ماذا عن الحب ؟

Part 1

(ياسمين)

شهد ::لج ياسميييييييييين

ياسمين::هااا خير ؟شصار 😳

شهد::شوفي مااصدك نزلت اغنيه جديده لمحمد السالم وانا اول وحده نزلتها بجهازي

ياسمين::لابربج ..من كل عقلج وكفتي گـَلبي ع مود حظرت محمد السالم

شهد::ييييي فديته اموت عليه

ياسمين::لج بابا شوكت يصير عندج ذوق بالاغاني ..

شهد::ياااعيني شبي. ذوقي بالاغاني احسن من ذوقج ..وائل جسار وحسين الجسمي وكاظم الساهر ومدري منووو وييييع

ياسمين::افففففف استغفر الله😒

شهد::ايي لاتتأفأفين يمي خليني اسمع الاغنيه واستمتع بيها ..اااااه فديت صوته اني

لحظه احدثكم عن شهد تعرفت عليها عند دخولي المدرسه المتوسطه التي كانت توجد فيها وانا كنت طالبه جديده ...(چانت غثيثه كلشش) ..هكذا كان اول لقاء لنا :

المعاونه::مرحبا ست ايمان هاي ياسمين طالبه جديده اجت نقل

ست ايمان::اهلا وسهلا تفضلي گعدي هناك يم شهد وحدها بالرحله الاخيره ..
نظرت الى شهد حيث كانت تنظر الي بقرف وعيناها بنيتان وشعرها الاسود الذي ترفعه الى الخلف ..جلست بجانبها

-هلوو ممكن اگعد

-ع اساس تسوين نفسج تستأذنين ؟
صدمت من ردها !
-شتحسين شنو هالاسلوب ؟؟!
-اهوووو عاد ظلت تتفلسف براسي ..شو كعدي خلصينه

جلست الى جانبها وانا مصدومه لا اريد البقاء في هذه المدرسه ..من اول يوم يعاملوني هكذا...
رن الجرس وخرج الجميع وبقيت انا اشعر بالوحده اجلس بمفردي ..كم اشتقت لمدرستي القديمه ولصديقاتي ..لكن الظروف اتت بي الى هنا حيث كان عمل ابي في منطقه بعيده فاضطررنا من الانتقال معه الى هنا ونقلت دراستي ايضا

مرت ايام وانا لا ازال اشعر بالوحده ذات يوم جائت شهد مهمومه للمدرسه ولا تكلم احد ظللت افكر بها طول الدرس رغم كرهنا لبعض
انتهى الدرس وهمت شهد بالذهاب الى الساحه الخلفيه قررت الذهاب خلفها ..
-شهد شهد
-خير ليش اجيتي وراي
-ظل بالي يمج
-مو ناقصتج تركيني وحدي
-لا مو بكيفج (جلست بجانبها حيث كانت تجلس ع الارض وتمسك بحجر وتحركه بالرمال)

بقينا صامتتين لمده ..ثم قلت لها ::منو مزعل الحلو
-اااففف شيخلصني من هالعيشه

-ايي وبعدين

-تستهزئين حضرتج ؟
-لاع ...گومي كدامي يلا
-وين ؟؟
-نشرد ..اصلا شوفي مدرستكم السياج كلش قريب ..شنو رايج ؟
-طلعتي مو قليله وحنى مخدوعين بهدوءج

-هههههه ديلا امشي

خرجنا الى كافتريا قريبه من المدرسه حيث انهارت شهد بالبكاء وبدأت تتحدث عن مشاكلها الذي سببها ابويها وسبب انفصالهما
بقيت اهدئها واحاول ان اجعلها تضحك
بدات انا ايضا اتحدث لها عن حياتي وتفاصيلها واصبحنا لانفترق عن بعضنا واصبحت من اعز صديقاتي وكانت من عشاق محمد السالم ع عكسي تماما.... وحاليا نحن صف خامس علمي ...هكذا نشأت هذه الصداقه المجنونه😁..

(الحظ جمعنا..)
في احد المرات ونحن خارجتين من المدرسه ..

ياسمين::شهود السايق مايجي شيرجعني للبيت

شهد::هاي شبيج راح تموتين هسه اتصل ع السايق مالتي ونوصلج بطريقنه

ياسمين::اوكي

شهد ::عااا لج شوفي الحظ اتصلت ع السايق جهازه مغلق ..يعني ننجبر ناخذ تكسي

ياسمين::أنــجبي اموووت ولا اصعد تكسي بهالظهر وبنات وحدنه يمه

شهد::لج بابا انتي شوكت تكبرين ..شكو علينه قابل راح ياكلنه

ياسمين ::ولج اذا صار بينه شي شلوون ؟؟

شهد::امشي امشي هسه اشوف واحد حباب ونأجره لاتخافين اني يمج

ياسمين::ع اساس انتي روبن هود ..يلا امري لله
(وقفنا في الشارع ولكن لسوء حظنا لن يوجد هناك سيارة اجره )
شهد::شوفي شلون فگرتينه حتى الشارع فارغ حظ زفت

ياسمين::اي حقهم الناس نايمه

شهد::لج شوفي هاي سياره جايه من بعيد بس مو تكسي راح اشرله بلكي خوش ولد

ياسمين::لاوج لاتفشلينه

(كعادتها شهد لاتسمع كلامي واشارت للسياره بيدها كي تقف ..وكان بداخلها شاب وسيم عيونه داكنه وبشرته حنطيه ولكن كان شعره مبعثر بعشوائيه وملابسه متسخه. ايضا تشير الى انه كان يعمل )
فتح نافذه السياره وقال::اني مااشتغل تكسي

همست لشهد::هم مو تكسي وهم وصخ..لا ربحت الشركه

شهد ::اي نعرف بس الله يخليك احنه وحدنه بالشارع ونريد احد يوصلنه وماكو سيارات بس انت

اشار الينا بيده ::تفضلو

صعدنا في الخلف ووصفنا له الى اين يوصلنا .. نظر في المرأة ليرانا ووجه كلامه لي ::شنو انتو متوسطه

قلت ::لا.

شهد::شنو مامبين علينه خامس علمي

هو::لا مامبين بعدجن سنفورات

شهد::هههههههه

قرصتها على يدها بخفه::ولج اثكلي فشلتينه

هو::نظر لي بالمرأة وابتسم(يمكن سمعني عزه)
قال لشهد ::هذا البيت

شهد::اي اي شكر تعبناك ..بااي

بقيت انا وحدي معه (صخام صخمني)
ظهرت اغنيه وائل جسار (جرح الماضي)وانا اعشقها في الراديو ..قام باغلاقه (كبررر ماعنده ذوق)

بقينا صامتين لمده بعدها قال::شبيج هيج وجهج ظل ينطي الوان تره ماراح اكلج

ياسمين::اا..لالا عادي

-ايي مبين

-حاولت تغير الموضوع وقلت::هسه ادخل بهذا الشارع بيتنا ع اليمنه

-اوكي
-قبل لا انزل قال::ماتعرفنه شنو اسمج؟؟

-ياسمين
-عاشت الاسامي ..اني هيثم

-امممم يلا باي وشكرا

-باي ..ولـــو