လရိပ်ဆိုင်ကနေပြန်ရောက်ရောက်ချင်း အိမ်ထဲမှာပြေးလွှားဆော့ကစားနေတဲ့pomeranianအမျိုးအစားခွေးပိစိစိလေးနှစ်ကောင်ကို မြင်လိုက်ရတော့ရုတ်တရတ်အံ့ဩသွားသည်။
"မမ "
မိုးကခွေးပိစိလေးနှစ်ကောင်ကိုချီကာ သူမအနားရောက်လာသည်။
"မိုး သူတို့ကမိုးဝယ်လိုက်တာလား"
"ဟုတ် ချစ်ဖို့ကောင်းတယ်နော်မမ "
"အင်း တို့ချီကြည့်ရအောင်"
မိုးလက်ထဲကခွေးလေးတစ်ကောင်ကိုယူလိုက်သည်။မိုးပြောသလိုပဲ ခွေးလေးကပိစိလေးနဲ့ချစ်ဖို့ကောင်းပြီးအသဲယားစရာကောင်းလွန်းလှသည်။
"မမလက်ထဲက ကလေးကjumo မိုးဆီကကလေးကjuno ဒီကောင်က၇သိန်းခွဲပေးရတယ်မမ"
လရိပ်မျက်လုံးပြူးသွားသည်။နှစ်ကောင်ဆိုရင်၁၅သိန်းပေါ့။ဒီခွေးပိစိလေးကအဲ့လောက်တောင်ပေးရတယ်လား။
"ဈေးများတယ်နော်မိုး "
"အဲ့ဒါပြောတာသမီးရေ ဒီခွေးပိစိစိလေးကို အဲ့လောက်ဈေးပေးဝယ်တာ မိုးကတစ်ကယ်ဖြုန်းတီးတာပဲ ပြီးတော့အိမ်လုံတာလဲမဟုတ်ဘူးဒီခွေးပိစိလေးက"
ကြီးမေကပွစိပွစိမြည်ရင်း အနားရောက်လာသည်။ကြီးမေစကားကြောင့်လရိပ် မိုးအပေါ်အားနာသွားမိသည်။မိုးကတော့ဘာမှမဖြစ်တဲ့ပုံပင်။
"ကြီးမေကလဲ ဒါကဖြုန်းတီးတာဘယ်ဟုတ်မလဲ မိုးကကုသိုလ်ကောင်းမှုလုပ်လိုက်တာပါနော် ဒီကောင်လေးတွေ တစ်ခြားပိုင်ရှင်လက်ထဲရောက်သွားရင် ကောင်းကောင်းနေချင်မှနေရမှာလေ မိုးကသူတို့ကိုမိုးရဲ့သားသမီးလိုသေချာဂရုစိုက်ပြီးကျွေးမွေးစောက်ရှောက်ပေးမှာ ဟုတ်တယ်နော်မမ"
"အင်း ဟုတ်တယ်မိုးကတိရစ္ဆာန်လေးတွေကိုအရမ်းချစ်တတ်တာ"
"မမကလဲ တိရစ္ဆာန်လို့မပြောပါနဲ့ ဒါကမိုးရဲ့ကလေး မိုးရဲ့အသဲတုံးလေးတွေပါ"
"မမမှားပါတယ်"
"ညည်းတို့နှယ်အေ တစ်ကယ်မနိုင်ဘူး"
ပြောပြီးတော့ ကြီးမေထွက်သွားလေသည်။
"ငယ်သေးတဲ့ပုံပဲနော်မိုး"
YOU ARE READING
ကံကြမ္မာစေရာ
Romanceမိုးတစ်ကယ်ထွက်သွားတော့မယ်ဆိုတဲ့အချိန်မှာ လရိပ်ရင်ထဲကခံစားချက်အမှန်ကို လရိပ်သိလိုက်ပြီ...။လရိပ်တစ်ကယ်ပဲ မိုးကိုချစ်မိနေပါပြီ...။လရိပ်ရင်ထဲခံစားချက်ကိုနားလည်လိုက်တဲ့အချိန်မှာ မိုးကလရိပ်ကိုထားပြီးထွက်သွားတော့မည်။ဒါကဘယ်လိုဝဋ်ကြွေးများလဲ...။မိုးဆိုတာသူမဘ...