꧁❤︎꧂
" Lou ရှင် Debbie နမ်းဖို့ကြိုးစားကြည့်ဖူးလား ?"
Lou အခန်းထဲတွင် အင်္ကျီတွေကိုစီနေစဉ် Daphne Kluger ကလှမ်းမေးလိုက်ခြင်းပင် ။ Lou ရုတ်တရက်မော့ကြည့်လိုက်တော့ Daphne , Rose , Constance နှင့် Amita ကတံခါးဝတွင် မတ်တပ်ရပ်နေကြသည် ။
" ဘာရယ် ?"
" ကျွန်မ မေးတာက ရှင် .. "
" ငါ မင်းမေးတာကိုကြားပါတယ် ။ ဒါပေမယ့် မင်းကဒီအကြောင်းကို ဘာလို့သိချင်ရတာလဲ ?"
" ကျွန်မတို့က မိတ်ဆွေတွေဖြစ်သွားကြပြီလေ ဒါကြောင့်မေးကြည့်တာ "
" ဒါက ငါ မဖြစ်မနေဖြေရမယ့်မေးခွန်းလို့ မထင်ဘူး "
Lou မျက်နှာလွှဲကာ လုပ်လက်စအလုပ်ကို ဆက်လုပ်နေလိုက်သည် ။ သို့သော် သူတို့ခပ်တိုးတိုးပြောသည့်အသံကို Lou ကြားဖြစ်အောင် ကြားလိုက်သည် ။
" ငါပြောသားပဲ Tammy ပြောတာ မှန်ပါတယ်လို့ ။ Lou က Debbie ကိုမနမ်းရဲပါဘူး "
Amita ကခပ်တိုးတိုးပြောလိုက်ပေမယ့် Lou သေချာကြားလိုက်သည် ။
" ဘာ ? Tammy ကဘာပြောတာလဲ ?"
Lou ရုတ်တရက် မတ်တပ်ထရပ်လိုက်သည် ။
" ဘာ .. ဘာမှမဟုတ်ပါဘူး "
ထိုသို့ပြောကာ အကုန်လုံး ထိုနေရာမှ မြန်မြန်ထွက်ရန်ပြင်လိုက်ကြသည် ။
" နေပါဦး ။ Tammy ကဘာပြောတာလဲလို့ ?"
" Tammy ကရှင် Debbie ကိုမနမ်းရဲဘူးလို့ပြောတာ "
Constance ကပြောလိုက်သော်လည်း သူ့စကားက မပီပြင်သောကြောင့် Lou သေချာနားမလည်လိုက်ပေ ။
Lou Constance ၏ဂျာကင်အင်္ကျီကိုဆွဲထားလိုက်သည် ။ ထို့နောက် Rose ကိုပါ လှမ်းဆွဲလိုက်သည် ။ သနားစရာ Rose က သူမလက်ကလွတ်အောင် ရုန်းနိုင်အားမရှိပေ ။ ကျန်သည့်လူများက Lou နှင့်ခပ်လှမ်းလှမ်းတွင် ရပ်နေကြသည် ။
" Tammy ကဘာပြောလဲဆိုတာ ထပ်ပြော "
Tammy က သူ့အခန်းမှထွက်လာသည် ။ လမ်းတစ်ဝက်တွင် Nine Ball လည်း Tammy နှင့်အတူလိုက်လာသည် ။ သူတို့ခြောက်ယောက်ကိုကြည့်ရတာ အစည်းအဝေးလုပ်မည့်ပုံနှင့်တူနေသည် ။
![](https://img.wattpad.com/cover/284833784-288-k371355.jpg)
YOU ARE READING
𝑳𝒐𝒖 & 𝑫𝒆𝒃𝒃𝒊𝒆 ˡᵒᵘᵇᵇⁱᵉ 𝑶𝒏𝒆 𝑺𝒉𝒐𝒕 𝑪𝒐𝒍𝒍𝒆𝒄𝒕𝒊𝒐𝒏
Fanfiction𝑳𝒐𝒖 𝑴𝒊𝒍𝒍𝒆𝒓 ♥︎ 𝑫𝒆𝒃𝒃𝒊𝒆 𝑶𝒄𝒆𝒂𝒏 𝑶𝒏𝒆 𝑺𝒉𝒐𝒕 𝑪𝒐𝒍𝒍𝒆𝒄𝒕𝒊𝒐𝒏 (𝑻𝒓𝒂𝒏𝒔𝒍𝒂𝒕𝒊𝒐𝒏 + 𝑶𝑪)