Hello, I'm home. | ✔

၃ | ကိုကိုက ကျွန်​တော့် အနားမှာ..

အခန်း ၃ - ကိုကိုက ကျွန်​တော့်အနားမှာ...

<< Unicode >>

မျက်လုံးတို့ကို တင်းတင်းပိတ်ချလျက် လက်သီးနှစ်ဖက်ကို တင်း​နေ​အောင်ဆုပ်ပြီး တံခါးလက်ကိုင်ကို ကျွန်​တော်လှမ်းလိုက်သည်။ ကျွန်​တော် တံခါးလက်ကိုင်နဲ့ မထိရ​သေးခင်မှာဘဲ ​ချောက်ခနဲပွင့်ဟလာ​သော တံခါး​လေး။ ထိုအသံနှင့်အတူ ဂျိန်းခနဲ ပြိုပျက်​သော အရာမှာ ကျွန်​တော့်ကမ္ဘာကြီးဖြစ်သည်။

ကျွန်​တော် မှန်းထားသည့်အတိုင်း၊ ကြားထားသည့်အတိုင်းပင်။ တံခါးအ​နောက်မှ ​ပေါ်လာသည့် မျက်နှာ​​လေးမှာ ချစ်စဖွယ်အတိ။ မျက်ဝန်းဝိုင်းဝိုင်း​လေး၊ မျက်​တောင်​ကော့​​ကော့​လေး၊ နှာ​ခေါင်းလုံးလုံး​လေး၊ နှုတ်ခမ်းဖူးဖူး​​လေးဖြင့် ကောင်မ​လေးတစ်​ယောက်။ သူမက ကျွန်​တော့်ကို ရည်ရည်မွန်မွန် ပြုံးပြလာပြီး​နောက် အသာအယာထွက်ခွာသွား၏။ ​​နေရာ၌ ကျောက်ရုပ်သဖွယ် ရပ်ကျန်​နေခဲ့သည်မှာ ကျွန်​တော်။ အ​တွေး​တွေက ဗလာသက်သက်။ ဦး​နှောက်တစ်ခုလုံးက ဘာအလုပ်မှမလုပ်​တော့သလို နှလုံးသားတစ်ခုလုံးဟာလည်း ခံစားချက်မဲ့လျက် ဟာလာဟင်းလင်း။

" .... ​ဟေး ? ငါ့ညီ အဆင်​ပြေရဲ့လား ?"

မလှုပ်မရပ်နဲ့ ​​​ဆောက်တည်ရာမဲ့​နေ​သော ကျွန်​တော့်ကို ကြည့်ရင်း ကိုကိုက သူစိမ်းဆန်ဆန်ဆို၏။ ကိုကို့ရဲ့ စိမ်းသက်လှသည့် အကြည့်နှင့် ဆုံစည်းချိန်မှာ ​ကျွန်​တော့်မျက်ရည်များသည် ဆည်ကျိုး၍ ကျဆင်းလာ​သော ​ရေလို ပါးပြင်ထပ်သို့ ဒလ​ဟော အကြမ်းပတမ်း ​လျောကျလာသည်။ သို့ပင်မဲ့ ကျွန်​တော် ရှိုက်မငိုမိသလို ငိုသံလည်းမထွက်မိ ကိုကို့ကိုသာ နင့်နင့်နဲနဲ စိုက်ကြည့်​နေမိသည်။

" ....?? ညီ... ညီက ဟိုတစ်​လောတုန်းက ​ကျောင်းအလာလမ်းမှာ အနိုင်ကျင့်ခံရတဲ့က​လေးမလား! ဘယ်လိုဖြစ်တာလဲ ထပ်အနိုင်ကျင့်ခံရလို့လားဟင် "

ကျွ​န်​တော့်ကို အခုမှ ​ပထမဆုံးတွေ့ဖူးဟန်ဖြင့် ကြည့်လာ​သော ကိုကိုသည် ဒါဟာ ကျွန်​တော်တို့ရဲ့ ဒုတိယအကြိမ်​တွေ့ဆုံမှု ဆိုကိုတာကို သတိရသွားပြီး သူ့အကြည့်​တွေက အနည်းငယ် နူးညံ့သွားသည်။ သို့ပင်မဲ့ အမည်မသိ ဝမ်းနည်းစိတ် အားငယ်မှုများသည် ကျွန်​တော့်ရင်ထဲ တစ်ဖန်လှိုက်တက်လာပြန်သည်။