وأختاره قلبي

بارت ١

دك دك دك ( نبضات قلب سريعة )

نبضات قلبي تتسارع اشويه اشويه احس انفاسي راح تخلص

قلقة ومتوترة راح تطلع نتيجة البكلوريا هسه ... اريد احقق حلمي وادخل كلية الصيدلة الحلم الي من الطفوله وياي عايش . تعبت ودرست وبذلت كل جهدي اتحملت المرض و المشاكل كله في سبيل احقق حلمي يا رب لا تضيع تعبي .

اسمع صوت عاالي : مبروك مبرروك نجحتي ايه نجحتي وحضني

هنا اني ما جاي اصدك اهلي فرحانين اخويه محمد حاضني

محمد: حبيبتي اخيرا خلصت كل المعاناة حلمج صار بيدج

وامي تهلهل و اختي طيبة حضنتني و تبجي والبيت كوله فرحان

امي تخابر ابويه تبشره . اني وكعت بالكاع و ابجي اخيراا الحلم صار حقيقه وصلت للشيء الي طول عمري اتمناه حمدت الله وشكرت .

مرحبا اني اسمي ايه طالبة سادس علمي جنت اعاني من اني صغيره مرض بالقلب مزمن وعايشه على الأدوية والحمد لله رغم كل شي صعب مريت بي من بهذلت المستشفيات و الغيابات مال مدرسه صعوبة الدراسة والجهد حته انجح بالنسبة الي بسبب المرض عدت السادس مرتين يله نجحت اخيراا خلصت . جان حلمي ادخل صيدلة اخيراً راح اكدر ادخله والحلم صار حقيقة .

حظرت كل شي وحيل فرحانه اخويه محمد اكبر مني ب٤ سنوات وهو خريج قانون كان داعم الي من بعد امي وابويه وصديق مقرب الي اكثر من مجرد أخ كان دائماً نصوح الي وسند حقيقي ، اخذني اخوية محمد للجامعة علمود اجراءات التقديم و قبول بالكلية و الحمد لله كل شي تمام انقبلت بالجامعة وجنت اريد اتحضر بعد للدوام ما باقي كم يوم . وحيل فرحانه بالقسم و الجامعة وكل شي داومت اجواء الجامعة حلوه كولش الحدائق الي بيه و الطلاب مجموعات واكفين ويسولفون ويضحكون ومن كل الاقسام المختلفة الإنسانية و الطبية.

كل شي جديد عليه اني طبيعتي جداً هادئة و خجولة بس اجتماعية بنفس الوقت بشي طبيعي جنت متوجهه لقسمي فأكو ابنيه عثرت و كتبه وغراضه اطشرن بالكاع اني نزلت وساعدته اول ما شفته حسيته مثلي ونفس طبعي سبحان الله وجه مليان براءة فحبيت اساعده من لميت بغراضه عرفت هي من قسم القانون هم جانت مثلي ما تندل كولش زين بالكلية فاني وياها مشينه سووه و نتعرف على بعض اسمه مريم و حالياً هي من اعز صديقاتي .

مر اول يوم وجان كولش حلو المختبرات شفتهن و الدكاترة جداً لطيفين الطلاب جانوا جداً محترمين ومثقفين وايضاً لطيفين كل شي حلو قرب وقت الدوام يخلص اخويه محمد اتصل عليه واجه يأخذني بالسيارة سولفتله كل شي واتفاعل وياي بشكل جميل وسولفلي اول يوم اله بجامعته شلون جان و كام يذكر و يضحك و يسولف وياي وانطاني نصائح تفيدني بحياتي الجامعية بعتبار جو جديد علية ولان يخاف عليه.

رجعت للبيت امي شافتني سألتني شلون جان يومج خوما تعبتي أدويتج اخذتيهن سولفتله وحيل فرحانه حسيت روحي طفل اول ابتدائي وجاي يسولف لامه شلون جان يومه رجعني هذا الموقف لذكريات الطفولة الجميلة ذكريات كلنه مرينه بيه اول يوم دوام بالابتدائية من نرجع فرحانين و نسولف ، اتغديت و كملت و رحت صليت و قبل لا انام شفت رسالة من مريم و سولفنه اشويه وراها نمت و كعدت العصر راجعت المحاضرات و اتحضر لباجر لان دوام .