الجريمة الضاحكة

إقتباس

كان الصمت هو السائد بهذا المكان، مكان تظهر به الوجوه، منهم التعيسة ومنهم النادمة والخبيثة.

ليتكور الثلاثة بجوار بعضهم بخوف.

دلف أحد الرجال العملاقة، وعلى وجهه جميع آثار الجريمة :
-"ولااه يا حمااصة"

وعلى الفور وقف أمامه احد الرجال هزيلٍ الجسد:
-"ءإمورني يا معلم رِنجة".

-"انا حاسس إني مطفيي يا واد"

-"ودا كلام يا معلم نفرفشك! " قالها بحماس

ومن ثم أشار المعلم للثلاثي:
-"الناس الجديدة قوموا هِزوا".

ليقف عز أمامه:
-"لا مهو مش علشان لابسـلك قميص كاروهات ابقى محترم ! لا يابا دنا تربية شوارع !!"

ليتابعه "سيف" بنفس الحماس:
-"وقتَّالين قُتلة كمان".

ليمسكه المعلم رنجة من تلابيب قميصه مُقربًا وجهه من الآخر:
-"خُفت أنا كدا يا روح*** !"

ليتحدث سيف وهو يشيح بوجهه بعيدًا بتقزز:
-"انا دلوقتي عرفت هما مسمينك رنجة ليه ؟"

ليتدخل محمود محاولًا حلَّ الموضوع:
-"مش قاصده يا معلم،انتَ عارف بقا أول مرة وكدا "

لينظر له رنجة من أعلاه لأسفله:
-"وعلى كدا بقا أنتَ مش أول مرة برضو؟
البنطالول دا أديدس ياض؟"

-"لاااا بقولك إيييه كله إلا هدومي !!"

وبعد القليل من الوقت كان الثلاثي يجلسون مُرتدين البيجامات المُخططة وشباشب الحمامات الخضراء.

كاد يتحدث سيف، ولكن محمود أشار له بأصبعه:
-"مــش عاوز أسمع صوت حد !!"

-"طقم بجامات الكنبة اللي ورا، الظابط عاوزكم" كان ذاك صوت العسكري

-طبعًا بتسألوا إيه اللي عمل فينا كدا؟
وعلشان تعرفوا كل دا استنونا في رواية "الجريمة الضاحكة"