အမှတ်အသားပြုခံရတဲ့နောက် ငါ့မှာကလေးတစ်ယောက်ရသွားတယ်{GL} [Translation]

1: ကိုက်ပစ်ပြီး သူမကိုအမှတ်အသားပြုလိုက်/1: ကိုက္ပစ္ၿပီး သူမကိုအမွတ္အသားျပဳလိုက

1: ကိုက်ပစ်ပြီး သူမကို အမှတ်အသားပြုလိုက်

လောင်ချင်းဇူ နိုးလာတော့ ထူးဆန်းတဲ့နေရာတစ်ခုမှာ ရောက်နေတာကို တွေ့ရှိသွားတယ်။သူမခန္ဓာကိုယ်က ကိုက်ခဲနာကျင်နေပြီး ဦးနှောက်ကလည်း သံချောင်းနှင့် အနှက်ခံထားရသလို အုံခဲနေတယ်။

သူမရဲ့ နောက်ဆုံးမှတ်မိထားတဲ့မှတ်ဉာဏ်က ဂြိုလ်ဆီပြန်လာတဲ့အာကာသယာဥ်ပေါ်မှာ ရှိနေတုန်းပဲ။ယာဥ်ပေါ်ပါလာတဲ့ သစ္စာဖောက်က အလိုအလျောက်ဖောက်ခွဲကိရိယာကို စနက်မီးပျိုးခဲ့တယ်။သူမမှာ စနက်ရှာဖွေဖယ်ရှားဖို့ရော ပုန်းအောင်းဖို့ပါ အချိန်မရလိုက်ဘူး။အားပြင်းတဲ့ပေါက်ကွဲမှုကြောင့် သူမရဲ့ခန္ဓာကိုယ်မထိခိုက်စေဖို့ကိုသာ စိတ်စွမ်းအင်နှင့် ထိန်းချုပ်ရတော့တယ်။စက္ကန့်အနည်းငယ် မဆုတ်မနစ်ကြိုးစားပြီးမှသာ ပြီးဆုံးသွားကာ အသိပြန်ဝင်လာနိုင်တယ်။

"ဘယ်နေရာကို ဆင်းသက်လာတာလဲ?" လောင်ချင်းဇူမှာ အကြံအိုက်သွားတော့ ထထိုင်ပြီး ပတ်ပတ်လည်ကို လှည့်ကြည့်လိုက်တယ်။ဒီနေရာက အနည်းငယ်မှောင်ကျနေပြီး အလင်းအားက သိပ်မကောင်းဘူး။သူမက တွင်းနက်ထဲရောက်နေပြီး ပတ်ပတ်လည်မှာကလည်း သစ်ပင်မြင့်မြင့်ကြီးတွေ ဝန်းရံနေတယ်။သက်ရှိသတ္တဝါတစ်ကောင်တစ်လေကိုတောင်မှ မတွေ့ရဘူး။သူမရဲ့ခန္ဓာကိုယ်က အနာတရဖြစ်သွားပြီး သူမဦးနှောက်ကလည်း ပျက်စီးသွားပြီိ။

လောင်ချင်းဇူဟာ မာကျူရီဂြိုလ်က အင်ပါယာရေတပ်ဗိုလ်ချုပ်ကြီးတစ်ယောက်ဖြစ်တယ်။သူမမှာ ထိပ်တန်းအဆင့် ရုပ်ပိုင်းဆိုင်ရာကြံ့ခိုင်မှုနှင့် စိတ်စွမ်းအားရှိတဲ့အပြင် ပြီးပြည့်စုံတဲ့ပုံပန်းကလည်း ရှိသေးတယ်။သူမမှာ ရွှေနှင့်သစ်သားဒွန်တွဲစွမ်းအင်လည်း ပိုင်ဆိုင်ထားတယ်။သူမက တိုက်ခိုက်မှုနှင့် သားပေါက်ခြင်းအတွက် အသင့်လျော်ဆုံးသော ဆင့်ကဲပြောင်းလဲလာသူလည်း ဖြစ်တယ်။ပထမအဆင့်အတန်းအရ ယခုလောလောဆယ် သူမ အားနည်းနေပေမဲ့လည်း ကြောက်စရာဘာမှ မရှိဘူး။

ပတ်ပတ်လည်မှာရှိတဲ့စွမ်းအားတွေ ပြင်းထန်စွာသိပ်သည်းလာတာကို သူမ ခံစားမိတယ်။သို့ပေမဲ့ သူမရဲ့စိတ်အားအင်နှင့်စွမ်းရည်တချို့က ပျက်စီးနေလို့ ရှောင်တိမ်းကာကွယ်ဖို့ နည်းမရှိပြန်ပေ။ဒီဂြိုလ်ပေါ်မှာ ဘဝအခြေအနေကို သိရှိဖို့ သူမ နည်းလမ်းတစ်ခုရှာမှ ရတော့မယ်။