ဒီနေ့က သောကြာနေ့ဖြစ်သောကြောင့် နီခီ စိတ်ပျော်နေသည် ဘာလို့ဆို နောက် ၂ရက် အတန်းမရှိသည်မဟုတ်လား
အတန်းထဲမှာလည်း နီခီက အိမ်စာတွေကို Breaktime မှာ အိမ်ကယူလာတဲ့ ထမင်းဗူးလေးဖောက်စားရင်း အိမ်စာလုပ်တတ်သည့်လူမို့ နားရက် ၂ ရက်ဆိုရင် တခြားလူတွေ စာတွေလုပ်နေရသည့်အချိန်သူက ပျော်ရွှင်စွာ နားနေလို့ရသည်လေ
အတန်းမှ အပြန် မိုးက သည်းထန်စွာရွာလာသည်မို့ ထီးမယူလာတတ်တဲ့ သူ့ဖို့ကတော့ ပျော်ရွှင်နေတဲ့ စိတ်တောင် ပျောက်ကွယ် သွားခဲ့ရသည်
ဒီနေ့တော့ မိုးရေ ကြီးထဲမှာ ပြန်ရအုန်းမှာပါလား မိုးကလည်း ရွာနေလိုက်တာ
တိတ်မဲ့ပုံ မပေါ်တာကြောင့် မိုးတိတ်အောင် စောင့်ရရင် မိုးချုပ် သွားမည် ဟု စဥ်းစားမိတော့ မိုးရေထဲမှာ ပြေးလို့ လမ်းလျှောက်ပြန်ခဲ့သည်ကံကောင်းသည်က အိမ်ကလည်း အနီးနားမှာ ဖြစ်တာကြောင့်ရယ် လမ်းလျှောက်တဲ့နေရာတွေမှာ အချို့နေရာတွေက အမိုးလေးတွေလုပ်ပေးထားသောကြောင့် သိပ်မစိုလိုက်ပေ
အိမ်ပြန်ရောက်တော့ ညစ်ပတ်နေတဲ့ သူ့ကိုယ်သူ ရေချိုးရအုန်းမယ်
ဒီနေ့တော့ အီသန့်ကို အိမ်မှာမတွေ့ နောက်ကျမည် ထင်ပါရဲ့နီခီလည်း မိုးအေးအေးနဲ့ TV ကြည့်နေလိုက်သည်
အချိန်အားဖြင့်တော့ ည ၉ နာရီရှိပြီ အီသန် ခုထိပြန်မလာသေးဘူး
မိုးက တဖြေးဖြေး ပိုသည်းလာတာကြောင့် အီသန့်ကို စိတ်ပူကာ ဖုန်းဆက်မိသည် ပထမတစ်ခါ ဆက်တော့ မကိုင် ဒုတိယ တစ်ခါထပ်ဆက်တယ် မကိုင်
တတိယ တခါကျတော့ အိမ်ရှေ့က ဘဲလ်တီးလာတာကြောင့် နီခီ အလိုလို
ထရပ်မိသည်'Ting tong ting tong'
ဘဲလ်တီးသံကြားတော့ အီသန်လို့တွေးမိသည် ဒါပေမဲ့ ဒါသူ့အိမ်လေ ဘာလို့ ဘဲလ်တီးတာလဲ ဆိုပြီး ထွက်ကြည့်လိုက်တော့ အခန်းတံခါးဘေးနံရံကို မှီပြီး မျက်လုံးမှိတ်ထားတဲ့ အီသန် !
အယ်လ်ကိုဟောလ်နံ့ တစ်ထောင်းထောင်း နဲ့ အီသန့်ကြောင့် မူးလာတာ ဆိုပြီး သိလိုက်သည်