ماذا عن الحب ؟

Part 4

بعد ماتفوه به ابي امامهم خرجو من المنزل وانا كنت اسند ظهري على الجدار ولا استطيع حتى الوقوف من شدة الصدمه ..جائت اختي مريم :
-يسووو حبيبتي هااي ليش هيج كاعده كافي بجي
-مومصدكه مريم مومصدكه
-اششش حبي كافي كومي ع الغرفه حتى نحجي براحتنه

ستندت ع يد مريم وذهبنا للغرفه كانت مريم تحاول تهدئتي

-شوفي مريم لتسوين هيج والي كاتبه الله يصير
-زين بابا شلون هيج يصرف حتى مااخذ رايي
-...ااا..موو هو اخذ راي ماما ووافقت هم وكالو انتي اكيد مراح تعترضين
-شنووووووووووو حتى ماما تصرفت هيج شنو قابل اني لعبه بايدهم يتحكمون بيه حسبالهم بعدني صغيره

-اشششش اهدي لايسمعوج
-لا مااهده واني اريدهم يسمعون (بصوت عالي)
فتحت والدتي الباب
-خيررر شنو هذا الصياح
-ماما انتوووو شنو هيج تسون بيه
-شسوينه بيج غير على مود مصلحتج

دخل والدي وعيناه متسعتان من الغضب

-شنووو اظاهر ماعاجبها ست ياسمين

-اييي ماعاجبني ولاراح يعجبني اذا تظلون هيج تصرفون وتاخذون قرارات بدل عني

-وشنو الماعاجبج بحيدر (يعني ابن عمي)
-ماااارررريييدده ماااحبه ماااحبه شنو هي غصب
-اييي غصب هذا ابن عمج ومانلكه احسن منه وموظف وراح يعيشج احسن عيشه مو هذا هيثم جايني ويشتغل بمحل ملابس ..شوفي الفرق

-اييي انتو ماهامكم غير الفلوس تردون تبيعوني مو تزوجوني
-(صفعني على وجهي)اظاهر ماعرفنه نربيج عدل جان استحيتي وانتي كاعده دافعين عن هذا الزفت

وظل يصفعني وانا ابكي واحاول ان اخفي وجهي بين ذراعي لاتجنب صفعاته المتكرره ..وكانت اختي ووالدتي تحاول الامساك به وابعاده عني ..وقام بأخذ هاتفي والابتوب ومنعني من اي شي يمكنني ان اتواصل به مع هيثم ..

كانت الايام تمضي عليه بصعوبه وكنت لا افارق سريري وحتى دموعي جفت من كثرة البكاء وكنت افكر بهيثم ماهي حالته الان .وكان ابي ايضا لايتحدث معي ..
ذات يوم كنت جالسه ودخلت اختي مريم مبتسمه::

-لج يسوو عندي الج خبر اشررد
-شنو
-طلعت القبولات وطلعلج هندسه حاسبات التخصص الي تحبي بعد شتردين
-اها زين
لطالما حلمت بهذا اليوم لكن مااغرب هذه الحياة تفاجئنا دائما وهاقد اتى اليوم الذي انتظره من سنوات لكن لم يكن له طعم بسبب الحزن الذي بداخلي

-عاااد يسووو لتظلين هيج والله داامل وحدي عايفتني حتى ماتحاجيني شنو ذنبي
-اسفه والله بس كلش نفسيتي تعبانه
-هسه اغيرلج نفسيتج يا كومي بدلي
-لافدوه مريم مابيه حيل
-لالا مو بكيفج كومي كدامي

نهضت وغيرت ثيابي بعد اصرار من مريم
-لج تعالي قابل طلعين هيج عبالك مومياء وجهج اصفر حطي شويه مكياج
-لا ابد مو وكتها مالي خلك اصلا زين وقبلت اطلع وياج
-لا ماحزرتي شو تعالي اني اخليلج

كنت انظر الى مريم وهي تضع لي بعض مساحيق التجميل كم هي حنونه ولاتحب ان تراني حزينه وتحاول بكل الطرق اسعادي

-مريم انتي احسن اخت بالعالم احبج هوااي
-احتضنتني::امووت عليج حبيبتي انتي

بعدها استأذنت مريم من والداي وسمحوا لي بالخروج معها لانها تكبرني سنناَ
خرجنا انا وهي الى احد المتنزهات وكنا نتمشى وننظر للاطفال كيف يلعبون ويستمتعون بوقتهم من غير ان يهموا بأي شي تمنيت لو انني اعود طفله كي لا امر بكل هذا

قطع تفكيري بائع متجول كان يحمل بيده #شعر_بنات
-مريم اررريد شعر بنات شتاقيتله
-هههههه تدللين حبيبتي

اشترت مريم لها واحد واشترت لي اربعه
-حيللل هاي لمنو
-الج ادري بيج تحبي اكلي واحد والباقي اخذي للبيت تونسي بي
-اي زين سويتي
جلسنا ع احد المقاعد الموجوده في المتنزه
-ااااه مريم صدك غيرت جو اليوم
-اي حبي لازم هيج طلعين ماتظلين حابسه نفسج ومتكابه
-ايي صح بس هسه اني شسوي بهذا الموضوع بعد شهر ويجي حيدر يتقدملي رسمي واني مااريده شلوون

-ياسمين انتي صح تحبين هيثم بس مراح يوكف العالم ع شخص واحد واحنه مانعترض ع حكم الله
-ونعم بالله بس مريم اني شنو ذنبي يصير وياي هيج لان حبيت شخص وتعلقت بي زين هذا الحب الي بدالخلي وين يروح مااكدر انسه بسهوله
-ايي اكيد ماراح تنسين بسهوله بس راح تتعودين وحيدر كلها تمدح بي اكيد راح ينسيج ويسعدج
-بس هيج اني راح اخون هيثم الي حبني ووفه وياي واجه تقدملي
-الله كريم حبيبتي لاتفكرين هواي بالموضوع الله يفرجها
-.........
-وين يسوو القديمه الي بس تضحك وتشاقه وميهمها اي شي
-اي صح حجيج لازم انسه ...اصلا لازم اتغير جذريا
-عاااااشوو
-هههه كوومي بسرعه خل نوىح
-وين؟
-معليج امشي وبعدين تعرفين