاعرها و كأنها من غير أم فوقي قبل ما تخسريها للابد .
رندا : بس .....
احمد بمقاطعة: من غير بس بنتك فرحها قرب يتحدد و خلاص أن شاء تكوني مبسوطه دلوقتى هي اصلا مش هيبقى فارق معاها غير أنها تخرج من هنا و من الاكتئاب و التعب اللى انتي عيشتيها فيها سلام يا زوجتي المصون .
و تركها و ذهب .
جلست رندا تبكي بشده و هي تتذكر ما فعلته بابنتها الكبرى و على كل الأذى النفسي التي سببته لها و لكن هل استيقظت الان بعد فوات أكثر من عشرون عاما ها هي الآن تعي ما حدث بعدما أضاعت ابنتها منها و لكن قررت أن تفعل شئ ما و كأن زوجها قد آفاقها عن ما كانت تفعله .
ـــــــــــــــــــــــــــــــــــــــــــــــــــــــــــ
فى منزل عمر .
عمر بسعاده : بابا ،ماما عاوز اقولكم على خير حلو اوى.
والد عمر : قول يا حبيبي.
والدته بسعاده لرؤية ولدها سعيد هكذا: قول يا نور عيني.
عمر : انا قررت اقدم معاد فرحي انا و تاليا و طبعا حضرتك هتروح معايا بكره أن شاء الله عشان نحدد المعاد الأساسي تمام .
والد عمر بابتسامه بشوشه: والله و كبرت يا عمر و هتبقى عريس تعالى فى حضن ابوك يلا تعالى .
ذهب عمر و احتضن والده بشده و من ثم وجد والدته تبكي بتأثر فاختضنها أيضا .
والدة عمر : ربنا يتمملك على خير يا حبيبي و تتهنوا مع بعض و تكونوا خير ازواج صالحه .
عمر : اللهم امين يا امى و قبل يدها و قبل يد والده و قبل أن يذهب .
عمر : بابا متنساش تكلم محمد و رغد و عمار عشان ينزلوا قبل الفرح ( عمار شقيقه الاكبر منه سناً و كان يعيش بمنزل مستقل مع زوجته و أولاده و محمد و كان يكبر عمر ببضع سنوات فقط و ايضا له منزل و عائله خاصه به رغد الصغرى و كانت تدرس خارج مصر ) .
والد عمر: انا كده كده كلمتهم و رغد هتحجز طياره لان الاجازه هتبدا كمان اسبوع و محمد و عمار سهل ييجوا جهز نفسك انت يا حبيبي.
عمر و هو يرسل له قبله فى الهواء: من عنيا يا سيدي الناس و صعد على الدرج ذاهبا إلى غرفته .
فى الاسفل .
والد عمر بتنهيده سعيده: الحمد لله ربنا يتممله على خير.
والدة عمر : يارب يا حج كده ما بقاش غير رغد و نخلص .
والد عمر: دى حبيبة قلب ابوها دى مش عاوز اديها لحد اصلا .
والدة عمر بتذمر: خدها رهينه عندك يا حبيبي ربنا يديمكوا لبعض.
والد عمر بضحك على تلك التى ما زالت تغير عليه رغم تلك السنوات : هههههههه لسه بتغيري يا ام عمر و من بنتك لا اله الا الله.
والدة عمر و هي تحتضنه : انت حبيبي انا و بس و اغير عليك لو بعد ميت سنه .
والد عمر : ربنا يديمك ليا يا ست الكل.
والدة عمر: و يديمك ليا يا حبيب عمري .
( حسنا فلنكن على اتفاق تام أن المنزل الذي أساس بنيانه موده و رحمه و حب و تفاهم فهو بنيان دائم الوقوف و لا يتأثر بأي من عوامل الزمن فمن الطبيعي أن يكون الناتج عن هذا الحب شيء يضاهيه بل و اكثر قليلا .لندى انور) .
ـــــــــــــــــــــــــــــــــــــــــــــــــــــــــــ
عند عمر فى غرفته .
عمر : الو يا تاليا.
تاليا بنبرة حب: ايوه يا حبيبي اؤمر..
عمر بحنو: كنت بس عاوز اتطمن عليكي و فى مفاجأة حلوه اوي استعدى يا توته.
تاليا بابتسامه: اي هي .
عمر: خليها مفاجأة فى وقتها احسن .
تاليا : تمام يا باشا .
عمر : تمام يا حبيبي متنسيش تصلي قيام الليل و ادعيلي معاكي .
تاليا : من عيوني .
عمر : تسلم عيونك يا قمري.
تاليا : انت كنت عاوز اي طيب .
عمر : كنت عاوز انام على صوتك .
تاليا بخجل : تصبح على خير.
عمر : و انتى من اهلى يا روح قلبي.
ـــــــــــــــــــــــــــــــــــــــــــــــــــــــــــ
تم تحديد موعد الزفاف و كانت السعاده لا تفارق تاليا و كان عمر هو الآخر سعيد لدرجه لا توصف و مرت الايام مع انهاكهم فى العمل و التجهيزات و شراء ما ينقص و لكن مهلا كان هناك منزلا هادئاً من المشاحنات و قد يكون أحدهم تعلم الدرس و قرر التغير ( و بالطبع ما كانت سوى والدة تاليا التى باتت تعاملها بلطف و هدوء على غير المعتاد ) .
ـــــــــــــــــــــــــــــــــــــــــــــــــــــــــــ
جاء اليوم المنتظر و تم عقد القران بين عمر و تاليا وسط فرحه من عائلتهم و الاصدقاء و المقربين لهم و انتهى بسعاده و فرحه على الجميع .
اخذ عمر تاليا إلى المنزل الخاص بهما و جلسوا سويا .
عمر و هو يحتضنها: اخيرا بقيتي ليا ياربي مش مصدق نفسي يا توته و كان يبكي من فرط سعادته كأنها أعظم انتصاراته التى حاز عليها لتوه
تاليا و هي تنظر له بحب و وضعت رأسه بين كفيها : عمر حبيبي بتعيط ليه بس .
عمر و هو ينظر لها بعشق : مش مصدق انك بقيتي ملكي يا تاليا والله ما مصدق عارفه احساس انك اخيرا وصلتي لحلمك.
تاليا بدموع : انا بحبك اوي يا عمر ربنا يقدرني و اقدر اسعدك يارب .
عمر و هو يقبل يدها: كفايه انك معايا دي لوحدها كفيله تفرح قلبي اوعي تبعدي عني يا تاليا .
تاليا و هي تضع أناملها على لحيته و تمررهم عليها: مقدرش ابعد انا اللى المفروض اقولك كده يا عمر .
عمر : ليه يا روحي.
تاليا بتنهيده عميقه : مش مهم يا عمر بس اوعدني متجرحنيش .
عمر : وعد يا حياة قلبي .
و قضوا ليلتهم و أسدلت بدايه جديده على حبهم .
ـــــــــــــــــــــــــــــــــــــــــــــــــــــــــــ
فى احد الايام .
فى منزل عمر .
كانت تاليا لا تترك عمر سوى لعمله أو لشيء هام غير هذا فهي معلقة باحضانه فقط كأنها امتلكت العالم .
عمر بابتسامه و هو يعبث بشعرها و هي بين أحضانه: توته حبيبتي ممكن سؤال.
تاليا : اسال يا حبيبي من غير ما تستأذن .
عمر بحب و فضول: انتي ليه دايما بتحبي تبقي فى حضني يعنى من يوم ما اتجوزنا بنسيب بعض على الشغل و الاكل و المناسبات و الصلاه غير كده بتبقي فى حضني و دايما بتقولي أنه مكانك المفضل.
تاليا بخجل و هي تحاول الذهاب: انا .... انا اسفه م..مكنتش اعرف ان دى حاجة بتزعلك والله...م....مك..نتش اعرف يا عمر .
جذبها عمر لتجلس على قدمه و احتضنها: اهدى يا حبيبي دى حاجة مخلياني مبسوط انا بحب قربك اوي اصلا حضنك ده بيغنيني عن الكون كله
تاليا و هي تدفن رأسها بصدره: عشان ده مكاني المفضل ده الامان بتاعي و بعدها نظرت بشرود تعرف يا عمر أن دى اكتر حاجه كان نفسي فيها و انا صغيره بس مكنتش بلاقي حد اقدر احضنه أو حد يحسسني بالأمان ده عشان كده انا شايفاك اماني دفا قلبي و روحي بس .
عمر و هو يمرر يده على وجنتها برقه: حاسك عاوزه تتكلمى اتكلمى يا روحي هسمعك بقلبي .
تاليا و هي تبتلع غصه بحلقها : مفيش بس من و انا صغيره كان نفسي اعيط فى حضن امى و اول ما افرح اروح ليها بس مكنش عندى الام اللى بقت صاحبتي فى مراهقتي و لا اللى كملت معايا فى شبابي و كنت البنت المستبعده اللى معندهاش شخصيه اللى لازم تتهزق و هي ساكته و بابا كان مش بيصدقني اغلب الوقت لأن مينفعش انى أعارض كلام ماما و لازم انا اللى ابقى اعقل واحده لانى الكبيره و ببكاء انا اتدمرت يا عمر والله العظيم اتدمرت انا خيفاك تيجي يوم تبعد و ما القكاش تانى صدقني هموت يا عمر .
عمر و هو يبكي على حالها و تلك المعاناه التى لحقتها منذ الصغر و جفف دموعها بيده و بصوت متحشرج من الدموع : كفايه عياط يا حبيبتي انا معاكي انا هفضل جنبك .
تاليا و هي تمسح دموعه هي الأخرى و تقبل موضعها: و انت كفايه عياط انا بس كنت بتكلم معاك انت حبيبي يا عمر و بعيون دامعه مش هتاذيني صح.
عمر و هو يقبل يدها: صح يا قلب عمر من جوا.
ابتسمت له و غفت بين أحضانه.
ـــــــــــــــــــــــــــــــــــــــــــــــــــــــــــ
بعد مرور أربعة أشهر.
كانت تاليا تشعر بإعياء شديد و الم و عندما ذهبت للطبيب المختص بحالتها علمت بحملها لم تكن سعيده كبقية الأمهات فى موقفها بل ظلت تبكي بشده.
دخل عمر وجدها تبكي بهستيريه .
عمر و هو يحتضنها: تاليا توته.. مالك يا قلبي فى اي .
تاليا بشهقات متتابعه : انا....انا حامل يا عمر .....عمر هيبقى عندى بيبي .
وقف عمر بعيدا ينظر لها بفرحه ممزوجه بالدهشة و العتاب : بس تاليا ليه بتعيطي.
تاليا و هي تنظر له و هي ترى الحزن ظاهر بوجهه من ردة فعلها : عمر .. والله مش قصدى حاجه من اللى فى دماغك انا بحبك ...بس .
عمر و هو يذهب ليجلس خارجاً لا يعي لمَ يمكن أن تحزن لهذا الأمر الذي من المفترض أن تكون اسعد امراه به الم تكن تحبه ماذا يحدث .
تاليا و هى تجلس جواره و تمسك بيده و لكنه تركها و هو يحاول أن يهدأ؟.
تاليا بدموع: عمر .
عمر بغضب لم يقدر على إخفائه : عمر اي و زفت اي يا تاليا انتى لو متجوزاني غصب مش هتزعلي كده فى اي يا شيخه انا عملت اي عشان تعملي فيا كده انا مبقتش قادر أفهم حاجه .
تاليا و هى تنظر له برجاء أن يفهمها : عمر بالله افهمني انا بحبك بس انا خايفه .
عمر و هو يجلس مقابلا لها و يتحدث : خايفه من اي يا تاليا .
تاليا بدموع : خايفه يبقى عندى بيبي و اخليه يوصل للمرحله اللى انا فيها دى خايفه ادمره نفسيا و ......مقدرش اتعامل معاه والله انا نفسي اكتر منك يكون عندنا ولاد بس خايفه خايفه اوى يا عمر .
عمر و هو يحتضنها: اهدى يا تاليا اهدى يا حبيبى خلاص مفيش حاجه .
تاليا و هي تحتضنه: سامحنى يا عمر.
عمر و هو يقبل جبينها: مسامحك يا روحي و بعدين عاوز اقولك حاجه يا تاليا .
تاليا و هى تنظر له: اي الحاجه.
عمر و هو يمسك يدها و يقبل باطنها و يشدد عليها : تاليا احنا هيبقى عندنا بيبي ف اول حاجه عاوزين نعملها نربيه على طاعة ربنا مش هندمره و لا حاجه انا و انتى هنبقى معاه يا حياة قلبي ماتخافيش و هنعلمه الصح من الغلط و هيبقى احسن شخص ماتخافيش انا جنبك فى كل الاوقات.
تاليا : بجد .
عمر : بجد يا كل ما ليا .
ـــــــــــــــــــــــــــــــــــــــــــــــــــــــــــ
مرت تلك الفتره بسعاده على تاليا و عمر حتى رزقها الله باجمل مولود فى الكون أسمته مؤيد و كان يشبه والده كثيرا و لكن كان القلق يستوطنها من علاقتها به بالمستقبل .
كانت والدة عمر الأقرب لها و كانت تعوضها عن كل الحنان التى تفتقده من عائلتها أو التى افتقدته بالفعل و كأنها كانت المكافأة لصبرها على ما يحدث فرزقت بعائله جميله محبه لها.
لم تقطع علاقتها بعائلتها و لكن كانت لا تظل كثيراً معهم فكانت تشعر أنها ترغب فى البقاء مع امانها فقط.
كانت والدتها تحاول أن تعوضها عن كل ما حدث بشتى طرق على أمل أن تسامحها على تقصيرها و كل الأذى النفسي التى كانت سببا به كانت تاليا تتناسى ما حدث مجرد أن تعاملها بطريقه لطيفه و لكن ما زال الثقب النفسي موجود بها و ها هي الآن تحاول جاهدة أن تجعل صغيرها لا يحتاج لأحد فهى الصديق الصدوق له و هي الحب الاول لشخصه أيضا .
عمر : شوفتي أننا كملناها مع بعض.
تاليا : شوفت انك انت اللى عوضتني عن كل البعد اللى فى حياتى.
عمر و هو يقبل يدها: بحبك .
تاليا بحب: بعشقك و بعشق وجودك يا عمري و عمر قلبي .
ـــــــــــــــــــــــــــــــــــــــــــــــــــــــــــ
( المصاب من عائلته لا يشفى ابدا و لكن بك تغلبت على ذلك الالم فكنت سندى و حبيبي لن استطيع ان اكافأك على ما حدث و لكنى متيمة بكَ عمري .لندى انور)
( اُصبت بداء خُبُكِ فما استطاعوا شفائي ابد اعشق وجودكِ معذبتي و حياتي بدونكِ تساوى العدم إلى تاليا .لندى انور) .
(اتمنى تكون الفكره وصلت لان التعب النفسي العائلي مرض نفسي مزمن ممكن يكون دايم بلاش توصلوا أولادكم لمرحله مش كويسه من التعامل مع البشر صاحبوهم عشان ميلجأوش لغيركم يوم و خليكم السند دايما العيله مش بس اكل و شرب و لبس العيله دفا و سكينه و امان و اللى انا كتبته ممكن نموذج مبسط عن حاجه بتحصل بس اكيد مش كل حاجه ♥️).
When you find a nice person who understand you, you will be become fine.
(عندما تجد شخصاً لطيفا يفهمك ستكون بخير ♥️)
#nada anwar 🖤.
ندى انور ( أيريم 🤎)
