فاتنتى السمراء❤

فاتتني السمراء ❤

فاتنتى السمراء❤
البارع الخامس عشر❤
صلة على الحبيب💜

صوت صرختها لسه صداه ف عقله مش قادر ينسى ابدا منظرها وهى بتنزف بين اديه عيونها وهى مطفيه من لمعتها ملامحها البريئه وهى مشوهه بالكدمات الزرقا جسمها وهو فاقد للحياه بين اديه سكونها بعد مكانت مصدر ضحكته وبهجته ف الحياه وجع رهييب وذكريات كان بيحاول يتناساها بس للاسف بيرجع يفتكر ويتوجع من اول وجديد
فاق على صوت
لوسمحت يافندم فى واحده عوزاك براا ..

رفع راسه وبصله بتوهان : دخلها وهاتلى قهوه غير دى

تمام يافندم

دخلت رؤيه متوتره ومش عارفه تعمل ايه بس للاسف مافيش غيره هيقدر يساعدها اخوها وف المستشفى ومعاه اهلها خايفه حتى تروح تشوفه استجمعت شجاعتها ودخلت

عمر: شوف الانسه تشرب ايه؟؟

رؤيه : شكرا مش عاوزه

عمر: قهوه ليا وليمون للانسه اتفضل

بصلها وهى اتوترت اكتر ومش عارفه تبدأ منين او ازاى !!!

عمر : سامعك اتفضلى محتاجه ايه؟؟

رؤيه: بصراحه انا عارفه ان الموضوع ميخصكش بس مافيش غيرك هيعرف يساعدنى محتاجه مساعدتك جدا حمزه بيهددنى ب ..ب صور ليا وفيديوهات معاه وبيقول هيبعتها لأهلى وانا مش عارفه اعمل ايه ولو حد عرف هيقلتلونى اهلى صعايده ومش هيرحمونى

عمر : صعايده اممممم وكل دا ومحدش ملاحظ عليكى حاجه خااااالص تغيرك شكل وشك وهو متبهدل كدا اى حااجه يعنى اكيد خافيه الكدمات بس اكيد بتبان ف البيت

رؤيه:اصل ....اصلهم مش موجودين اخويا عامل حادثه وهما معاه ف المستشفى

عمر: اشربى العصير واهدى كدا وانا هشوف هعملك ايه بس متحطيش امل كتير لان حمزه اكيد مش غبى للدرجه دى انو حتى لو مسكته اكيد عامل حسابه ومعاه نسخ تانيه

رؤيه عيطت: طب والحل ايه؟؟

عمر اتنرفز : الخل مش عاارف المفروض كنتى تفكرى ميه الف مره قبل ماتعملى كدا بس للاسف مغيبه على العموم هفضل على اتصال بيكى وابعتيلى الرقم اللى بيكلمك عليه وانا هتصرف واوعى لو طلب منك تروحيلو تسمعى الكلام مفهوم

رؤيه: مفهوم حاضر عن اذنك

*******