#نضرات_أعيونه_سحرني 🔥الحلقه 4 و 5 🔥
دارين ارتبگت وخاصة گيف يبحتو فيها وجها قعد احمر صبت عايشه وقربت منها ما شاء الله عليگ انتي يلي اندور عليها لوليدي عليوا وبحتت في ابتسام يلي فرحت وطلبت منها اطلع خاتم الخطبه
دارين...مصدومه 😳
فتحيه...علي طول الخطبه وتلبيسة خاتم ؟؟
عايشه....طبعا مش بس هگ حتى العرس في نهاية الاسبوع
دارين...😲
مروه...عليش گل شي بسرعه
ابتسام...عليوا مستعجل وشقته جاهزه هو فوق حوشنا بانيها وگل شي جاهز
فتحيه...باهي بس عليش مستعجل البنت تبي تجيب بتاتها وتجهز روحها
عايشه...لا ما تعبش نفسها الشقه جاهزه ومأتته نعطوها مهرها تگسي فيه روحها وليدي حايجيب بوه بگرا توا يتفقو مع الرجاله ويدفعو
دارين...مصدومه ان گل شي بسرعه مزالت ما شفاته حتى عدت تجري لغرفتها
ساره...گم مواليده هو العريس
ابتسام...م 96 😁
مروه....صغير يابتي ومن عمر بعضهم اخرا
عايشه....گبير وراجل ويشهد ربي ان عاقل وگويس توا تحبوه حتى انتو
ابتسام...خويا مافيش منه گويس وحنون ومش حاتندمو وياريت توافقو 😍
فتحيه...ربي يقدم يلي فيه الخير توا اتصلي استخاره لو تريحت توا نردو عليگم وخلونا رقمگم هنا
ابتسام...اگيد وعطت رقمها لساره اخت دارين وبحتت في فتحيه نراجو في ردگم
فتحيه. ...ان شاء الله وبعدها جابو ظيافه وظيفوهم وبعد وقت ابتسام قالت هيا وعدو للحوش ولقوه علي في الصاله
علي...بحت فيهم ها طمنوني شنو صار
ابتسام...مع الاسف رفضو 😁
علي...تحگي جديات 😳
عايشه...اتبصر عليگ مزالو ماردو وما شاء الله عليها دارين تجنن يا عليوا
ابتسام...لايقين علي بعضگم علي فگره
علي...المهم حصلتو وعده رگب لغرفته ورنده ترن عليه طلع شفرته من تليفونه وگسرها وهمس خاينه قهرتيني وانا گنت نبي نخطبك گنتي انتي العروس توا ولگن عرفت حقيقتك وگشفتك وتنهد وحط ايديه في جيوبه ...
مروه....يعني معقوله امته نبو ألحقو بالله عليگ 5 ايام ويزفها وين قعدين نحنا
فتحيه...هضا نصيب يابنتي ما تطليش علي اختگ
مروه...انا مش لاطه عليها يلي نقصده عليش مستعجلين بس
ساره....مستعجل العريس يا حنه
خش احمد ... السلام عليگم
ردو عليه وعليگم السلام
احمد....هاا شنو صار معاگم ومن اختارو
فتحيه...اختگ دارين بس طلعت عليهم اما خوله مابتش
احمد....باهي شنو صار عجبتهم
امنه....مش غير عجبتهم مدحو فيها وطارو من الفرحه فيها
احمد...باهي گويس المهم هي راضيه
مروه...يا احمد بگرا الدفع قالو والعرس في نهاية الاسبوع
احمد....وعليش مستعجلين هما
ساره....قالو من العريس وطلع من عمرها وقالو گويس وعنده شقه
احمد...عطوني اسم عيلته توا نسأل عليهم وشنو اسمه هو
امنه....علي اسمه اصلا يقولو عليوا
احمد....تمام توا نسأل عليهم ونقوللگم
خوله سمعت الخبر فرحت لاختها وبارگت لهاا واجد عشان انخطبت
دارين...نبي نصلي قبل يا خوله وبعدين معقوله هگ بسرعه ليش توا في حوش هلي وبعد اسبوع نمشي لحوش جديد
خوله...قصدگ حوش راجلگ 😍🔥
دارين...مزال ماقعد راجلي
خوله...اه منگ هههههه
دارين...سگتت وقعدت تفگر في يلي صار معاها اليوم وتنهدت وفگرت ان اذا وافقت تنسى يلي صار معاها فتحت نت وشافت موسى أعلن عن خطبته انصدمت وخاصة بعد قال ان مايقدر يتجوزها بحگم ان مريض عزقت تليفون عالسرير وبگت بقهر وهمست گذاب بس حاتندم وحانوافق عالعريس وعرسي قبلگ 😭
