ගිම්හානයත් සිසිරයත් ඉක්මනින්ම ගෙවී ගියා. වසන්තය යලි උදා වන්නට ඇත්තේ තවත් දින කිහිපයක් පමණයි.
පෙර ගිම්හානයේ අගනුවර ඇරඹි යුද්ධය නිමා වුනේ ගොර්යෝ රාජධානියට ජය අත් කර දෙමින්. එ්, පසුගිය යුද්ධ වලින් විවේක ගැන්වූ සෙබළුන් යලි සේවයට වාර්තා කිරීමත්, ඉතාම උපක්රමශීලි 'යි' (Yi) කුමරුවන් දෙපලගේ මගපෙන්වීමත් නිසාවෙන්.
නමුත් අවාසනාවකට මෙන් මින්ග් දේශයේ සංචාරයට ගොස් සිටි කුමරුවන් නැවත අගනුවරට පැමිණෙන විටත් මිලේච්චයින් විසින් රජු ඝාතනය කොට අවසන්. වොන්යෝන් බිසව සිය Yeoheung පරපුරේ ආරක්ෂා මැද අගනුවරින් පලා ගොස් සුරැකිව සිටි නිසාවෙන් ඇය පණ බේරාගෙන තිබුනා.
රජුගේ අකල් වියෝවෙන් ඉමහත් කෝප වූ 'යි' කුමරුවන් දෙපල රහසේම සේනා සංවිධානය කර මිලේච්චයින් පරාජය කළා. වැඩිමහල් කුමරු සිය මෑණියන්ගේ පෙළපත් නාමය ගෙන රජු බවට පත් වුනේ 'යි' පරපුරේ අවසානය සනිටුහන් කරමින්.
ඔහු පෙර සිටි රජු මෙන් තැන්පත් තැනැත්තෙක් නොව, ඉතාම දැඩි පාලනයක් ගෙන ගිය දරුණු පාලකයෙක් වුනා. ඔහු කෙතරම් දරුණු අයෙක්ද කිවහොත්, මිලේච්ච ජපන් සේනා නායකයාගේ හිස සහ කඳ වෙන වෙනම මාලිගයේ දොරටු අසල එල්ලා දමා දින ගණනක් එය මහජනයාට ප්රදර්ශනය කළා.
කෙසේ වුවත් ඔහු ඉතාම විචක්ෂනශීලී පාලකයෙක්. රාජ්යයේ සේනා තර කිරීමට වැඩි උනන්දුවක් ගත් ඔහු, දේශ සීමා ආරක්ෂා කිරීමට බොහෝ සෙබළුන් යෙදුවේ ඉතිහාසයේ සිදුවූ දේ නැවතත් සිදු නොවිය යුතු නිසාවෙන්.
එමෙන්ම කඳුකර හා ගම්මාන වල සැඟව සිටි කොල්ලකරුවන් ඝාතනය කිරීමට අණ කල ඔහු, එසේ රැගෙන එන සිරුරුද මාලිගය ඉදිරියේ කැබලි කොට එල්ලා තැබුවේ දැඩි සිත් ඇති සෙබළුන් සේම මහජනයා පවා බියෙන් සලිත කරමින්.
දෙවැනි 'යි' කුමරුද සිය සොහොයුරාගේම අඩි පාරේ යමින්, ඔහුගේ මෑණියන්ගේ පෙළපත් නාමය ලබාගෙන, සිය සොයුරාගේ අණ ක්රියාත්මක කිරීමට නොමද සහයෝගයක් දුන්නේ රාජකීය හමුදාවේ ප්රධාන සෙන්පති වෙමින්.
රටේ තත්වය එසේ පැවතියත් අන්දොන් ගම්මානය නම් තිබු ලෙසම නොවෙනස්ව පැවතුනා. ගම්වැසියන් පෙර සේම සිය එදිනෙදා කටයුතු කරමින් දිවි ගෙවන්නට වුනා. නව රජුගේ නව නීති වලට යටත්ව ඔවුන් පෙරටත් වඩා හොඳින් කාලය ගත කරන්නට වුනා. නමුත් ගමේ සිටි දෙදෙනෙකුට නම් මේ කිසිවක් සතුටුදායක වුනේ නැහැ.
YOU ARE READING
Our Destiny | SOPE / Namkook
Fanfictionආදරය සුන්දරයි..වචනෙන් කියන්න බැරි තරම්.. 🌸 ආදරය ආත්මීයයි... සමහර බැඳීම් සංසාරිකයි... 🌸 ඉතින් අහමු ඔවුන්ගේ ආදරයේ කතාව 🌻🌻🌻🌻🌻🌻🌻🌻🌻🌻🌻🌻 Warning !!!!! • BTS ships • boyxboy | boylove (bl) • SOPE • Top Yoongi | Bottom Hoseok • Namkook ...