رجع حمدان مع هويدا الشركه ودخل مكتبه ومرجع راسه وعنده صداع جامد
ومتعصب اوي من اللي بيحصل خبطت هويدا ودخلت...
مهتمش بيها حمدان وفضل مرجع رأسه
. هويدا بحزن😔:مالك يا حمدان فيك إيه؟
حمدان بغضب مكتوم:مالي يعني هيكون فيا إيه يا بشمهندسه؟ هويدا:ممم😑
عدل نفسه حمدان
وقال ببرود:انا بخير والله المهم من بكره هنبتدي نشتغل كويس وملناش دعوه بإختيارتهم إحنا اللي هنعمل الشقه تمام؟
هويدا بإبتسامه:تمام
(أبتسم حمدان ليها بلا سبب بس يمكن شايف إن هويدا دايما مبتسمه لي بلا سبب ف حب يجرب الفكره😂تبسمك في وجه أخيك صدقه انت مفكر كده يا غبي وهي بتبتسم لتجذبك😂)
هويدا:تيجي نتغدا بره؟
حمدان ببرود كعادته:اممم لأ للأسف المفروض دلوقتي اروح اجيب أختي من الجامعه.
هويدا برجاء:طب فيها إيه جيبها معانه وبالمره اتعرف عليها انا جاهزه يلا بينا.
حمدان لنفسه:يا شيخه إنتي لازقه كده ليه لا حول ولا قوة إلا بالله😂
نزلوا من الشركه وراح الجامعه يجيب أشرقت.. (عند مراد وصل اللنش هو و وعد كان مجد ويارا موجودين و رن على علي ييجي كان علي قريب منهم في الجامعه وقلبه مكسور وزعلان اوي من اللي شافوا الصبح وكان بيحاول ينسى وراحلهم اللنش قبل ما يتحرك )
عند بوابة الجامعه كانت أشرقت وقفه مع دارين صاحبتها القريبه..
دارين ماجد 19 سنه صاحبة أشرقت القريبه بتحبها اوي بنت محجبه فرفوشه زي اشرقت عندها أخ اسمه يحيى في نفس جامعتهم سنه تانيه كلية تجاره انجليش طويل ابيض عينه بني وسيم جدا ومحترم اوي ومعجب بأشرقت وهي عارفه بس مش مهتمه.
دارين:بس يا ستي فاحنا نحدد معاد نيجي لبعض فيه طالما سي حمدان مش راضي يخرجك. اشرقت:ماشي ياختي ابقي قوليله إنتي بقى. وصل حمدان وكانت هويدا ركبه جنبه.
دارين:مين يا بت البت المزه اللي جنب اخوكي دي؟ 😂😂
أشرقت بتفكير:انعرف بس تلاقيها حد من شركته المهم تعالي قوليله يلا راحوا للعربيه😊
دارين بإبتسامه:أهلا يا بشمهندس اخبارك إيه؟
حمدان بإبتسامه:أهلا يا دارين انا بخير الحمد لله إنتي اللي عامله إيه ويحيي عامل إيه؟
دارين بإبتسامه 😇:كلنا بخير الحمد لله ما تبقى تجيب اشرقت تقعد معايا شويه بقالنا كتير مشوفناش بعض.
حمدان بتردد:طب ما تجيلها إنتي؟
دارين بضحك:هتفضل لغايط امتى ماسك الماسكه دي عليها طيب يا سيدي هاجيلها آنا وهي هتيجي بعدي ماشي؟
حمدان بضحك:ماشي مروحه صح؟
دارين:أيوه هروح كنت مستنيا أشرقت تركب وهروح آنا
اشرقت بإبتسامه:ضنايا والله😂
حمدان بضحك:بس يا تافهه..
خلاص تعالي يا دارين يلا اركبي بيتك في طريقنا يلا متمشيش لوحدك.
ركبت دارين واشرقت ورا وكل ده وهويدا بتسمعهم.
حمدان:اه اعرفكم بشمهندسه هويدا رامي زميلتي في الشركه.
دارين بإبتسامه:أهلا وسهلا.
هويدا بإبتسامه مجامله:أهلا.
اشرقت بمرح:اااااه إنتي اللي باباكي صاحب الشركه صح؟
هويدا بإبتسامة فخر:اه(هويدا كانت شايفه لبس اشرقت طويل وفستان وحست إن ده السبب اللي حمدان مش بيهتم خالص بيها حتى لما كانت بتلبس عالموضه وشافت دارين برضه لبسها يعتبر نفس لبس اشرقت ف حست انها زعلانه اوي هي اه محجبة بس مش بتلبس كده🌜)
وصلوا دارين البيت وطلعوا عالمطعم..
في غرفه دارين رمت نفسها عالسرير من التعب؛ فدخل عندها اخوها.
يحيي:دااااااااارييييييييين.
دارين بعصبيه:يا عم خرمت وداني انجز عايز إيه؟ يحيي بسيطرة:في حد يا بت بيكلم أخوه الكبير كده😈
دارين بضحك:منا عارفه إنت عايز إيه بس أخلص قول عايز ايه؟
يحيي بإبتسامه:أختي فهماني والله الله يحفظنا يا أختاه لبعض😂احم اشرقت إيه نظامها؟
دارين بضحك:إنت اهبل يا حبيبي؟ قولتلك البيست بتاعتشي مش حطاك ف البال.
يحيي بحزن😳:طب حاولي يا دودو بالله عليكي بقه انا مش عايز اكلم حمدان غير أما أخلص جامعه بس عالاقل عايز أشوف إنها عيزاني مش هعافر على الفاضي.
راحت نورا على الشركه ملقتش مراد وراحت على بيته ملقتهوش برضه وموبايله لسه مقفول فحست آخر حاجه خلاص إنه مع وعد واتأكدت من مامته..
(في اللنش اتحرك بيهم وكانت وعد ويارا ومجد مع بعض)يارا ببرود:إيه يا مراد عاش من شافك من آخر مره كنا مع بعض فيها!
مراد ببرود:خليكي في نفسك يا ماما ماشي؟
جه مجد:أيه يا حببتي فيه ايه؟
مراد ببرود:ايه القرف اللي انتوا بتعملوا ده إرجعوا بالزفت اللنش انا زهقت يلا.
جت وعد بإبتسامه مزيفه ماسكه إيد مراد:إيه يا مرادي فيه أي بس؟
علي مش راضي خالص من اللي بيحصل نورا متستاهلش كل ده. 😼
مراد بإبتسامة حرج ومسك ايديها:وعد إحنا اللي بنا انتهى ياريت تفهمي ده مش قادره ليه تستوعبي كل ده؟
وعد بإبتسامه مزيفه:اوكي يا مرادي اوكي يا حبيبي..😒
طلع مراد مع علي في اللنش فوق ومتعصب وقام فتح موبايله لقى مكالمات كتير من نورا ورسايل ومنهم(مراد انت فين؟)
مراد بصدمه وعصبية :اوف كنت ناقصك يا نورا ثم نادى بصوت عالي وعدددددددددد يا مجددددددددددد ياااااااااارااااااااا جوم كلهم بفزع:فيه أيه؟
مراد بعصبيه:دلوقتي نورا لقيتها مكلماني قد كده اقولها إيه بقه؟
وعد ببرود:ومالها نورا ما تقولها كنت مع صحابك ولا خليك كده أمشي وراها لغايط ما تخليك تقطع علاقتك بينا كلنا😏
مراد بعصبيه ومسكها ضربها بالقلم:إنتي عايزه مني ايه ها اقسم بالله يا وعد كلمه كمان وهتصل ب اكرم إنتي عارفه ممكن يعمل إيه.
وعد بقلق:والله طب إتصل كده و هوديك ف داهيه استنى اليومين دول surprise (مفاجأه)
حلوه اوكي اوريفوار Au revoir 😂
ووقف اللنش ونزلوا كلهم منو....
وبسس كده خلص بارت 9 من روايتي حمدان ونورا بقلمي رضوى وائل
استنوا البارتس الجايه في مفاجئات هايله 😂😂❤
Vote please❤
Comment ❤
Writer : Radwa wael
ملكة التميز❤❤
يا ترى بقه مين أكرم ده؟؟؟
ويا ترى مراد هيعمل إيه مع نورا؟
ويحيي هيعمل إيه مع أشرقت طب وعلي هيعمل إيه؟؟
وهويدا هتصارح حمدان إمتي بحبها لي؟
<<كل ده هنعرفوا 😎😎>>
