Short Story 〈Diāodiāozǐ〉

1

သူမွေးထားတဲ့ဟက်စကီးကောင်က
လူသားတစ်ဦးအဖြစ်ပြောင်းသွားကြောင်း
ချန်းရန်သိလိုက်ရတယ်

အလုပ်ဆင်းလို့အိမ်ပြန်ရောက်သည့်အခါ၊ အိမ်ကတော့ ပုံမှန်အတိုင်း ရှုပ်ပွနေသည်။

သို့သော်လည်း တစ်ခုခုကကွဲပြားနေ၏။

ဥပမာအနေနှင့် အိမ်က ပုံမှန်ထက်ပို၍ ဖရိုဖရဲဖြစ်လို့နေသည်။

မြေကြီးပေါ်လူးလှိမ့်နေတတ်သော ဟက်စကီးကောင်ကရှိမနေပဲ ဝံပုလွေလိုနားရွက်တွေနှင့် မြေကြီးပေါ် ဆောင့်ကြောင့်ထိုင်နေသော ဆယ်ကျော်သက်ကလေးတစ်ယောက်သာ ရှိနေလေသည်။ သူ့လက်တွေကတော့ အမှိုက်ပုံးထဲတွင်ရှိနေဆဲဖြစ်၏။

လှုပ်ရှားသံကြားလိုက်ရတာကြောင့် ဝံပုလွေနားရွက်နှင့်ဆယ်ကျော်သက်​ကောင်လေးက လှည့်ကြည့်သည်။ ထို့နောက် ချန်းရန်ဆီ လျှောက်လှမ်းလာ၏။

ချန်းရန်မှာ ထိုကောင်လေးဆီမှ အတွန်းခံလိုက်ရတော့သည်။

ဆယ်ကျော်သက်ကလေးသည် သူ့အိမ်ရှိဟက်စကီး​ကောင်ကဲ့သို့ စိတ်အားထက်သန်သည်။ ဒီနေ့မှာ ဟက်စကီးက သူ့ရဲ့လျှာနဲ့ သူ့(ချန်းရန်)မျက်နှာကိုစိုရွှဲသွားအောင်မလျက်တော့ပဲ သူ့မျက်နှာကို အကြိမ်ပေါင်းများစွာ နင့်နင့်သီးသီးနမ်းနေတာက လွဲလို့ပေါ့။ 

ချန်းရန် သူ့လက်တွေကို ဝံပုလွေနားရွက်နှင့်ဆယ်ကျော်သက်ကောင်လေး၏ခါးပေါ် မသိမသာရစ်ပတ်လိုက်သည်။ ပြီးနောက် ထိုသူကဘာအဝတ်မှဝတ်မထားသည်ကို တွေ့လိုက်ရ၏။

အာ...အသားအရေလေးက နူးညံ့နေရောပဲ

သူ့ရဲ့ဟက်စကီးက လူသားတစ်ဦးအဖြစ်ပြောင်းလဲသွားသည်။ ချန်းရန် ဤအချက်အား လိုက်ခံလိုက်ရ၏။

သို့ပေသိ သူက ဟက်စကီးအဖြစ်သို့ ပြန်မပြောင်းတတ်တော့ပေ။ ထို့နောက် ချန်းရန်မှာ ဤအချက်ကိုလက်ခံနိုင်ရန်အတွက် တစ်ပတ်လောက်အချိန်ယူလိုက်ရသည်။

ချန်းရန်သည် ကုဒ်တွေရေးသားရာ၌အလွန်တော်သော ပရိုဂရမ်မာတစ်ယောက်ဖြစ်၏။ သူ့တွင် အထူးတလှယ်ကြိုက်နှစ်သက်သည့်အရာ တစ်ခုမှမရှိတာကြောင့် လစဥ်ငွေပိုငွေလျှံ အမြောက်အမြားရှိသည်။