ماذا عن الحب ؟

Part 2

(الحمار!!!)
استيقظت في الصباح على صوت اختي مريم
-لج ياسمين يلا كعدي

-بصوت ناعس:::مممم شكوو شيج من الصبح غير عطله

-انتي شنو تفقدين الذاكره من تنامين غير اتفقنه نروح لمول منصور

-بطلت مااروح خليني انام

-سحبت الغطاء وقالت::يلا لج بلا عناد مو اريد اشتري لحفلة التخرج منو غيرج يجي وياي

-يلا جايه
غيرت ثيابي وخرجت معها
(لحظه احدثكم عن مريم ::مريم هي اختي الاكبر تدرس كلية تربيه رياضيات مرحله رابعه ..خلال احداث القصه راح تتعرفون ع شخصيتها )

دخلنا "المول" وكانت مريم تدور بين المحلات وكالعاده لايعجبها شي بسهوله 😒

-مريييم رجليه تكسرن خلصينه هي كلها حفلة تخرج

-اي حقج بعدج صغيره مامجربه الكليه ..لازم اطلع احلى وحده حتى يمووتن غيره

-اي مو انجلينا جولي حضرتج

-انجبي..تعالي نشووف هذا المحل جنه بي خير

تبعتها ودخلنا المحل لكن المحل كان فارغ لايوجد فيه احد بقيت مريم تنظر للثياب

-مريم امشي نطلع شوفي المحل فارغ

-لا هسه يجي يمكن عنده شغله ..عنده اشياء عجبتني

-تدرين مريم هذا ابو المحل اثول ..مال هسه اخذ نص الملابس واطفر ولا احد يدري

-ههههههههههه اي والله ..تفكيرج اسرائيلي

-هههههههه اعجبج ..غير يجي هذا الحمار العايف محله (سمعت صوت خلفي )
-يعني اني الحمار؟!
نظرت له كان نفسه الشاب الذي اوصلنا انا وشهد في سيارته (الوصخ هيثم)لكن في هذه المره كان انيق ووسيم
-(عععاآآآ صخام صخمني شسوي ..اعمل نفسي ميت)
-اا لا لا اسفه ماجان قصدي

حاولت مريم تغير الموضوع
-اا ني راح ادخل اقيص هذا الفستان

بقينا انا وهو بالمحل وكان يقتلني بنظراته (شكد فشله) ثم قال::شلون صدفه بس جنتي هادئه ماتوقعتج هيج السان

-لا مو السان بس تره انت صدك حمار اكو واحد يعوف محله

-كاعد من الصبح ماكو احد شمدريني من اروح اشرب مي تجين حضرتج

-انت اصلا مو وجه محل ..شجابك هنا مو انت تشتغل مصلح مدري شنو
-اني مصلح؟؟؟

-اي انت جنت كاتلك الوصخ من صعدنه وياك ..هم كول جذب

-هههههه لا جنت اساعد صديقي سيارته عطلانه

خرجت مريم من غرفة القياس
-هاي انتي هنا ؟حسبالي اغمى عليج ..يلا تاخرنه امشي

وجهت نظرها لهيثم وقالت::عجبني هذا راح اخذه

عدنا الى المنزل وكانت مريم ترتدي الفستان والحذاء وتسير في الغرفة كعارضات الازياء ..اما انا كنت افكر في الموقف الذي حدث معي ..كنت افكر بيني وبين نفسي انني اخطأت عندما كلمته بهذه الطريقه هو لا يأذني بشئ
(حفلة التخرج)
واخيرا جاء يوم تخرج اختي ..ذهبت معها وكانت تبدو جميله للغايه (فديت اختي )..كنت اجلس ع احد المقاعد حيث كانت اختي مع صديقاتها ..وسمعت صوت شابين يتحدثان بجانبي ..
-شوف هاي البنيه المزه الي لابسه تركواز
-اي تخبل شبيها
-هاي اشترت هذا الفستان من محلي طالع عليها فدشي
-ايي كلششش هي اصلا صاكه ..لوو بمكانك مااخليها تطلع من المحل
-ههههههههه راح من بالي
(عن اختي مريم يتحدثون)
ثرت غضبآ ووقفت امامهم وقلت::هييي انت وهذ اليمكن شنو تحجون هيج عن اختي شكد ماتستحون

هيثم نصدم من وجودي ؛
اما صديقه فقال::اي وشنو يعني شحجينه قابل
-موعيب عليكم يعني البنيه تشتري منكم شي ..تكعدون هيج تتغزلون بيها

-امشيي منا يلا مانريد وجع رااس ..بنات ملطلطات و...
هيثم::احممممد ولا كلمه مااسمحلك تحاجيها هيج
احمد تفاجاء من رد هيثم
اما انا فكانت الدموع تجتمع في عيني وخرج ربما اكون قد اعطيت الموضوع اكبر من حجمه لكن لانني احب اختي ولا اسمح لاي احد يتحدث عنها كلمه واحده وايضا لانهم كانو يتحدثون عنها كانها سلعه امامهم ..سمعت صوت خلفي
-يااسمين ياسمين اوكفي احاجيج
لا اهتم له واسرعت بالخروج ووقفت وسندت ظهري ع احد الاشجار الذي في الجامعه حيث كان الجميع في الداخل من اجل الحفل
وقف هيثم بجانبي وقال::اسف ياسمين
-..........
-والله ماجنت اقصد احجي عنها بس هيج جنه نحجي اني وصديقي والموضوع كله شقه
-اسكت كافي مااريد اسمع
صمت قليلا ثم قال::ماجذبتي من كلتي عليه اثول وحمار
انفجرت ضحكا رغم مافعله::ههههههههههههههههههههههههههههههههههههه
هو ايضا::ههههههههههههههههههههه
-تره ضحكتج عذاااب
رفعت حاجبي وقلت::يعني قبل شويه تتغزل بااختي وهسه اني ياحمار
-لالا اسف بس حلوه من تضحكين
(احمرت وجنتي من كلامه )
-تعال صدك انت شعندك هنا شو بكل مكان اشوفك
-هههههه مو صديقي بهاي الكليه
-المصلح؟
-ههههه لا واحد ثاني
-يلا اني رايحه اكيد اختي دور عليه
-اوك
دخلت للداخل حيث كانت اختي تبحث عني
-لج وينج عود جايبتج توكفين وياي وانتي عايفتني وحدي
-اي عادي رحت للحمامات عدلت شعري

زفرت وقالت ::يلا خلصينا امشي راح يصيحون الاسماء

ذهبنا وكانت مريم البسمه لاتفارق شفتيها وانتهى الحفل وعدنا الى المنزل متعبين وكانت مريم تتحدث لي عن الحفل وكأني لم اذهب معها ..لكن كنت اسمعها واتفاعل معها(ماخذتها ع كد عقلها)

تحدث مع شهد واخبرتها عن كل ما حدث معي
-لج سوسو شكلج معجبه بي
-اسكتي شنو هذا الحجي
-ممم صدكتج لاتحلفين
-لج شهددد 😡
-هههههه يلا سكتت
بقيت افكر بكلام شهد ..جائز ان يكون كلامها صحيح ..لانه حقا يستحق الاعجاب وسامته وشخصيته ...اااه لكن مالفائده اذا كان عن نفسه لايكن لي اي مشاعر او حتى اعجاب 😓...