سنتحدث في هذه السلسلة عن أشهر الأماكن التي قيل عنها أنها مسكونة بالجن والأشباح في مختلف أنحاء العالم.
أماكن يحيط بها الغموض ويكثر حولها الأساطير.
سنغوص في المحلية ونتحدث عن أشهر الأماكن المسكونة في مصر كمثال، قصر البارون، عمارة رشدي، شقة ذكرى وغيرهم...
احنا لسة في أمريكا على فكرة مروحناش في حتة تانية وشكلنا هنفضل في أمريكا شوية كمان، فيها شوية أماكن إنما إيه مقولكوش ربنا يستر ومنتلبسش كلنا
هنتكلم النهاردة عن مستشفى مشهورة جدا في أمريكا كانت مشهورة جدا من أيام ما كانت مفتوحة ولحد دلوقتي وحتي بعد مرور أكتر من ٢٨ سنة على إغلاقها لسة فيه ناس بتتكلم عنها.
مستشفى أثينا في أوهايو للأمراض العقلية والنفسية.
كانت طرق العلاج في المصحات العقلية زمان خصوصا في العصور الوسطى غير آدمية بالمرة كانوا بيتعاملوا مع المرضى بمنتهى التخلف مكانش عندهم ذرة رحمة بالمساكين دول اللي لاحول لهم ولا قوة ولا ليهم ذنب في مرضهم.
دا غير طبعا إللى كان بيتعامل مع المرض النفسي على إنه مس من الجان أيا كانت الأعراض اللي بيمر بيها المريض يبقى ملبوس علطول ولما الحالة بتاعة المرضى تتدهور أكتر كانوا بيقنعوا أهاليهم إن هما السبب في ده لأنهم مش مستجيبين للعلاج وكل دي أوهام في خيالهم علشان يهربوا من العلاج مش أكتر إنما اللي بيعالجوهم فلة شمعة منورة
بدأ الإهتمام بالأمراض العقلية في أمريكا بعد الحرب الأهلية الأمريكية اللي بدأت ١٨٦١م وانتهت ١٨٦٥م وطبعا كل حرب زي ما بتسيب موتى وجرحى بتسيب كمان عدد كبير من المرضى النفسيين اللي بيتأثروا باللي بيشوفوه قدامهم في الحرب.
من هنا بدأت الحكومة الأمريكية تعمل عدد كبير من المصحات النفسية في معظم المدن علشان تستوعب أعداد المرضى.
من ضمن المصحات دي كانت المصحة بتاعتنا اللي اتعملت في مدينة أوهايو جمب مدينة أثينا الأمريكية علشان كدا أطلقوا على المصحة إسم مصحة أثينا النفسية. "Athens Lunatic Asylum"
أطلقوا عليها كمان إسم مستشفى التلال "The ridges" ودا لأن المستشفى كانت مبنية فوق هضبة عالية.
بدأوا في بناء المستشفى سنة ١٨٦٨م واستمر البناء لمدة ٦ سنين متواصلين لحد ما تم افتتاحها سنة ١٨٧٤م.
أرض المستشفى كانت كبيرة جدا أكتر من ألف فدان إتبرع بيها واحد من الأثرياء المحليين، وفيه اللي بيقول إن الحكومة اشترت الأرض من السكان المحليين بس معظم الآراء بتقول إن تمت التبرع بالأرض.
المستشفى كانت ضخمة جدت وبتضم مباني كتير جدا.
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
