مر أسبوع من خلصت الإمتحانات مراسلات ويه البنات طلعات ويه الأهل محمد ياخذنه اني و طيبه مره للمول مره لبيت كرايبنه ارجع اما انام لو اراسل البنات ما جان اكو يوم يمر اذا ما محمد امطلعنه و امونسه بي سميناه الاسبوع الذهبي لان محمد قرر ينطي لنفسه اجازه و اضافه الى احنه خلصنه امتحانات ... اخر يوم بهل اسبوع يوم سبت رجعنه من المول ب١١ تقريباً بليل رحت صعدت بغرفتي بدلت و خلصت و رحت اتمدد على السرير واشوف شكو ماكو كالمعتاد ، بس هل مره اكو شي مختلف رسالة من حسن جايتني
حسن : مساء الخير انسه ايه شلونج ؟
اني انتبهت للوقت الي واصلني المسج بي ب٩ بليل واني شفت المسج ب١١ كلت ما ارد عليه لان زحمه دنيا ليل وكذا فردت اجله على باجر ارد عليه.
جان وره عشر دقايق يرجع يرسلي
حسن : اعتذر على الازعاج بس اذا عندج وقت ممكن تردين عليه ؟
كلت خلي اشوفه شنو يريد بس احجي وياه برسميه
اية: مساء الخير ، الحمد لله بخير وانت ، اي اتفضل ؟
حسن : ماكو موضوع مهم بس حبيت اسأل عنج . اتمنه ما يكون عندج اعتراض انسه ايه ؟ ( جان امبين يشاقه ويريد يفتح موضوع بس لان الوقت متاخر ما ردت اطول بالسوالف وياه )
اية : طيب اتفضل ، شنو المطلوب مني ؟
حسن : صاير وياج شي ؟ ( حسيت ضاج مني او استغرب لان رديت هيج عليه )
ايه : مثل شنو ؟
حسن : ما اعرف اني اسأل ؟
ايه : لا ماكو شي بس راجعه تعبانه واريد انام اعتذر منك .
حسن : اوك اعتذر على الازعاج تصبحين على خير ...
ايه: وانت بخير .
انتهت هل محادثه القصيرة بس حسيت الم صار بقلبيي ، فعلاً جنت مشتاقتله وفرحت من شفت رسالة منه اخيراا بعد اسبوع يله راسلني بس الوقت مجان مناسب و اني اعرف قسيت عليه بالكلام او حاجيته بعجرفه بس ما اريد اجازو الحدود الرسمية وياه بالذات هو اريد اضل محافظه على هل حدود بينه الى ان اعرف حقيقة مشاعري اتجاها . بس ضليت افكر بي واراجع هل محادثه القصيرة واذكر كل اللحضات الي جمعتنه سوه وقلبي ياذيني معقوله فعلاً اني واكعه بحبه ؟ هو هذا الحب ؟ هو هذا الي يسموه ألم الحب و البعد ؟ وسط زحمة أفكاري سمعت صوت ....
ررررن ررررنن ررررررن
اباوع مريم تتصل
اية : هلا حبي مريوم
مريم : لا جذبين عليه صاير شي وياج ؟
اية : شنو شكو ليش دتحجين هيج ؟ ( وضحكت )
مريم : ايه اصدكين قبل اشويه اذكرتج و قلبي اذاني سولفيلي شنوو صاير وياج لا تخليني انام و اني قلقه عليج
أنت تقرأ
وأختاره قلبي
Romanceفي الحياة دائماً هناك اختيارات وكل خيار في حياتنا له طريق يتعين علينا المضي فيه ، وتحمل مسؤلية اختياراتنا لنرسم بها مستقبلنا . في مجتمع تتملكه العادات و التقاليد كيف للحب ان يخلق فيه؟ كيف ترسم الاراده مصيرها للتخلص من كل القيود المحتمه ؟ في هذه ا...
