حب❤بعد⬅️الزواج💍الجزء 2

🎊 الحلقة 19 🎊

👰يوم العرس🤵

راحت جهان للحفافة على الستة تاع الصباح مع البنات كامل تاع الدا راحو معاها بصح ليليان nn بسك مسكينة فالليل راحت مع خالتها ميرا لدار مريم(جدتها) باش يوقفو شوية مع دار لعريس كيشغل في pلاصة يماها و يتلاقاو فالكورتاج.

في دار لعريس كيف كيف راحت ليليان مع رانيا و البنات اللي لتم ( حفيدات خاوة ادم) و لافامي من بعيد

على الوحدة و زيادة كانو كامل فاطرين و موجدين رواحهم كامل.

جهان قاعدة فالla chambre لفوق مع لبنات اللي قدها كامل دايرين بيها يgسرو ينقصو عليها الستراس كي قريب يوصلو بعتتلها رانيا msg و هي قالت للبنات هبطت رزان خبرت الكبار طلعو عائلة جهان الصغيرة (خاوتها و والديها) و البنات لوخرين هبطو جهان كانت تسيي تشد دموعها بصح ماقدرتش غير شافتهم دخلو ليها بداو دموعها يهبطو وحدهم تقدمو ليها ادم و لينا الاولين عنقتهم في زوج فنفس الوقت لينا حالتها هي و روان ماتقلش على حالة جهان دايرين حالة بالكاء اما ادهم و اااه من ادهم عينيه حمورة دلالة على الموع اللي راهو يسيي يحكمهم بصح ماقدرش هادي الغالية هادي بنتو الالوة هادي فرحتو فالحياة راح تروح و تخليه راح تعيش بعيدة راح ينوض صباح و مايلقاهاش للحظة كان راح يحبس كلش يقول بنتي تقعد عندي تكمل حياتها عندي بصح مايقدرش خلاص بنتو ولات ملك عبد وحدوخر هو راح يكون سبق بالحكم فيها من باباها اسمها ولا على اسم شخص وحدوخر

قعدو دقايق هكاك معنقين بعضاهم جاز عليهم فيها شريط حياتهم كامل كي سمعو بللي لينا بالجوف...كي زادو التوأم كي هدرو اول كلمات ليهم كي خطاو ازل خطوة ليهم.....ادهم صح عندو 4 اولاد بصح جهان ماتتعوضش هي كانت راحتو فالدنيا.
بعدو على بعضاهم و هوما كامل يبكو اللي يشوف حالتهم فهذاك الوقت يقول حرام نفرقو عائلة متماسكة كامل هكا بصح...واش نديرو هادي هي سنة الحياة

بعدت جهان من حضن يماها و باباها و فتحت يديها لخاوتها جراو عندها روان و مروان عنقوها و زاد جهاد مشا لعندها بخطوات ثقيلة رايح عندها هادي ختو و توأم روحو راح تفارقة اليوم صحيح كاين اوقات وين يكون الاخ صعيب مع اختو بصح لوكان تتقاس بشوكة صغيرة ولا كاش واحد يقوللها كلمة راح يكون هو اول واحد في كتافها راح يكون هو اول واحد يرفدها و يحميها من اي حاجة....زادو لحقو عليهم لينا و ادم عنقوهم كانو يبانو شحال متمسكين ببعضاهم قطع عناقهم صوت طوموبيلات يصونيو و بارود يضرب قفزو النساء من صوتو بعدو على بعضاهم بالشوية مسحو دموعهم الرجال سgمو روحهم خذاو نفس و هبطو لتحت استقبلو الجماعة اللي جاو و حتى لينا و روان هبطو قعدت جهان وحدها لفوق خايفة شوية و بدا الصوت يقرب عندها دخلت عندها رانيا و ميرا و ليليان (ميرا وليليان راحو لبارح لعند دار لعريس) يزغرتو سلمو عليها و هبطوها لتحت للsalon وين كانو لتم كامل النساء اللي جاو فالكورتاج و اللي كانو فالدار دخلو و سيرباولهم مالين الدار قرعة gازوز صغيرة (باااردة و ركزولي علا باردة شبعونا بالسخون فالاعراس) مع باطة هي كيشغل تاع حلوة mais فيها ميني بيتزا و les manchons... . و نغس الحاحة مدوها للجال برا تانيك.
قعدو 15min و جا بابات و جد جهان باش يخرجوها كانت لابسة جبة قبايل