فاتنتى السمراء❤

#فاتنتى السمرا❤
الفصل الثانى❤
#دودى❤
بسم الله ...نبدأ❤
شاب فى اول عمره ف الجامعه بين صحابه قاعدين اول يوم على السلالم
عاصم بيبص حواليه: اشطاااا شكلها سنه عنب ياض يا ادهم

حاتم: اتلم ياعاصم مش كل سنه تعمل مشكله مع بنت اعتبرها اختك يااخى

عاصم : فكك منى انا ماعنديش اخوات بنات حل عنى بقا

حاتم اتضايق: بس انا عندى وبراعى كدا ف لوسمحت احترم حرم الجامعه اللى انت فيه

عاصم: ياعم سيبك ومتع عنييك ماتتكلم ياعم ادهم انت مسهِم ف ايه كدا؟؟

ادهم كل دا مركز على البنوته اللى داخله بتلف حواليها تايهه ف المكان بنوته جميله جدا شعرها قصير وبيضه  راحت ناحيتهم

البنت: لو سمحتو ممكن سؤال؟

عاصم وقف: اؤمر ياجميل

البنت: فين مدرج رابعه لو سمحت

ادهم فاق ووقف: انا هوريكى تعالى

اخدها ومشيو
عاصم بصوت عالى: الله يسهلو ياعم

البنت كشرت: هو يقصد ايه؟

ادهم ضحك ضحكه تخطف القلب: لا ماتحطيش ف بالك داعيل رخم..احم انا ادهم وانتى

البنت ابتسمت : ملك

فاق من ذكرياته على خبط الباب اتعدل
ادهم: ادخل

لمار بصت براسها من الباب: انا ياابيه ينفع ادخل؟؟

ادهم ابتسملها: تعالى ياحبيبتى ادخلى

لمار راحت جمبه وحضتنه: وحشتنى اوى يا ابيه ليه معدتش بتيجى كتير ومعدتش عايش معانا انت بتوحشنى

ادهم ابتسم بحب لاخته يعتبر هى الوحيده وسلمى اللى بيشوفو ابتسامته صافيه
ادهم: هرجع ياحبيبتى ها عامله ايه ف الجامعه

لمار كشرت: الجامعه رخمه نفسى اخلصها بقا واسااافر

ادهم : خلصيهاوليكى عندى اسفرك شهر ف اى بلد تحبيها وهاجى معاكى

لمار صرخت وحضنته: احلى ابييييه ف الدنيا بحالهااااا ..وباسته ف خده