🥀الروايه الاول🥀 (قـٕلـب امراه صعيديه)🥀من سلسله الصعيد،🥀

البارت 13،⁦🙄🙄

#متابعة_اولا للحساب

كانت الناس بتصرخ بإسمها وقتها وهي فقدت الوعي وكريم سامع صراخ طلع من السرايا يجري والكل طلع معاه من السرايا وهِلال قعدت مع أمينة مرات عدي ومعاها نجمة والجد فضالي معاهم

طلع كريم العربية وجمبه نعمات وعائشة وهاني

كان سايق العربية ولما وصل للمبنى شاف الناس متجمعة حولين عربية الإسعاف وتُقى قاعدة في الأرض بعد ما الناس فوقتها وحاضنه أمل وبتبكي

جت نعمات راحت عنديها وقالت:  إيه في يا بنتي

تُقى بدموع: أبويا قلبه وقف مش عارفه ماله مش عارفه

عائشة بدموع حضنت أمل وكان كريم واقف جمب عربية الإسعاف وباصص للجهاز

راح تجاه تُقى وشافها وهي بتهز في راسها وبتبكي خلع جاكيت بدلته وحطه على كتفها لما شاف هدومها كلها دم وكانت بردانه

كريم بصلها بحزن وقال: متخافيش هيبقى بخير ويرجع من تاني

تُقى بدموع هزت راسها بنعم وقامت راحت عند العربية وصرخت: قوم يا أبويا قوم ملناش غيرك والله في الدُنيا قوم من تاني

وقتها نبضه رجع من تاني تُقى بدموع طلعت العربية ومسكت إيده وكان فاقد الوعي ومش حاسس بشيء حضنتها أمل وطلعت عربية الإسعاف مشيت كريم سَند الست نعمات وطلعها العربية وقال: روحهم يا خالي أنا هتكلف بكل حاجه تخص المستشفى متخافوش، روحي يا تيته علشان صحتك اوعدك إني هطمنك على العم حسن

نعمات هزت راسها بنعم وكريم طلع تاكسي ومشى وراهم

هاني اخد العربية وساق بيهم للسرايا

وصلت عربية الإسعاف للمستشفى نزلت تُقى وأمل من العربية وكانت دموعهم سبقاهم تُقى بدموع مسكت في عربية النقالة:  متسبنيش يا أغلى حد على قلبي متسبنيش

أمل بدموع: إحنا هتبقى يتامىٰ من بعدك يا أبوي متسبناش

كانوا داخلين معاه للمستشفى وكريم وصل واتكلف بكل المصاريف

ودخلوه في غرفة العمليات قعدت تُقى بضياع على الكرسي وكانت حاضنه أمل

قرب منهم كريم ووقف قصادهم وقال:  متخافيش هيبقى بخير إن شاء الله وهيرجع أقوى من الأول

تُقى بدموع هزت راسها بنعم

خرجت الممرضة وطلعت برا الأوضة وقفتها تُقى بدموع وقالت:  أبويا بخير صح؟

الممرضة:  قدرنا نوقف النزيف الداخلي والحمد لله العملية ماشية كويس

تُقى بدموع هزت راسها بنعم ووقفت عند باب أوضة العمليات سندت على الحيطه

كانت ماسكه السلسلة في إيدها ذكرة من العم حسن وبتبكي

ماسكه المصحف وبقرأ قرآن وكريم قاعد قصادها على الكرسي وحاضن أمل