ملاااذذذ تعالي هنا يا حيوانة من قبيل بنادي فيك مالك م بتردي 😡 اي يا امي والله م كنت سامعاك😭 قومي سريع كنسي البيت دة في ضيوف جايين وانتي راقدة لحدي هسي وارثة ولا شي 😡!! اسفة والله كنت تعبانة من شغل امبارح شديييد عشان كدة نمت و م كنت منتبهة 😔.. خلاص يلا بطلي كلام كتير و قومي خلصي و تعالي سوي الغدا و حممي اخوانك ديل سريع و خشي المخزن دة م اشوف طالعة فاهمة😡. حاضر يمة 😔 .
ملاذ منير 🙋🏻♀️عمري حاليا 18 سنة . م دخلت مدرسة خالص . م حبيت ابقا حمل تقيل على اهلي و فضلت اني احسن اكون في البيت 😔 ..
قمت نضفت البييتتت كلووو م خليت قشة كدة حايمة🐸👋🏻.. و بعداك سويت الغدا عشان الضيوف الجايين ديل 🤦🏻♀️ و عملت كل شي قالتو لي امي .. بعد خلصت اقسم بالله م فضل لي الا اموت🙂👋🏻.. مشيت المخزن💔 ايوا المخزن تصدقو بقعد هناك 🥲 خاتين لي مرتبة في الارض بس في حين انو وضعنا كويس شديييد و حتة اخواني كلهم بنومو في غرف و اي واحد عندو غرفة براه😭 من زمان مظلومة و يعاني شديييد من معاملة اخواني لي و امي كمان انا ابوي اصلا م قعد اشوفو كتير .. لمبة م عندي في المخزن دة💔 بنوم في الارض و عيني للفيران و المصايب كلها ماشة في الارض😭😭 .. لكن دايما بفضل قويية و بقول ربنا معاي و جنبي دايما و عمري م يئست لأنو عارفة ربنا م بضيع حق زول خالص😔 كنت متمسكة شديييد بصلاتي وعارفة انو ربنا حيفرجها و ثقتي في ربنا اكبر من اي شي و منتظرة بس اليوم الحيجي فيه الزول البيطلعني من الظلام العايشة فيه دة😪💔
جو الضيوف و كدة و كنت الحمدلله مظبطة الوضع 🤦🏻♀️ مشيت استحميت و لبست لي جلابية كدة سودا اكتر وحدة بحبها 🥺🖤🖤.. و قلت امشي اسلم على الضيوف 🚶🏻♀️ يلا مشيت و سلمت لقيت امي قاعدة معاهم و تتونس وكدة شغالين لي امي بتك ما شاء الله حلاة الدنيا كلها عليها😂👋🏻🖤🖤.. اختي التانية اسمها رنين الكلام حرقها شدديييد اصلا انا و هي من زمان م بنتفق خالص 🥲 في حين اني بحببهاا شددديييدددد والله لكن دايما هي كانت بتغير مني 😪 .. امي قالت لي ملوذة امشي حبيبتي جيبي العصير مشيت المطبخ🚶🏻♀️ واصلا كنت مجهزة العصير و خاتاه في التلاجة ... لحقتني امي في المطبخ قالت لي زفتة😡 قلت ليها اي يا امي قالت لي أنا مش قلت ليككك م تطلعي من المخزن المطلععكك شنو تطلع عينك😡 و كمان بي كل وقاحة جاية تسلمي على النسوان😡 م خجلانة من نفسك!!! جاية قدامهم عشان يقولو سمحة مش😡 واختك قاعدة جنبهم و ما قالو شي انتي اصلا جاية عشان يقارنوك بيها 😡 كلام امي نزل علي زي الصاقعة💔 قلت ليها امي انا م م م م كان قصصدي كددة والله والله 😭😭 ( بتمتم لمن ابكي 🚶🏻♀️) قالت لي هس ولا كلمة😡 يلا شيلي العصير دة و فزي اعملي اي شي اسقي الشجر البرة دة و اترزعي في مخزنك دة م تطلعي فاهمة😡
مشيت وانا بقشقش في دموعي و عيوني بقت زي الشرار من البكا💔 مشيت قعد في محلي و اتفقعت بالبكا انا سويت شنو عشان يتعمل فيني كدا يا الله😭😭💔 لي لي كدة بس😭💔 لي امي بتفضل رنين اختي علي😭💔 ودايما بوضحو لي اكتر انهم بكرهوني😭 لي كدة انا بحبهم والله اكتر من روحي😭💔 عملت شنو يا ربي عشان تعاقبني كدة 😭😭😭💔.... وانا ببكي كدة بدون ما احس نمت في الارض وانا بتنهد 💔 و خاتة فبالي انو ربنا بفرجها بس💔...
يتبع. ..
