حب❤بعد⬅️الزواج💍الجزء 2

🙄 الحلقة 8 🙄

شافوها اومبعد الين بعتتلها بوسة فالهواء و غمضت عينيها و حركت راسها بمعنى ايه فهمتك.

سفقت جهان بيدها و هدرت : اياا خلاصو دراهمكم لبنات هيا للchambre...ليليان و روان نسيتو حاجة مادرتوهاش nn ؟؟(مازال مادوشوش من مادام rouge)

فهموها هوما طايرة و ناضو زادت معاهم الين و جهان : هيا جماعة bonne nuit
الدراري : تصبحو بخير

دخلو للchambre يجرو شكون تدخل الاولى لل douche قعدو يتضاربو كل وحدة حابة تدخل الاولى باش تحكم pلاصتها تريح...ماحبسوش حتا نطقت

الين : اوووو...خلاص وحدة فيكم فيكم تروح للsalle de bain تاع l'étage هادا (في كل chambre كاين salle de bain و كاين وحدوخرا تان خارج les chambre جاية فالكولواغ normal).

خزرو في بعضاهم و ضحكو
ليليان : mais نتي حابسة كيفاش ماخممتيش فيها

روان : اااا منعرف شكون اللي لقاها واقيل نتي؟...المهم انا نرفد حوايجي و نروح ندوش لهيك اقعدي نتي هنا.
دات حوايجها وخرجت و ليليان دات حوايجها و دخلت للsalle de bain اللي فالchambre...اما جهان و الين لبسو pyjamaتهم و حكمو pلايصهم يتفرجو tv و يgسرو اما les jeunes فالsalon زادو شوية و راحو يرقدو

بالنسبة لادم مقبيل كي كان لاتي مع تيليفونو كانت لاسوكريتار تاعو اللسقة تبعتلو في تصاورها تعري في روحها و تزيد و هو تعما قعد غير يشوف فيهم و يضحك عاجبو الحال و كان تانيك يرمي عينيه على جهان و يركز معاها كي تهدر و خاصة كي جودتلهم هكاك دخلاتو في 10000 دوامة تمنى انو تكمل تجود و ماتحبسش حس روحو بدا يميللها من اللي جات تبدلو عفايس داخلو تفكيرو احاسيسو ولا يخمم فيها بزاف حتى فالخدمة malgré بعاد على بعضاهم

و مايهدروووش كاامل بصح كي يشوف تصرفاتها مع العائلة تاعها و جداتها يعجبو الحال و مادابيه تقعد معاه و ماتنوضش من الpلاصة اللي راهو فيها كااامل....طلع لغرفتو بدل حوايجو دار parfum و هبط لقا الظلام كامل طلعو لشنابرهم رفد مفاتح 🚗 و خرج رايح لجماعتو.

على ال2 تاع الصباح هبطت جهان تشرب الماء عمرت كاسها شربت رجعاتو...فتحت الfrigidère لقات الماكلة تاع موقبيل مازالت شوية جبدتها سخنت واش تاكل فالmicro onde جبدت الخبز و قعدت تاكل بلعقل حتا حست بيدين تحطو غمولها على فمها و نيفها😧 حطت يديها عليهم تسيي تنحي والو اومبعد ناضت مالكرسي ضربت اللي مروراها بالكود (مرفق؟!)لكرشو فور حتى طلقها دارت تشوف شكون لقاتو خوها جهاد يتوجع من الضربة تاعها

جهان : واش راك تدير خلعتني...عجباتك روحك هكا قريب قتلتك.

جهاد : جيت نسييك قريب قتلتيني.

قعد يتلوا و يتوجع حتى دخل ادم يلعب بالمفاتح في يدو.
ادم : سلام عليكم
جهاد و جهان : وعليكم السلام

ادم : شبيك خو وشبيك غي الخير
جهاد : والو رحت نلعب معاها قريب خرجتلي مصارني
جهان : و نتا هكاك تخلعني حسبتلي كاش سراق🙄