♦ حسناء السلطان ♦
⚜ فاطمة الزهراء مبارك ⚜
⚔ الجزء 8 ⚔
داز شهر و هي معليها حتى شي خبار كيف بقات خاف تكون ماتت لكن العكس كون ماتت كانت عتوصلو الخبار خرج البرا و بقا واقف كي شوف في القصر من بعيد و هذه الحالتو ولات ساكنة كيانو من شوفة وحدة بغاها و لا مهوس بيها خرج و مشا خدا ريشة و بدا كي رسم ملامحها من مدا و جديد حطها و ناض هز سلهامو دارو عليه و خرج تلاقا يوسف و امرو يوجد ليه العودو دار لي قال ليه و خرج مشا الجنب الواد و هذيك هي البلاصة الوحيدة لي ولا كي مشي ليها على امل انه يولي يشوفها
جلس تما و بدا كي رسمها من مدا و جديد و سلهامها لي ولا مرافقو فين ما مشا معاه
سيف(بصوت حنين خرج من اعماق قلبو):حسنى فين انت فين
تنهد و كمل ناض جمع معداتو و مشا الكوخ جلس فيه حتى تناص ليل رجع بحالو القصر و هو في طريقو الجناح ديالو جا عندو يوسف بخبار
سيف:اش تما
يوسف:عندي ليك شي خبار من مملكة افراح
سيف(تهز قلبو منين سمعها):زيد معايا
يوسف:واخا ا مولايتمشا معاه دخلو الداخل جلس و يوسف كي شوف فيه
سيف:تكلم
يوسف:جاتني خبار بلي الاميرة حسنى خرجات اليوم و تقابلات مع شعبها
سيف(وقف و قلبو زاد في صراع معاه): اش كتقول
يوسف:اه ا مولاي
سيف:شكون قالها ليكيوسف (حنا راسو):سمح ليا عصيت امرك ا مولاي لكن انا دخلت لمملكة افراح متخفي و من زهري كان بلبل خارج و شافني جا عندي و سولتو عليها قال ليا بلي خارجة متخفيا تشوف اهلها شنو باغيين
سيف(جا عندو):كيف دايرة هي
يوسف:صرحة يالله ناضت منها لان السيف لي ضربات بيه كان مسموم
سيف:كيفاش
يوسف:حنا كنسممو سيف باش اعدأنا الا تجرحو و هربو كي موتو في الطريق
سيف:جسمها خوا من السم
يوسف:اه ا سيدي الحمد لله على لطف اللهفرح بزاف انها ولات بيخير خاصو يشوفها باش ما كان رجع خرج البرا و بقا كي شوف في القصر و هو مقاداه فرحة اما يوسف خرج من تما و خلاه بوحدو
أنت تقرأ
حسناء السلطان ســـــيـــــــــــــف حـــــسنـــــــــــــى ( الدارجة المغربية)
Actionجيت بالجديد و مغاير على لي كتبت هذه القصة كتحكي على حياة ملك و أميرة كل واحد و مملكتو و كل واحد و فين عايش اختلاف لي بيناتهم كبير و زمان كانو كي قولو بلي المرأة معندها قوة و لكن بطلة قصتي كتبت ليهم العكس و حيرات معاهم كبار المبارزة قصة مختالف حيت...