جنون رجل أحب أخته (مكتملة)

الجزء 3

الجزء3💜

💜جنون رجل أحب أخته💜
✏بقلم محبة للحياة

أمير:صاف أنا ديك 50 مليون لي كانت عليا راه مت و حييت معاها وعطيتهالو متانعرفك ماكاتعرفني خرجت من داك لوسخ ماباغي حتى مشكيل ماناقصنيش هاد وجع راس
أبرار:وا نمي أنا كيف غاندير ليها
أبرار:عوم فبحرك ولي دارها بيديه يفكها بسنيه أنا من لول ماكنتش باغي ندخل حتى لقيت راسي تم ما دارت لا بيع لا شرى ماوسخت راسي غير دخلت دفعت لفلوس و خرجت أما نتا لي بديت لخدمة معاهم فراك غرت حتى لودنيك مايفكك فكاك و نتا عارف ديابلو مزيان و الله مايطلقك و نتا خدمتك متقونة
حط يديه على كتف أبرار:خاي راه الحشيش و الغبرة مامعاهمش لعب ورجع شاف فعنيه:و أدهم مامعاهش لعب
أبرار:عارف؟😨
أمير:كولشي تايستناك غير تحرك و إلى ماعلقك من شفار عنيك ماتكونش سميتي أمير

ليلى:هاكي أبنتي شريت ليك تيليفون باش تبقاي تهضري بيه مع صاحبتك
لمار و عنيها غايخرجو من بلاصتهم:هدا ديالي😍😍
ليلى:أه ديالك أبنتي بصحتك راه دارت ليك فيه نمرة و دخلتليك الأنترنيت
لمار:شداه بين يديها تيليفون عمرو كانت تحلم يكون عندها معارفاش بيلا هداك أيفون 7 لمهم تايبان ليها تيليفون زوين و باين عليه غالي
لمار مداتو لليلى و بحماس نطقت :وريني عفاك😍
ابتاسمت ليلى :أجي نوريك
جلست قدامها تتعلم ليها كيف دير تخدم بيه ولكن بنسبة للمار بحال تاتخوي الما فرملة مافاهماش كااع ديك لكتبة ماعارفة أحرف  غير الأرقام لي حافضاهم من 0 حتى ل10 جالسة تاتشوف فتيليفون باندهاش

يمكن أمر غريب رغم أن الشخص كايكون أمي إلا أنه كايجيد استعمال لهواتف الذكية لا و بكل سهولة يقدر يكتب رسائل باستعمال الأحرف حيت على الأقل كايكون مدرك للأحرف الأبجدية ولكن لحالة لمار فهي ماتلقات حتى تعليم ولا حاولت تستعمل الأجهزة الذكية بحال الهاتف فأمر عادي أنها تلقى صعوبة هي تاتعرف تكتب أربع كلمات و لي علمتها كوثر بيهم باش تاتشكل إسمها ل م ا ر 

لمار:مامي خلي هادشي من بعد عقلي متايستوعبش و ريني غير فين نكتب نمرة كوثر باش نبقى نهضر معاها
ليلى:هاني بنتي شوفي و عقلي مزيان
بعد محاولات من ليلى أنها تعلم الخطوات لي خصها تبع لمار باش  تصوني على كوثر  قدرت تستوعب لمار هادشي شادة داك تيليفون و تاتضحك الفرحة باينة من عنيها

أدهم جالس فجردة تايكمي حاط يديه على ذقنو تايدوز على لحيتو حتى قشع أبرار داخل هو و أمير
أدهم:أبرار  أجي لهنا
بلا تردد زاد أبرار بخطواتو قصد أدهم لي كاين باين عليه معصب وقف تاينفض على كسوتو و بلا كلمة جمع قبضتو و عطاه نيشان للكرش حتى هاد لأخير رد دم من فمو
لمار لي كانت دايزة غير شافت هاد المنظر مشات تجري قاصدة المجهول أهم حاجة تجيب شي حد لي يفك أبرار من بين يدين داك لوحش
مالقات فطريقها غير ليلى وقفت عليها وجها صفر ماقادراش تنطق شدت فيديها تتجرها جيهت جردة
ليلى:😨مالك لمار شنو واقع فين داياني؟
لمار:أبرار😭
ليلى بخلعة:مالو أبرار واش واقعالو شي حاجة ؟
بلا رد جرتها لجردة وغير شافت ليلى حالة ولدها تخلعت
ليلى عارفة مزيان بيلا أدهم تابع خوتو حاضيهم و تايتحكم فيهم ويلا شافهم دارو الغلاط تايعقابهم ولكن عمرها شهدات ليه تايضربهم او كايعنفهم عمرو حاولات دخل ولا تمنعو حاطة تقتها فيه و ملي عارفة بيلا مروان فخبارو و هو لي عاطيه الصلاحية باش يدير فخوتو لي بغا ضنت بيلا داك القرار صحيح
أدهم هو أكثر واحد فولادها مامداخلاش معاه بحكم ماترباش تحت يديها فراغ كبير بيناتهم هو كيحتارمها و يبغيها كأم ولكن ماشي لدرجة حبو وحترامو لباه لرباه و كبرو
عارفة بل متأكدة من هادشي هي كذلك وخا حاولت و لكن كايبقى حبها و تميزها لأبرار و أمير و وليد  أمر محتم
حيت هادو ليقدرت تكبرهم و تعطيهم الحنان لي عاشت معاهم كااع مراحل نمو ديالهم هاد الشيء لي كان شكل مشكيل عند أدهم و عمران فصغرهم لدرجة أنهم بداو يكرهوها
ولكن مع مرور سنين ستوعبو الأمر و فهموه فبقات بنسبة ليهم غير ذكريات و متيقنين بيلا أمهم كاتبغيهم و داك التعامل أو الفرزية شيء عادي ماشي استثنائي
بدون و عي توجهت مباشرة عند أدهم جراتو من تريكوه تاتشوف فيه بعصبية
ليلى:ماضربوش شنو دار ليك مسكين 😢