انا فتاة و احببتو فتاة

البارت 2 💗

حسيت قلبي بيطلع من مكانه انا كنت ماسكه كتابي و نقرا لأن عندي امتحان  و هيا شبحت فيا و قعمزت و كانت عاطيتني بضهرها و ما تشوف فيا و انا انشوف فيها و عيوني ما يرمشو بكل و مسكت ورقة و زينتها قلوب و كتبت فيها رسالة لغزل و كتبتلها غزل انا انحبك وااااااجد و ما كتبتلها اسمي ولا من انا كتبتلها كان عرفتيني و كلمتيني ما بنجيك لاني انتحشم و حطيت الرسالة في ظرف و حطيت معاها شكلاته و ورده حمرة و دسيتهن و جتني عليا قعمزت جنبي و انا كنت انشوف في غزل و انكلم في عليا
انا. عليا نبيك تعطي لوحده رساله بعدين
عليا شبحت فيا. مني
انا انشوف في غزل. كل شي في وقته حلو
عليا القتني انشوف في غزل. قاتلي عرفتها
انا  ما عدلت عليها و قاعده انشوف في غزل. مني
عليا بصوت واطي. غزل
انا شبحت فيها و بصوت عالي. كيف عرفتي
عليا تضحك و غزل شبحت فينا انا تحشمت و طلعت من الدار و جا المغرب و كنا مقعمزين في الدار انا و علياو غزل و اسماء و باقي البنات كنت انا انلعب في ولد لجين اخت غزل و غزل اتلعب في بنت اختها فردوس و  عليا معايا
........... الساعه 12 الليل كانت غزل مع خالاتي و بنات عمامها برة في الجنان و انا كنت مقعمزة برة نبي انشوف غزل لاكن هيا مقعمزة في وسطهن و ما انشوف فيها كويس و دايرة روحي نكتب خالتي.  خشي يا هدايا اقري داخل برة سقع
انا.  لالا خالتي الجو كويس
و غزل شبحت فيا و ما كلمتني و بعدها خشينا داخل و قعمزنا انا و اسماء و عليا و عمتي غاليه و غزل و يهدرزن عمتي و غزل و انا انشوف في غزل و بعدها مشينا فرشنا و رقدو كلهم الا انا قعدت واعية و انفكر في غزل و بعدها رقدت
................... تالت يوم الصبح
لجين اخت غزل سافرت................ كل عادة اول ما صحيت فتت عل حمام بعدها طلعت دورت غزل ما القيتها في كل البيت داخل يعني و ما سالت حد عليها و طلعت برة القيتها اتكلم في التلفون و خشيت و فطرت وطلعت القيت غزل في الدار و قالت بيسافرو انا انخلعت و مشيت نجري لعليا
....................
غزل بتسافر ولا لا؟
هدايا شن بدير؟
فردوس بتسافر ولا لا؟
غزل شن بتكون ردة فعلها لما تقرا الرسالة؟
استنو البارت 3