♦ حسناء السلطان ♦
⚜ فاطمة الزهراء مبارك ⚜
⚔ الجزء 34 ⚔
كتشوف فيه و شرارة خارجة من عينيها هو تبسم سد الكتاب و وقف عند راسها كي شوف في وجها كيفاش حمرة و خدودها مطبزين شفايفها كي ترعدو ريحتها لي كيف المسك كي عطي منها عجباتو و زاد بغاها
حسنى:شنو كدير في جناحي ا سلطان سيف
سيف:لو انك تحيدي رسميات حيت راه عنوليو شخص واحد
حسنى:هداك هو نهار لي معمرك تحلم بيه
سيف:عارفك مقلقة مني لكن مشي الخاطري تيقيني
حسنى:تيقتك غير خرج
سيف(شدها من حنيكاتها بيديه): كنعشقك ملكتي
حسنى(لمستو بنجاتها بقات كتشوف فيه): سيف
سيف(كي قرب ليها):عيون سيف
حسنى:بعد حسن ما تندم
سيف(تبسم و قرب طبع قبلة حينينة على خدها):كنعشقك و مستحيل نضيعك ندير اي حاجة غير تسامحيني على فعلتي
حسنى:تقتي فيك تهرسات
سيف:عنصلحها
حسنى:خرج عافاك
سيف(تبسم):نديرو اتفاق
حسنى(شافت فيه):ديالاش
سيف:غادا مع الضهر عتكون مبارزة بيني و بينك
حسنى:علاش
سيف:الا ربحتك عتسامحني و عتقبلي تزوجي بيا بخاطرك و نطلب يدك لزواج من الاب ديالك و من مور الحرب عتكوني ملكة مملكة اليمن الحمراء
حسنى:الا ربحتك انا
سيف:عتكوني مراتي و ملكة اليمن الحمراء لكن عنعطيك الوقت فين تسامحيني و معنضغطش عليك وعد
حسنى(فكرات):هكا هكا عنكون مراتك
سيف:هكا هكا عتكوني ملكتي لي حلمت بيها
حسنى(تبسمات بخبث):موافقة
سيف(باس جبينها):خليني حداك هذه الليلة
حسنى:لا سير لجناحك
سيف:واخا امرك مولاتيشاف فيها و خرج من جناحها كي بتاسم اما هي تجبدات فوق سريرها كتفكر في هضرتو جا تبعها حتى لهنا و قبل بصلح على قبلها لا وباغيها تكون مراتو فرحات بكلمة ملكتي منين كي نطقها و حتى كلمة حسنائي لي كتخرج من بين شفايفو فرحات بزاف حطات يديها على قلبها كتحاول تحبس ضرباتو لي قربو يختارقو صدرها لكن حالفة ما تخليها فيه و امارتها توشمو بكثرة التفكير شنو باغيا دير منعسات ديك ليلة غير بزز
أنت تقرأ
حسناء السلطان ســـــيـــــــــــــف حـــــسنـــــــــــــى ( الدارجة المغربية)
Actionجيت بالجديد و مغاير على لي كتبت هذه القصة كتحكي على حياة ملك و أميرة كل واحد و مملكتو و كل واحد و فين عايش اختلاف لي بيناتهم كبير و زمان كانو كي قولو بلي المرأة معندها قوة و لكن بطلة قصتي كتبت ليهم العكس و حيرات معاهم كبار المبارزة قصة مختالف حيت...