جنون رجل أحب أخته (مكتملة)

الجزء 5

الجزء5💜

💜جنون رجل أحب أخته💜
✏بقلم محبة للحياة

تحركات طيارة معلنة على بداية الرحلة لمار تاتفرج مع السرجم و الفرحة باينة من وجها
دارت عند أدهم لي كان مسترخي بهدوء ماعرفاتو واش ناعس و لا فايق ماهتماتش ليه و بقات جالسة فبلاصتها تادور فعنيها بين ناس
مدة ديال الوقت و الملل بدا يدخلها طيبها لجلوس فلكرسي بغات تحرك و ماقدرتش
شافت فأدهم لي حل عنيه و استاقم فجلستو متبعة حراكتو هو لي كان طلب مضيفة طيران
أدهم تايتكمل معاها بلونكلي:طلب لما وشاف فلمار :تاكلي شي حاجة ؟؟
لمار هزت راسها بنفي:بغيت نشرب
شاف فلمضيفة بمعنى جيبي داكشي لي بغات
رجعت من بعد دقائق  مدت لما للمار و لأدهم تم غادرت
ساعات او هوما فسما حتى استقرت بيهم طيارة فمطار أمستردام
ناضت من موراه شادة فتريكوه خايفة لايهمل عليها فوسط ناس

وقف لعند واحد من رجالو هز من عندو لكونطاكط ديال لوطو و جر معاه لمار حط لي فاليز لور و هي ركبت لقدام
جو جديد و ناس جداد حاسة بكولشي غريب قدامها طريق كولها و هي تتشوف فلبنايات الناس المحلات و طرقان ماحست حتى وصلو لدار لي خداها منصف و وصا عليها كاينن بستيل الأوروبي ولكن زوينة

حط ليها فاليز فأحد الغرف و رجع لعندها
جرها للكوزينة:هافين كاينة الماكلة الى جعتي كولي منها أنا غانخرج نكمل شغالي يقدر نتعطل عليك ماتعتبيش باب دار
لمار:لا نخاف بوحدي😨
أدهم:ماعندك ماتخافي مغايوقع ليك والو غانخلي شي حد يحضي من برا كوني هانية وقبل ماتجاوبو طار من قدامها

ساعات و هي بوحدها مخشية فصالة شاعلة عليها تلفازة تاتلف الوقت بطى عليها أدهم و نعاس غلبها

داخل لدار من بعد ماسالا  الخدمة لي جابتو لأميستاردام بانتلو جالسة و تلفازة مشعولة تاتقاوم فنعاس حتى كاتغمض عنيها و تولي تحلهم
قتارب لعندها تايفيقها:نوضي لبلاصتك و نعسي

عند كوثر فاقت تاتقلب بعنيها على لمار ولكن لا أثر ناضت من لفراش فتجاه دوش من بعد لبست عليها و جمعت حوايجها  خرجت من لبيت قاصدة لتحت
عمران هز عينو فيها :أجي تفطري
كوثر:ماعليش أنا خاصني نمشي
عمران:لا حشومة تمشي بلا فطور كولي و أنا غانوصلك

حنحن وليد لي كان جالس قبالتو فداخله إحساس غريب منزاعج باهتمام عمران
بنظراتو متبع كوثر لي جلست كتاكول بحياء لقمات خفاف و وقفت باغية تمشي كاتحجج بماماها
عمران هز تيليفونو و الكونطاكط :غانوصلك فطريقي

وقف وليد باين الإنزعاج عليه باغي ينطق يهضر و يبوح بداكشي لي فداخله يقولو أنا نوصلها و لكن ماقدرش بأي صفة و هو ماعارفش علاش و كيفاش متملكو هاد الشعور باغي يهتم بيها بوحدو و حتى حد ما يتقرب منها و لو كان خوه