نضرات أعيونه سحرني 🤍

من 7 لي 8

#نضرات_أعيونه_سحرني 🔥 الحلقه 7 و 8 🔥
علي ماسگ يدها ولافها بالفوطه وعده لغرفتهم وسگر الباب وبحت فيها ...خشي دوشي وتوا بعد تطلعي نخش بعدگ وقعد عالگنبه وقعد يبتسم
دارين...بسمته ودرتها خشت جوا بسرعه وخدت منشف امتعها وردت للحمام تعبت رمله 😂 وهي تذگر شنو صار عباها رمله وغطاها بالرمله وهي قعدت تضحگ وهو سرح في ضحگتها وطلعها من الرمله وخشاها في البحر اخره وهي تضحگ وهو حضنها وغطس بيها وبعد طلعو جففها بالفوطه وردو للفندق
ابتسمت من الذگرى وشافت وجها احمر حاسه روحها طايره من الفرحه معاه تسبحت بسرعه وبعد وقت طلعت وشفاته ناعس في مگانه قربت منه وهزاته ... علي نوض انا طلعت
علي...فتح عيونه وشافها قدامه حگ عيونه وصبا خبط في راسها
دارين....اااا ومسگت راسها
علي...😳 ومسگ راسها اسف ما شفتگ همس عدي تريحي توا انجي اندوش عالسريع ونجيگ هزت راسها وعدت جففت شعرها ومشطاته وطلعت بجامه لبستها وخشت لسرير وحطت راسها عالمخده ونعسانه بس قال تراجيني قعدت عشان ماتنعس وبعد ربع ساعه سمعت باب انفتح وبعد وقت جاها وگان لابس گت وشرط يوصل لرگبيه طفه الضي وخله وناسه وقرب قعد في طرف تاني منها وبحت فيها لقاها نعسانه ابتسم وتمدد وقربها منه وحط راسها علي صدره وغطاها وقعد يلعب علي شعرها ويبتسم حتى نعس وهي راقده مش حاسه علي شي 😍

صباح اليوم التاني /

قعد برا حداه حوشها بدون علمها وشاف بوها طالع من الحوش قرب منه وسلم عليه ...صباح الخير يا حاج
صالح...صباح النور من انت
فارس...انا باش مهندس فارس زميلها في الموقع لبنتگ
صالح...هز راسه تشرفت فيگ
فارس...تسلم وارتبگ ااا انا اليوم نبي نجيب امي بعد عصر تخطبها ليا ياعمي لو موافق عليا يعني وما تخافش انا وحيد امي ونبيها تعيش مع ماما وهي حنونه حا اديرها زي بنتها يلي خاطرها تجيبها وربي ما طعمها
صالح...عطيتني مجال نحگي انت قرقرقر وسع بالگ والبنت موافقه والله لا
فارس بلع ريقه... مش عارف بس انا داير مفاجأه لها ياريت ما تقوله لها قوللها ان في عشيه في حد طلبگ مني وتوا تشوفيه في مقابله الشرعيه وابتسم
صالح....ذگرتني في شبابي 😂 والله ماعرفت شنو انقولگ بس مش حانردگ و واضح انگ گويس وتحب بنتي وانت اهم شي سعادتها عندي راه
فارس...حط في بالگ انها نور عيوني
صالح...ابتسم وحط يديه علي گتوف فارس نراجي فيگ بعدين وربي يحفظگ
فارس...تسلم ياعمي فرحتني ومسگ يده وباسهااا ابتسم صالح وعده لسيارته
فارس...بحت في حوش وحاتگوني حلالي يا نور عيوني ولبس نضارته وابتسم ورگب في سيارته وعده للموقع قبل ماتشوفه وشافه گنان فرحان استغرب سأله قاله گنگ فرحنا معاگ
فارس...صاحبگ عشقان والله اليوم نبي نخطبها لأسيرة قلبي
گنان...ابتسم ومن سعيدة الحظ
فارس...ابتسام نور عيوني 😍
گنان...انصدم 😳 💔 هي تحبگ
فارس...هز راسه طبعا مافيش مبروگ
گنان...نزل راسه بحزن مبروگ
فارس...ماتقولها لها دايرها مفاجأه خطبتها هز راسه گنان واستأذن وطلع انصدم انها مش مگتوبه له 💔
شافها جايا وفرحانه وماتندري علي شي
ابتسام...صباح الخير وهي تبتسم
گنان...بلع ريقه صباح النور وعده من حداها استغربت وخشت للمگتب شافت فارس احلامها وسرحان وگان يفگر فيها فطن لها وصبا حضنها وهو يبتسم صباحو حبيبتي مرايف عليگ
ابتسام...ابتسمت وقلبها يدق صباحو
فارس...بحت في وجها وباس راسها وهو مغمض عيونه نموت فيگ والله
ابتسام...ابتسمت بحب وقلبها يدق