حب التملك

part 10

وائل :* امي حبيبتى وحشتينى *

فاطمه:*يا قلبي وانت اكتر يا حبيبي مبتتصلش كل يوم ليه يا ولا اخص عليك*

وائل:* اسف يا امى مشاغل *

فاطمه :* ربنا يعينك يا حبيبي ويحميك*

وائل:* ماما عوز افاتحك فى موضوع مهم*

فاطمه:* قول يا حبيبي خير في حاجه ؟*

وائل:*انا بحب بنت وعايز اخطبها*

فاطمه:*لولولولولى...اخيرا يا ابن الفقريه هى مين سعيده الحظ *

وائل:* بصي هي يتيمه ومقطوعه من شجره*

فاطمه:* بس يبنى اغلب ايلي زيها كده بيحطو عينهم على عرسان اغنيا و...*

قاطعها وائل:* لا يا امى انا واثق منها بس انا عايزك تيجى تكلميها وتخطبيهالى*

فاطمه:*مدام انت واثق منها ماشي يا حبيبي اهم حاجه عندى راحتك انا هحجز ف اقرب طياره واجيلك*

وائل:* ربنا يخليكى ليا يا امى *

فاطمه:* ويخليك يا ضنايا خلى بالك من نفسك وسلملي ع الولا جاسر *

وائل:* حاضر لا اله الا الله*

فاطمه:*محمد رسول الله*

اغلق الهاتف وقلبه يطير من الفرحه

_________________________________

في الصباح استيقظت ورد واخذت حماما وارتدت ثيابها
ثم ايقظت جاسر بقوه من نومه

جاسر:* صباح الخير*

ورد:* صباح النور....انا هنزل احضر فطار يلا قوم جهز نفسك*

سحبها جاسر قبل ان تقوم من على السرير وامسك شعرها يشتمه

جاسر:* اااااه ياريت كل يوم اشوف الوش ده واشم الريحه دى واسمع الصوت ده*

ورد:* ايه الرومانسيه ايلي بقيت فيها دى يا جاسر بيه*

جاسر:* نمت مبسوط امبارح *

ورد:* طيب يلا قوم نفطر انا جعانه اوي*

قالت وهى تخرج من الغرفه ليرد عليها

جاسر:*ايوه كلي واتغذي عشان بليل*

ابتسمت بخجل وهى تمشي وصلت الى السلم ولكن فتحت نهى الباب

نهى:* صباحيه مباركه يا عروسه*

واحتضنتها بحب

ورد:* الله يبارك فيكى يروحي تعالى ننزل نفطر *

نزلو سويا لتجد وائل جالس على المائده يشرب شاى
ورد:* صباح الخير يا وائل *

وائل:* صباح النور يا مرات اخويا ...صباح الخير يا نهى *

نهى :* صباح النور*

نظرت ورد للأعلى لتجد جاسر يتابعهم من فوق لتعلم انه غار عليها ولكنها لم تهتم
ورد:* جو حبيبي تعال يلا*

سمع جملتها ومشي وهو يريد يبتسم ولكن يحافظ على مظهره سحب الكرسي وجلس وكانت ورد جانبه

وضعت الخادمه الافطار وبدأ الكل ب تناول الطعام
كانت نظرات وائل ل نهي شبيها ب شعاع الليزر اللذي يخترقها وهى تنظر فى الطبق لاحظت ورد ذلك وضربت جاسر بقدمها من الاسفل وتشير بعينيها عليهم
انتبه جاسر وابتسم

جاسر:* خير يا وائل عيونك مش فى مكانها ليه*

توقف الشاى فى حلق وائل واختنق اخذ المياه وتمالك نفسه
وائل:* يعنى هو انا هبص على جمالك يعنى *

جاسر:* لا بس ع الاقل حرك عينك يا اخى سيبلنا من الحب نصيب*

كانت نهى تضحك ووجهها للأسفل
حاول وائل تغيير الموضوع :* صحيح ماما واختى جايين بكرا هتيجى معايا تستقبلهم ولا ؟*

جاسر: وماله نستقبلهم هخلى الخدم ينضفو قوض ليهم*

وائل :* لا مش هيوافقو هيقعدو ف بيتنا وانا هروح معاهم *

قال كلمته ونظر لنهى التى بان عليها الانزعاج

جاسر :* براحتك زى ما تحبم ....انا هروح مشوار صغير وارجع *

قام من على كرسيه وذهب وتبعه وائل بعدما انهى افطاره
نظرت ورد لنهى لتعلم انها حزنت لم تتقبل نهى فكره انه سيبتعد لتجد نفسها تلحق به وتنادى عليه
نهى :* استنى يا وائل*

التفت لها :* خير في حاجه*

نهى:* هو انا مش هشوفك تانى بعد ما تروح بيتك*

وائل:* وعايزه تشوفينى ليه *

نهي بتسرع:* عشان بحبك يا غبيي*

استوعبت فجأه ما قالته ونظرت فى الارض واحمر وجهها :* انا قصدى ان*

وائل:*هششش*

وسرق من شفتيها قبله كانت جامده كا التمثال تشعر بحراره وصدمه

وائل:* متقلقيش هنتجوز وهتشوفينى كل يوم *

قال كلمته وذهب لتحزن نهى فجأه وتركض الى ورد
نهى :* ورد تعالى عيزاكى ف موضوع مهم*

ورد:* خير يا بنتى في ايه؟*

نهى :* انا ووائل بنحب بعض بس*

ورد:* بس ايه*

نهى :* انا مش من نفس مستواه يا ورد وانهارت *

ورد:* وهو ده عذر ايلي بيحب حد بيحبو زى ما هو وبعدين عندك جاسر انا زيي زيك مليش حد ولا اسم ولا بيت وفلوس بس سبحان الله حبنى*

ورد:* اوعى تخلى حاجه زى دى تحبطك وتضيعى فرص من ايدك انتى ربنا خلقك كده وايلي هيحبك هيحبك كده *

احتضنت نهى ورد ومسحت دموعها

نهى :* شكرا يا ورد على كل حاجه*

___________________________

اسفه يا بنات انا بنشغل كتير عشان كده بتاخر شويه بس حابه اعرف انواع الروايات ايلي بتحبو تقروها عشان انزلكم مخصوص 😗❤️❤️❤️❤️❤️