အာဏာရှင်ငရဲမင်းကြီးနှင့် သူ၏အချစ်ကလေး (၂)

Chapter 203: One Cannot Avoid His Enemy

အပိုင်း ၂၀၃: ရန်သူကို မရှောင်နိုင်သည့်သူ

တိမ်ပင်လယ်သည် ကောင်းကင်ဘုံ၏ တတိယထပ်တွင် တည်ရှိပြီး ကောင်းကင်ဘုံမှ လူငယ်များစွာတို့ မကြာခဏ သွားလေ့ရှိသော နေရာဖြစ်သည်။

တိမ်ပင်လယ်ရင်ပြင်တွင် ကောင်းကင်ဘုံ၏ အခမ်းနားဆုံးသော သဘာဝရှုခင်းများ ရှိသည်။ ရက်သတ္တပါတ် ဆယ်ရက်တိုင်းတွင် တိမ်တိုက်များက ညနေခင်းတွင် မြင်းစီးသမားများ စီးနင်းနေကြသော မြင်းအုပ်များကဲ့သို့ ပြေးလွှားနေကြသည်ကို မြင်တွေ့ရနိုင်ပြီး နေ့ခင်းဘက်တွင် တိမ်တိုက်များက ရင်ပြင်တစ်ခုလုံးကို လွှမ်းခြုံကာ ရင်ပြင်ကို တိမ်ကမ္ဘာတစ်ခုအဖြစ်သို့ ပြောင်းလဲသွားစေသည်။ ထို့ကြောင့် ကောင်းကင်ဘုံရှိ အမျိုးသား၊ အမျိုးသမီး အများအပြားတို့က ကျင့်ကြံရန် သို့မဟုတ် ရှုခင်းကြည့်ရန်အတွက် တိမ်ပင်လယ်ရင်ပြင်သို့ သွားရခြင်းကို နှစ်သက်ကြသည်။

ကောင်းကင်ဘုံတတိယထပ်၏ ဆွဲငင်အားမှာ အလွန်ပြင်းထန်ခြင်းမရှိပေ။ တစ်ဦးတစ်ယောက်၏ ကျင့်ကြံမှုအဆင့်က နတ်ဘုရားအဆင့်သို့ ရောက်သည်နှင့် ထိုသူက တတိယလွှာသို့ သွားနိုင်မည်ဖြစ်သည်။ ထို့ကြောင့် တိမ်ပင်လယ်ရင်ပြင်ကို သွားရောက်ကြည့်ရှုနိုင်ဖို့အတွက် ကောင်းကင်ဘုံမှ အမျိုးသား အမျိုးသမီးတို့က နတ်ဘုရားအဆင့် ကျင့်ကြံဆင့်သို့ ရောက်ရန် အစွမ်းကုန် ကြိုးစားကြသည်။

ဒါကလည်း ကောင်းကင်ဘုံ၏ ဘိုးဘေးဘီဘင်တွေက အဆိုပါကြီးမားသော ဆွဲငင်အားကျောက်တုံးကြီးကို ရယူဖို့ သူတို့၏ အသက်ကို စွန့်စားခဲ့ရသည့် အကြောင်းရင်းတစ်ခုလည်း ဖြစ်ပါသည်။ ကောင်းကင်ဘုံတွင် အထပ်ဆယ်ထပ်ရှိသော်လည်း တစ်ခုစီတွင် ကျင့်ကြံဆင့် ကန့်သတ်ချက်များရှိသောကြောင့် သင် မြင့်မြင့်သွားလိုလေလေ ကျင့်ကြံဆင့် တက်အောင် ပိုကြိုးစားရလေဖြစ်သည်၊ မဟုတ်ပါက သင်သည် အောက်ထပ်တွင်သာ လှည့်လည်သွားလာနိုင်ပြီး သင်က အရှုံးသမားတစ်ယောက်ဖြစ်ကြောင်း အခြားသူများက သိလာမည်ဖြစ်သည်။

ဘယ်သူကမှ အရှုံးသမားလို့ တံဆိပ်မကပ်ချင်ကြသည့်အတွက်ကြောင့် ကောင်းကင်ဘုံက လူငယ်လေးတွေက ပိုမြင့်တဲ့အထပ်ကိုတက်နိုင်ဖို့အတွက် ကျင့်ကြံ ကြိုးစားကြသည်။